Skip to Content

Thursday, March 28th, 2024
کورته‌ نامه‌کانی غوربه‌ت … به‌ندی عه‌لی

کورته‌ نامه‌کانی غوربه‌ت … به‌ندی عه‌لی

Closed
by May 27, 2012 هۆنراوە

 

 

له‌پاییزا
ئێره‌یی به‌ئازایه‌تی دره‌خت ئه‌به‌م
که‌بێ ترس له‌ڕێساکانی جه‌نگه‌ڵ و
له‌به‌ر چاوی چۆله‌که‌ فیتنه‌بازه‌کانا
کراسی گه‌ڵا دائه‌که‌نێ و
به‌ڕووتی خۆی ئه‌داته‌به‌ر
په‌نجه‌ له‌زه‌تبازه‌کانی ڕێژنه‌باران
……..
هه‌ناسه‌ سوارو دۆشدامان
به‌دوی فرسه‌تێکا ئه‌گه‌ڕێم
بۆ ڕاوی ماسیه‌کی خۆشنودی
له‌ڕووباره‌ به‌خوڕه‌که‌ی ژیانا
وه‌لێ ئه‌و ئه‌ڕوات و
ئاوڕێ له‌دوا ناداته‌وه‌
منیش له‌جێی خۆما ئه‌ڕوێم
……….
عه‌یامێکه‌
گوڵی ڕه‌نج ئه‌گرمه‌ ژیان
ئه‌ویش هه‌ر به‌ردی به‌دبه‌ختی
ئه‌گرێته‌ گۆمی ته‌مه‌نم
که‌چی ئه‌م دڵه‌ بێ عاره‌م
ئه‌به‌د ته‌رکی سیگاره‌که‌ی
لێوه‌ گومڕه‌هاکه‌ت ناکا
ئه‌ی ژیان ئه‌ی .. مۆنالیزا

 

.. 2012

Previous
Next
This site is registered on wpml.org as a development site.