Skip to Content

Wednesday, December 2nd, 2020

بووكه‌ شووشه‌ …عه‌لی حه‌مه‌ڕه‌شید به‌رزنجی

Be First!

 

 

 

بووكه‌ شووشه‌ جوانه‌كه‌م

بۆچی ماتی گیانه‌كه‌م

پێكه‌نه‌ ده‌ی پێكه‌نه‌

كوا بزه‌و زه‌رده‌خه‌نه‌

من گواره‌م بۆ كریووی

مل پێچم بۆ چنیووی

قژم ڕێك داهێناوی

له‌ باوه‌شما دامناوی

جلی جوانم بۆ كردووی

بۆ جه‌ژن بۆم هه‌ڵگرتووی

له‌ گه‌ڵ جله‌كانی خۆم

دایكم كریویه‌تی بۆم

ده‌ پێكه‌نه‌ به‌ جوانی

به‌ خۆشی و كامه‌رانی

بۆچی هێنده‌ به‌ نازی

پێناكه‌نی فێڵ بازی

پێكه‌نه‌ خێرا گیانه‌

ده‌ڕۆین بۆ سوار جۆلانه‌

منیش گۆرانی ده‌ڵێم

به‌س تۆ دڵگیر نه‌بی لێم

 

 

 

Previous
Next

Leave a Reply