Skip to Content

479 Views

كاراكردنه‌وه‌ی په‌رله‌مان واته‌ كاراكردنه‌وه‌ی به‌رژه‌وه‌ندی حیزبه‌كان نه‌ك خه‌ڵكی كوردستان … نه‌جم محه‌مه‌د

كاراكردنه‌وه‌ی په‌رله‌مان واته‌ كاراكردنه‌وه‌ی به‌رژه‌وه‌ندی حیزبه‌كان نه‌ك خه‌ڵكی كوردستان … نه‌جم محه‌مه‌د

Be First!
by December 2, 2016 General
image_print

زیاتر له‌ساڵێكه‌ ده‌سه‌ڵات و حیزبه‌كان باس له‌ كاراكردنه‌وه‌ی په‌رله‌مان و ئاسایكردنه‌وه‌ی دۆخه‌كه‌و پرسی سه‌رۆكایه‌تی هه‌رێم وهه‌ڵبژاردنی پێشوه‌خته‌ و هه‌ڵوه‌شاندنه‌وه‌ی حكومه‌ت ده‌كه‌ن هه‌رهه‌موو ئه‌مانه‌شیان له‌پێناو كاراكردنه‌وه‌ی به‌رژه‌وه‌ندیه‌ سیاسی و داراییه‌كانی خۆیانداده‌وێت ومه‌به‌سته‌ نه‌ك ئاڵوگۆڕی جدی و ڕیشه‌یی له‌ باروگوزه‌رانی خه‌ڵكی ونه‌ك خۆش گوزه‌رانكردنی خه‌ڵك و پێشكه‌شكردنی خزمه‌تگوزاری به‌خه‌ڵكی كوردستان هه‌ربۆیه‌ كاراكردنه‌وه‌ی په‌رله‌مان و هه‌ڵبژاردن و دابه‌شكردنی پۆسته‌ حكومیه‌كان وسیادیه‌كان گه‌مه‌یه‌كه‌ بۆ فریودانی خه‌ڵكی وبه‌هێزكردنی پێگه‌ حیزبیه‌كانی خۆیان له‌پێناو زیاتر فریودان وسه‌ركوتكردن وپێشێلكردنی مافه‌كانی خه‌ڵكی كوردستان هه‌ربۆیه‌ نابێت خه‌ڵكی كوردستان به‌په‌یام و كۆبوونه‌وه‌ و ڕاگه‌یاندنه‌كانی ده‌سه‌ڵات وحیزبه‌كان فریوو بخۆن وباوه‌ڕبكه‌ن وخۆش حاڵو خۆش خه‌یاڵ بن ده‌بێ‌ خه‌ڵكی كوردستان به‌جیا له‌ ده‌سه‌ڵات و حیزبه‌كان بڕیاربدات و قسه‌و داواكاری خۆیی هه‌بێت له‌سه‌رشه‌قام .
خه‌بات وفشاری مه‌ده‌نیانه‌و جاماوه‌ریانه‌ وشارستانیانه‌ فراوانتربكه‌ن و ڕیزه‌كانی خۆیان ڕێكخه‌ن و ڕێكخراوبن ئیتر كاتی ئه‌وه‌ هاتووه‌ شه‌قام به‌جیا له‌ ده‌سه‌ڵات و حیزبه‌كان قسه‌ی خۆی بكات وبڕیار بدات 25 ساڵه‌ ده‌سه‌ڵات و حیزبه‌كان له‌بری خه‌ڵكی بڕیارده‌ده‌ن و قسه‌ده‌كه‌ن و خه‌ڵك سه‌ركوت ده‌كه‌ن وخه‌ڵكی كوردستانیان نوقمی نه‌هامه‌تی و ڕۆژ ڕه‌شی وبێ‌ مافی كردووه‌ وهه‌رچی سه‌روه‌ت وسامانی ئه‌م كوردستانه‌یه‌ له‌نێوان خۆیان به‌شده‌كه‌ن ئیتر كاتی ئه‌وه‌ هاتووه‌ ئه‌و سه‌روه‌ت وسامانه‌ی كوردستان بگڕێته‌وه‌ بۆخاوه‌نه‌ ڕاسته‌قینه‌كه‌ی كه‌خه‌ڵكی كوردستانه‌ نه‌ك ده‌سه‌ڵاتداران حیزبه‌كان..نابێ‌ ئیتر خه‌ڵكی كوردستان فریووی په‌یام وكۆبوونه‌وه‌ ودانوستان و به‌ڵێنه‌ درۆ شاخدارو فریوكاره‌كانی ده‌سه‌ڵات وحیزبه‌كانی بخوات كێشه‌ی خه‌ڵكی كوردستان نه‌كاراكردنه‌وه‌ی په‌رله‌مانه‌ نه‌ئاسایكردنه‌وه‌ی دۆخی نێوان حیزبه‌كانه‌ ونه‌هه‌ڵبژاردنه‌ و نه‌پۆسته‌سیادی و حكومیه‌كانه‌ .
داواكاری خه‌ڵكی كوردستان ئه‌وه‌یه‌ وه‌ك ئینسان بژی وبه‌هاو شكۆی ئینسانیانه‌ی نه‌شكێنرێ‌ وبه‌هره‌مه‌ندبێت له‌خۆشگوزه‌رانی و خزمه‌تگوزاریه‌ ئینسانیه‌كان وبه‌هره‌مه‌ندبێت له‌سه‌روه‌ت و سامانی كوردستان كێشه‌ی خه‌ڵك هه‌ژاری ونه‌داری و بێ‌ كاری و بێ‌ مووچه‌ییه‌ كێشه‌ی خه‌ڵك ناعه‌داله‌تی و گه‌نده‌ڵیه‌ كێشه‌ی خه‌ڵك ئازادی و وئازادی بیروڕایه‌ وكێشه‌ی خه‌ڵ كێشه‌ی ژبانه‌ ژیانێكی به‌خته‌وه‌روپڕئاسایشو ئارامی هتد هه‌ربۆیه‌ دانیشتن ودانوستان وكۆبوونه‌وه‌كان وكاراكردنه‌وه‌ی په‌رله‌مان وهه‌ڵبژاردن و دابه‌شكردنه‌وه‌ی پۆسته‌كان وهه‌ڵوه‌شاندنه‌وه‌ی حكومه‌ت بچووكترین داخوازی هه‌ره‌سه‌ره‌تایی خه‌ڵك چاره‌ناكات و ژیانی باشتر ناكات ونابێت خه‌ڵكی كوردستان هیچ هیواو ئومێدێك به‌م شتانه‌وه‌ گرێ‌ بدات باشه‌ خۆ 25 ساڵه‌ په‌رله‌مان كارابووه‌ وحكومه‌ت كارابووه‌ ودۆخه‌كه‌ش ئاسایی بووه‌ وده‌یان هه‌ڵبژاردن كراوه‌ ده‌یان حكومه‌ت ته‌شكیل كراوه‌ ده‌یان ده‌م وچاو گۆڕاوه‌ سه‌دان وهه‌زاران كۆبوونه‌وه‌ كراوه‌ وهه‌زاران به‌ڵێنی گه‌وره‌ گه‌وره‌ به‌خه‌ڵك دراوه‌ ئه‌ی بۆ بچووكترین ئاڵوگۆڕ له‌ژیانی خه‌ڵكیدا ڕووی نه‌داوه‌ ئه‌ی بۆ تائه‌مڕۆش خه‌ڵكی كوردستان ناخۆشگوزه‌رانه‌ و بێ‌ خزمه‌تگوزاریه‌ و بێ‌ مافه‌ و ئازادیه‌كانی پێشێل ده‌كرێ‌ وبرسی ده‌كرێ‌ ئه‌ی بۆهه‌رنه‌داره‌ و هه‌ژاره‌ و بێ‌ مووچه‌ و بێ‌ ئاوو بێ‌ كاره‌باوبێ‌ به‌شه‌ له‌هه‌موو مافه‌ئینسانیه‌كانی هه‌ربۆیه‌ تاقه‌ڕێگه‌و تاقه‌ ئه‌ڵته‌رناتیفی خه‌ڵكی كوردستان بۆ ده‌ربازبوون له‌م نه‌هامه‌تی و ڕۆژڕه‌شی و بێ‌ مافیه‌ ته‌نهاو ته‌نها خه‌بات وفشاریجه‌ماوه‌ری و مه‌ده‌نیانه‌ و شارستانیانه‌یه‌ .

Previous
Next

Leave a Reply