Skip to Content

Friday, May 27th, 2022

بۆ مه‌رگی کاکه‌ ڕێژوان

Closed
by February 18, 2011 هۆنراوە

به‌ندی عه‌لی .. 2011

عیزره‌ئیل
پێی شه‌رمه‌ ئه‌مشه‌و
توخنی ئه‌م هه‌واره‌ که‌وێ
له‌هه‌ر کوچه‌و کۆڵانێکا
تفه‌نگێکی نابینایه‌
ئه‌هریمه‌ن
ناوێرێ ئه‌م شه‌و
سه‌ردانی ئه‌م شاره‌ بکا
هێنده‌ فیتنه‌بازی گێلی
 سوک و ترسنۆکی تیایه‌

له‌ئه‌مڕۆوه‌ ئیتر باسی
چیرۆکی هاوخوێنی مه‌که‌ن
له‌م هه‌واره‌ زامداره‌یا
گوڵم ، هه‌رزانترین کاڵا
خوێن من و خوێنی تۆیه‌
له‌ئه‌مڕۆوه‌ ئیتر باسی
نوکته‌ی هاوزمانی مه‌که‌ن
له‌م هه‌واره‌ بێزاره‌یا
لوله‌ی تفه‌نگ
زمانحاڵی .. گفتوگۆیه

Previous
Next