Skip to Content

367 Views

زڕ حكومه‌ت ! ….  ئاری زێندینی

زڕ حكومه‌ت ! …. ئاری زێندینی

Be First!
by March 29, 2017 General
image_print

حكومه‌ت نه‌ كۆمپانیایه‌ نه‌ ماڵه‌ نه‌ گونده‌ نه‌ دووكانه‌, حكومه‌ت نه‌ ئۆتۆمبیله‌ نه‌ جل و به‌رگ نه‌ خانووه‌, مه‌به‌ستمانه‌ بڵێن (حكومه‌ت) هی تاك نیه‌ هی كۆیه‌ واته‌ هی خه‌ڵكه‌ هی میلله‌تێكه‌ كۆمه‌ڵگه‌یه‌كه‌ كارووباری خۆیان به‌ڕێوه‌ده‌به‌ن به‌باشی نه‌ك به‌ خراپی! كه‌ ده‌ڵێن به‌باشی واته‌ ژیانی خه‌ڵك باش بێت.بێ‌ گه‌ڕانه‌وه‌ بۆ فه‌لسه‌فه‌ویاساو ڕێسایی حكومه‌تداری حكومه‌ت له‌ كۆن و ئێستادا به‌ شێوه‌ی گشتی خزمه‌تی خه‌ڵك و باشتر كردنی ژیانی خه‌ڵك و ڕایكردنی كارووباری خه‌ڵك جا هه‌ر جۆره‌ سیسته‌مێكی حكومی بێت ئه‌مه‌ش له‌ ڕێی دامووده‌زگاكانی و كه‌ هه‌یكه‌لی حكومه‌تی پێده‌لێن.حكومه‌ت دوو شتی گره‌نگده‌كات بۆ هاوڵاتیانی :
1-به‌ڕێوه‌بردن وئاسانكردنی كارووباری هاوڵاتیان.
2-باشتركردنی ژیانی هاوڵاتیان.

گه‌ر بێیتو شاشیه‌ك له‌ خاڵی یه‌كه‌م هه‌بێت پێده‌ڵێن(گه‌نده‌ڵی), به‌ڵام نوقسانی وبێ‌ به‌رنامه‌یی و بێ‌ پرَۆژه‌یی له‌ خاڵی دووه‌م واته‌ (شكست حكومه‌ت). هه‌مووئامانجی حكومه‌ته‌كانی دونیا باشتركردنی ژیانی هاوڵاتیانه‌ به‌ڵام حكومه‌تی هه‌رێم له‌ هه‌ردوو خاڵ نوقسانی و كه‌مته‌رخه‌می هه‌یه‌ ئه‌وه‌ش به‌ ئیعترافی كاربه‌ده‌ستانی حكومه‌ت خۆی بێجگه‌ له‌ ناڕه‌زایی هاوڵاتیان,حكومه‌تی هه‌رێم زۆر شه‌فاف وخۆراگروبه‌ته‌حه‌مموله‌ به‌رامبه‌ر هاوڵاتیان هه‌ر بڕیاڕێك به‌ فكری دابێت جێبه‌جێده‌كات له‌ خزمه‌تی خۆیی نه‌ك خزمه‌تی هاوڵاتیان!چونكه‌ هاوڵاتیان ده‌بێت چاوه‌ڕێ‌ بكه‌ن قه‌رز وپاشه‌كه‌وت نافه‌وتێت به‌ڵام كۆن ده‌بێت فه‌رمانبه‌ر خۆ نامرێت به‌ڵام پیر ده‌بێت!هه‌شه‌ مردووه‌!بۆیه‌ له‌ جیاتی بڵێن سوپاسی خۆڕاگری با بڵێن سوپاسی پیربوون و مردنتان ده‌كه‌ین!حكومه‌تی هه‌رێم حكومه‌ته‌ هه‌روه‌ك حكومه‌ته‌كانی دونیا داموده‌زگایی هه‌یه‌و وه‌زیری هه‌یه‌و بڕیاڕده‌رده‌كات وكۆبوونه‌وه‌ی شه‌ش مانگی ده‌كات حكومه‌ته‌ نه‌ك حكومه‌ت نه‌بێت به‌ڵام (حكومه‌تێكی خراپ) عه‌یب نیه‌ وترسی ناوێ‌ !گرنگترین كێشه‌ی حكومه‌تی هه‌رێم كێشه‌ی (مه‌عنه‌وی و مادی)یه‌, كێشه‌ی مه‌عنه‌وه‌ی ئه‌وه‌یه‌ مناڵێكی دوانزه‌ ساڵی متمانه‌وباوه‌ڕی به‌ حكومه‌ت نیه‌, كێشه‌ی مادی واته‌ ئه‌و كێشانه‌ی دیاروزه‌قن وه‌ك كێشه‌ی ( موچه‌ونه‌وت وشه‌ڕی داعش و كه‌می خزمه‌تگوزاری وه‌ك كاره‌باوئاوونه‌وت وبه‌نزین) به‌شێوه‌ی گشتی.لێره‌دا هه‌ردوو كێشه‌كه‌ (مه‌عنه‌وی ومادی) سووچی حكومه‌تی هه‌رێمه‌ به‌ ڕاده‌یه‌كی كه‌م هۆكاره‌كه‌ی (بڕینی مووچه‌ له‌ به‌غداو شه‌ڕی داعش و نرخی نه‌وت) به‌ڵكو زیاتریش خڕبوونه‌وه‌ی ئه‌و بێسه‌روبه‌ریه‌ی و ئیهمالی و چاره‌سه‌رنه‌كردنی ساڵانی پێشتره‌ ئه‌مانه‌ ئه‌و جیله‌ی ئێستاش وا تێده‌گه‌ن و ده‌زانن كه‌ پێڕاده‌گه‌ن نه‌ك جیلی نه‌وه‌ده‌كان !كێشه‌ی مه‌عنه‌وه‌ی حكومه‌تی هه‌رێم هه‌ندی به‌ڵێن و گفتی به‌ هاوڵاتیان هیچی جێبه‌جێنه‌كرد به‌تایبه‌تی له‌ كابینه‌ی (8) , بێجگه‌ له‌وه‌ش له‌ سه‌ره‌تایی نه‌وه‌ده‌كان ده‌یانگۆت حكومه‌ت (ساوایه‌) كه‌واته‌ ئێستا (ئیفلیجه‌)!ته‌مه‌نی (25) ساڵه‌!حكومه‌تی هه‌رێم نه‌یتوانی ئه‌م قسه‌و قسه‌ڵۆكانه‌ چاره‌سه‌ر بكات جا چ جایی باشتر كردنی ژیانی هاوڵاتیان!كێشه‌ی حكومه‌تی هه‌رێم بوونی پلانی كاتی –(پینه‌كردن وبه‌نج كردن) به‌ڵام پلانی ستراتیژی بوونی نیه‌ كه‌ئه‌مه‌ ئه‌ساسی حكومه‌تداریه‌, كابینه‌ی هه‌ر حكومه‌تێك هاتووه‌ بۆ حیزب ئیشی كردووه‌ نه‌ك بۆ هاوڵاتیان و دواڕۆژ.حكومه‌تی هه‌رێم له‌ كاتی قه‌یران و كێشه‌ ستراتیژ داده‌نێت وچاكسازی ده‌كات هاوڵاتیان به‌ رهه‌مه‌كه‌ی دره‌نگ ده‌بینن گه‌ر به‌رهه‌می هه‌بێت!به‌ڵێ‌ من ده‌ڵێم حكومه‌تی هه‌رێم حكومه‌ته‌ شازی حكومه‌ته‌ شه‌فاف و چاوقایم وخۆڕاگره‌ به‌رامبه‌ر هاوڵاتیان هیچ لێیان ناترسی خه‌ڵكه‌كه‌ش هه‌نده‌ك ده‌ناسی!گرنگترین ئه‌وه‌ كێشانه‌ی یان ئه‌وه‌ خاڵانه‌ی حكومه‌تی هه‌رێم لای خه‌ڵك دیاروزه‌قه‌ پێه‌وه‌ی ناناڵێنی! به‌ڵكو هاوڵاتیان پێوه‌ی ده‌ناڵینن!ئه‌مانه‌ن وچاره‌سه‌كردنیش چۆنه‌:

1-كاره‌با, گه‌ر كوردستان چۆله‌وانی بوایه‌ تاكو ئێستا ,بناغه‌ی كاره‌باو هه‌موو شتێك داده‌نرا ده‌بڕایه‌وه‌,خۆ كوردستان چۆله‌وانی نه‌بووه‌!ئه‌ساسی هه‌بووه‌.
2-زۆری فه‌رمانبه‌ر نا به‌ڵكو زۆری مووچه‌ خۆر!خزمووكه‌س وبراده‌روواسته‌ی حیزبی!
3-كێشه‌ی سیاسی وحیزبی لایه‌نه‌ سیاسیه‌كان له‌به‌ر عه‌یبه‌و كوردایه‌تی نه‌بێ‌ یه‌كدوویی ده‌سڕنه‌وه‌!

گه‌ر ئه‌و كێشانه‌ نه‌بوایه‌و چاره‌سه‌ر بكرێت ( شه‌ڕی داعش ونرخی نه‌وت وبه‌غدایی قۆنده‌ره‌!) به‌وشێوه‌یه‌ كاریگه‌ری نه‌بووه‌!چونكه‌ (یه‌كێتی وپارتی) زۆر له‌وه‌ گه‌وه‌ره‌ترو موهیمترن!جا بۆیه‌ حكومه‌تی هه‌رێم حكومه‌ته‌ یان حكومه‌ت نیه‌؟ به‌ڵێ‌ حكومه‌ته‌ ئیشی خۆیی ده‌كات حه‌قی له‌سه‌ر هاوڵاتیان نیه‌ چیی ده‌ڵێن ونالێن!پشوه‌كان دیاری ده‌كات و مووچه‌ ده‌كاته‌ چاره‌كێك و به‌ نیسبه‌ مووچه‌ پاشه‌كه‌وت ده‌كات وسه‌رموچه‌وبه‌رزكردنه‌وه‌ بۆ ئه‌و هه‌ژمارده‌كرێت به‌س بۆ فه‌رمانبه‌ر هه‌ژمارناكرێت و فه‌رمانبه‌ر سێ‌ ڕۆژ له‌ هه‌فته‌یه‌ك ده‌وام ده‌كات به‌ڵام وه‌زیر هه‌موو رۆژ!ئه‌كتیڤه‌ زۆر!ئه‌وه‌ی بڵێت حكومه‌ت نیه‌ گوناحی ده‌گاتێ‌ به‌ڵام پاش (25) ساڵ له‌ یوبیلی زیوینی ( زڕ حكومه‌ته‌)!به‌ڵام زۆر جار گه‌ر به‌شێوه‌ی زانستی و رۆشنبیرانه‌ و گه‌شبینانه‌ بیربكه‌ینه‌وه‌ ئه‌وپاره‌ی ئێستا لای فه‌رمانبه‌ران وخه‌ڵك ده‌سوڕێته‌و هه‌مووی داهاتی ناوخۆیه‌ داهاتی نه‌وت بلۆكه‌وله‌بانكه‌كانه‌ حكومه‌ت په‌له‌ی لێناكات له‌به‌ر هه‌ندێ‌ كێشه‌ی سیاسی و بازاری نه‌وت ئه‌وهایه‌ به‌ره‌وخۆماڵی كردنی نه‌وته‌ كات و پاره‌ی كۆمپانیاكانی ده‌وێت گه‌ر ئه‌و بیركردنه‌وه‌ هه‌ڵه‌بێت وه‌زعه‌كه‌ خراپتر ده‌بێت ئه‌و ڕه‌شبینیه‌ ڕاست ده‌رده‌چێت, هاوڵاتیانیش له‌ هه‌رێمی كوردستان پاش ئه‌و ڕه‌وشه‌ی له‌ كوردستان و نا ئومێد بوون له‌ باشتربوونی باروودۆخی كوردستان له‌ ڕوویی ئابووری و ئاشتی وسه‌قامگیری به‌رده‌وامی شه‌ڕ له‌ ناوچه‌كه‌ وایان لێهاتووه‌و لێڕاهاتوون به‌وه‌ی (نان و مووچه‌) زۆر باشتروگرنگتره‌ له‌ (ئازادی و ئۆپۆزسیۆن).

Previous
Next

Leave a Reply