Skip to Content

52 Views

فیلمی کوردیی “بێدەنگ” لە فیستیڤاڵی جیهانی فیلمی فەجر بەشداریی دەکات

فیلمی کوردیی “بێدەنگ” لە فیستیڤاڵی جیهانی فیلمی فەجر بەشداریی دەکات

Be First!
by April 17, 2017 Cinema, General
image_print

مەنسوور جیهانی ـ فیلمی کوردیی “بێدەنگ” لە دەرهێنانی “عەلی عەسگەری” و “فەڕنووش سەمەدی” لە فیستیڤاڵی جیهانی فیلمی فەجر نمایش دەکرێت.
فیلمی کوردیی “سکوت” واتە “بێدەنگ” The Silence لە دەرهێنانی هاوبەشی سینەماکارانی ئێرانی دانیشتووی وڵاتی ئیتاڵیا “عەلی عەسگەری” و “فەڕنووش سەمەدی” بەرهەمی وڵاتانی ئیتاڵیا و ئەڵمانیا لە بەشی پێشبڕکێی “نێودەوڵەتی” بە ناونیشانی “سینەمای سەعادەت” لە میانەی سی و پێنجەمین خولی فیستیڤاڵی جیهانی فیلمی فەجر لە کۆمەڵەی سینەمایی پەردیسی “چارسوو” لە شاری تاران نمایش دەکرێت و لەگەڵ 14 فیلم لە وڵاتانی جۆراوجۆری جیهان لە رکابەریدا دەبێت.
ئەم کورتە فیلمە چیرۆکی کچێکی کورد و دایکی پەنابەریی لە وڵاتی ئیتاڵیا بۆ بینەر دەگێڕێتەوە کە سەردانی دکتۆر دەکەن بەڵام کچەکە بە جیاتی ئەوەی کە قسەکانی دکتۆرەکە بۆ وەربگێڕێتە سەر زمانی کوردی، بێدەنگ دەبێت.

“بێدەنگ” کە بۆ یەکەمین جار لە بەشی پێشبڕکێی سەرەکی نێودەوڵەتی شەست و نۆیەمین خولی فیستیڤاڵی نێودەوڵەتی فیلمی کان لە وڵاتی فەڕەنسا و هەروەها کۆمەڵێک فیستیڤاڵی جیهانی نمایشکراوە و تا ئێستا چەندین خەڵاتی گرینگی بەدەستهێناوە لە بەشی پێشبڕکێی کورتە فیلمەکانی “سینەمای جیهان” لە چوارەمین خولی فیستیڤاڵی نێودەوڵەتی فیلمی دهۆک لە هەرێمی کوردستان نمایشکرا.
کورتە فیلمی “بێدەنگ” بۆ بردنەوەی خەڵاتی بەشی پێشبڕکێی سەرەکی “نێودەوڵەتی” بە ناونیشانی “سینەمای سەعادەت” لە سی و پێنجەمین خولی فیستیڤاڵی جیهانی فیلمی فەجر لەگەڵ 14 کورتە فیلم لە وڵاتانی جۆراوجۆری جیهان لە رکابەریدا دەبێت، لەوانە: کورتە فیلمی “قوناغ” A Place لە دەرهێنانی “ئەیوان فێرناندێز دی کۆرۆبا” لە وڵاتی ئیسپانیا، کورتە فیلمی “ئامالیمبۆ” Amalimbo لە دەرهێنانی “خوان پابلۆ لیبۆسارت” لە وڵاتی سوید، کورتە فیلمی “بە هۆی ئەڤینەوە” Because of Love لە دەرهێنانی “یوم. عەبدوالغفوور شاهین” لە وڵاتی تورکیا، کورتە فیلمی “ئەو پەڕیی سنوور” Beyond the Border لە دەرهێنانی “دانیلە لۆکا” لە وڵاتی سویسڕا، کورتە فیلمی “هێرش بۆ هەژدیها” Charge The Dragon لە دەرهێنانی “یان بۆبنیچک” لە وڵاتانی کۆماری چیک و ئسلۆڤانیا، کورتە فیلمی “هەڕاجی خەونەکان” Dreams on Sale لە دەرهێنانی “ولاد بۆزیانۆ” لە وڵاتی رۆمانی، کورتە فیلمی “ماڵ” Home لە دەرهێنانی “ئێرینا تسیلیک” لە وڵاتی ئۆکڕاین، کورتە فیلمی “نامرۆڤانە” Inhuman لە دەرهێنانی “دانیەل دیمیدرۆف” لە وڵاتی رووسیا، کورتە فیلمی “رۆژەکانی دوایی” Last Days لە دەرهێنانی “ئارتۆرۆ لێئۆن لیرنا” لە وڵاتانی پڕۆ و ئیسپانیا، کورتە فیلمی “مەسخ” Metamorphosis لە دەرهێنانی “ئادریان ئارسە” لە وڵاتی مەکزیک، کورتە فیلمی “سرتەکانی با” Wind’s Whispers لە دەرهێنانی “لۆئیک ژۆنە” لە وڵاتی فەڕەنسا، کورتە فیلمی “ریکلامی فرۆش” Online Shopping لە دەرهێنانی “قەسیدە گوڵمەکانی” لە وڵاتی ئێران، کورتە فیلمی “تەناوب” Periodicty لە دەرهێنانی “عەلی خوشدونی فەراهانی” لە وڵاتی ئێران و هەروەها کورتە فیلمی “پێشخزمەت” The Servant لە دەرهێنانی “فوڕنووش عابیدی” لە وڵاتی ئێران.

بەڕێوەبەرایەتی ڕاگەیاندنی گشتیی فیستیڤاڵی جیهانی فیلمی فەجر.

Previous
Next

Leave a Reply