Skip to Content

Sunday, November 28th, 2021

ئاوی ( ئاوەز) تان بخۆنەوە !!

Be First!
by May 22, 2008 ئەدەب

 دەقی : حەمەی  ئەحمەد  ڕەسوڵ – هۆڵەند……..

 بخۆنەوە , ئا لەو شەرابە  كۆنە بخۆنەوە …
 تۆ تەماشا , بە ئاوی ئاوەزتان ,
  نیشتمانێ   مەست و سەرخۆشە  ..
 بخۆنەوە  لەو ڕووبارە  سازگار و خۆشە  ..
  .. بخۆنەوە بێباكینە بخۆنەوە ..
 ئاوی ئاڵتوونی  ئەو دارە سەوزە , بخۆنەوە
 دە نۆشی كەن , نۆشی گیانتان بێ !
 با سارد بێ ..  كەللە تەزێن  بێ
 ئێوە كەللەتان گەرمە .. بە ئاوی ئاوەزتان نەبێ
 چی دەرەقەت دىَ….؟
 مەرهەمی  شێرپەنجەیە ،  بۆ بێداری  دەرمانە !
 ئەوڕۆش  نایخۆنەوە ، سبەینێــــتان  بێدەرەتانە ..
 نۆش , نۆشتان بێ , نۆش!
 بخۆنەوە  .. لە چاوی  گەل  .. بخۆنەوە  :
 مەی  , ئارەق  , یان  بیـــــرە
 ئاوى  زەمزەم , یا شەرابی  كەسیرە ..
 بخۆنەوە  و بخۆنەوە و بخۆنەوە  ..
 لە چاوی كەركوكى هەتیو بخۆنەوە ..
 لە چاوى  چاو ڕەشەكانی
 سبەینێ  و ئاییندەی زارۆكمـــان  ..  بخۆنەوە  !
   ئەو دوو ڕووبارەتان  پێ حەڵاڵ  بێ
 دوو  ڕووبارە  نەمرەكە :
 جا  سەوز بێ   یان  زەرد  !
 نۆشتان بێ .. بخۆنەوە ..كەس حەدی هەیە ؟
 كەس  پێتان  ناڵێ  دەرد  !
 بخۆنەوە  ..  بۆ ناخۆنەوە :
 نە بیر لە دوێنێ و,
  نە  لە ئەمڕۆ و ,
  نە لە سبەینێ  مەكەنەوە ..
  نۆشی گیانتان بێ , نۆش
 دە بخۆنەوە , ئاوی  ئاوەزتان  بخۆنەوە …..
 
 
 
 (*)    ئاوەز  /  ئەقڵ  .!
 
 
 
 
 
 
 
 
 

Previous
Next

Leave a Reply