Skip to Content

Tuesday, June 22nd, 2021

تابلویێن شه‌ڤه‌كا بێده‌نگ

Be First!

 

تابلویێ‌ ئێكێ‌
“ژن بێی شه‌ڤ نه‌ ژیانه‌”
ژ ته‌نشت مالا مه‌
ئه‌گه‌ر هاتی
ده‌نگی نه‌كه‌ و
تكێنێ‌ ژ په‌نجه‌ره‌یا من نه‌ ئینه‌؟!

تابلویێ‌ دوێ‌
“زه‌لام بێی ژن نه‌ ژیانه‌”
ژن خانمه‌كه‌ و دگه‌ل هه‌تاڤێ‌ درژیێت
دڤێت په‌نجه‌ر په‌سنا وێ‌ بكه‌ن
شوشه‌ نه‌شكێن..

هه‌رو من دگه‌ل سپێده‌هیه‌كا دی
ژڤانه‌ و
خه‌ونه‌ك ژ رشتنا هه‌تاڤێ‌
من ماچی دكه‌ت
هه‌می شه‌ڤان
تا ده‌رگه‌هێ‌ مالا وه‌ ئه‌ز چیروكا ژ ده‌همه‌نێن ته‌
دڤه‌چنم
تابلویه‌كه‌، تابلو
هه‌می تشت خوه‌ دگه‌ل ژبیرڤه‌ دبه‌ن
دگه‌ل پێكه‌كی ژ شه‌رابه‌كا سورا
توخا توخ
من كه‌رب ژ بارانێ‌ ڤه‌دبن
هه‌كو خوه‌ ب پرچا ته‌ ڤه‌ دخویسینیت و
بێی شه‌رم رویكێن ته‌ ته‌ر دكه‌ت
ژن بهه‌می ته‌مه‌نێ‌ خوه‌
ب بهارێ‌ ڤه‌دچیت!
دعه‌ینیكه‌كا شكه‌ستی را
ژن لێكدانا پارچێن شه‌ڤه‌كێ‌ یه‌ و
ژن خانمه‌كه‌
هه‌می په‌رتوكێن سه‌حكرنا هه‌یڤێ‌
 ل پێش چاڤانه‌
شاعر هه‌تا جگاره‌كێ‌ دكێشیت
شه‌ڤێ‌ دكه‌ته‌ له‌شفروشه‌ك و
رومانسیه‌تێ‌
ژ نوتێن موزیكا كه‌مانچه‌كا رویس
دوه‌رینیت
هه‌می یێن فێر بوینه‌ فرینێ‌
دفرن، فرن
فرینا هه‌ر بالنده‌یه‌كی ژی ژ روحا منه‌..


عبدالرحمن بامه‌رنی

Previous
Next

Leave a Reply