بێده‌نگیا ته ب شعره‌كا من ڤه دچیت
به‌ری به‌لگ بوه‌ریێن
ژیان سه‌ما دوماهیێ بمن دكه‌ت،
شه‌ڤێن درێژ من دگه‌ل ئاڤابونا خوه دبه‌ن و
پیرتر لێدكه‌ن!
شیعرێن من دگه‌ل ته سه‌مایێ دكه‌ن و
دگه‌ل چوونا ته دێ سه‌فه‌رێ كه‌ن..
د جاده‌یێن ئێك سایدیێن باژێرێ مندا
نهێنیێن ماچێن ته
كولانێن به‌رته‌نگێن نخافتی
یێن تژیكرین
پایز وه‌رزێ ژیانێ دگه‌ل خوه رادمالیت و
وه‌رزێ عه‌شقێ دوه‌رینیت،
شه‌ڤه‌كا عاشقانه لبن پییا دكه‌ت و
بێده‌نگیا ته
كومه پسیارێن بێ به‌رسڤن
ژ بێده‌نگیا نڤیسینا شیعره‌كا من ڤه دچن..
ب سه‌دان ده‌ق من نڤیسین
هه‌میان ژی ماچێن ته لێ دده‌ق داینه
تو بێژی پشتی نڤیسینا ڤان رێزان
ژیان لده‌ف من ب چ ره‌نگی بیت
هێژ جادده حه‌سیدیا بمه دبه‌ن
هه‌بونا خوه دگه‌ل شیعرێن من تێكه‌ل دكه‌ن
دگه‌ل تاری شه‌ڤان
دناڤ بریسقه ستێران دا
رسته‌یا ماچان هێژ ب ستوێ ته ڤه شوره وو..
هه‌رو ل كولانه‌كێ
خه‌ونێن ماچه‌كا ته لێ دبینم!
ئه‌ڤه توی ل بلنداهیا عه‌سمانان
ستێران دگه‌ل من،
دهه‌لچنی
د خودیكێرا ته‌ماشه‌ی خو بكه و
عه‌شقا مه به‌هه‌شته، به‌هه‌شت!
هه‌ر ده‌م ته‌قوایێ بو دكه‌ین
شیعر ئایه‌تێن عاشقانه و
ده‌فته‌رێن عه‌شقێ بده‌همه‌نێن ته ڤه دخشیێن
تو یا دبێده‌نگیێ دا و دشه‌ڤێن درێژ دا
دخه‌یالێ دا، ده‌هـ جاران من دكه‌یه،
ئێخسیرێ شه‌ڤه پیاسێن خووووووو
ژ نوكه وێڤه
ئه‌ز شیعرا ژ ته پێڤه، بو كێ بنڤیسم
هێژ خه‌ونێن من یێن دگه‌ل به‌رائه‌تا ته
ئه‌ز و تو دئێك ده‌فته‌ر دا دنڤین، دژین، خه‌ونێن خوه
دكه‌ینه ده‌قه‌كێ نویێ شعری و
ناڤێ جادده‌یه‌كێ لێ ددانین
سپێده‌هیان ژی
ته ژ سه‌ر چاڤێن خوه را دكه‌م
كی دێ هێت ڤێ شیعرێ ژ من وه‌رگریت و
درینیت
من پێدڤی ب نڤیسینا شیعران نه‌ما
هه‌رو ئه‌ز و تو ل سه‌ر مێزه‌كێی نه، بتنێ و
پێكێن خوه لێكدده‌ین…
عبدالرحمن بامه‌رنی
http://ebdulrehmanbamerni.blogspot.com/
