Skip to Content

Monday, April 22nd, 2024
به‌ڵگه ….. ‌به‌ندی عه‌لی

به‌ڵگه ….. ‌به‌ندی عه‌لی

Closed
by September 13, 2010 هۆنراوە

 

به‌ئه‌سپایی ده‌ستم هێنا
به‌سه‌ر ئاوریشمی قژیدا
په‌نجه‌کانم
بوون به‌په‌پووله‌و هه‌ڵفڕین
به‌چرپه ، نهێنی ناویم
بۆ مانگ درکاند
مانگ بوو به‌پاسه‌وانێکی مت
له‌به‌رده‌م حه‌زره‌تی حوسناو
عه‌جه‌ب یاران
بن ده‌وه‌نی لێوی منیش
شکۆفه‌ی گرت
له‌ژێر په‌رده‌ی چاویلکه‌وه‌
چاوم شه‌به‌نگێکی دزی
له‌پرشنگی ئه‌ستێره‌کانی چاوی ئه‌و
عه‌جه‌ب یاران
ئه‌شکه‌وتی بێ چرای ناخم
بوو به‌کۆشکی کریستاڵی و
پڕ بوو له‌په‌لکه‌زێڕیه‌ی ڕازو موراد
که‌سروه‌ی هه‌ناسه‌که‌شی
خۆیدا له‌ڕووم
ئه‌وجا زانیم
له‌م گۆڕستانی عیشقه‌دا
هێشتا روح له‌به‌رێکی زیندووم

به‌ندی عه‌لی  2010

Previous
Next
This site is registered on wpml.org as a development site.