Skip to Content

Tuesday, July 23rd, 2024
جوانێکی مه‌نگ ….. به‌ندی عه‌لی

جوانێکی مه‌نگ ….. به‌ندی عه‌لی

Closed
by September 26, 2010 هۆنراوە

 

چاوه‌کانی
له‌هه‌وری گه‌واڵ گه‌واڵی
پاییز ده‌چن
به‌ئاسته‌م نه‌رمه‌ وه‌شتێکی
خه‌می دڵیان لێ ده‌بارێ
خودی ته‌بعی خۆیان وایه‌
هه‌ر بۆیه ، هه‌ر دڵۆپێکی
ئه‌وه‌نده‌ی نرخی یاقوتێ
له‌دڵما گران به‌هایه‌

قامه‌تی ، به‌ژنی دارێکی
به‌ئه‌زموونه‌ له‌گه‌ڵ جه‌ورا
گوڵی .. یاخی
چڵی .. سه‌رکه‌ش
چنگی ڕه‌گی ، گیره له‌خاک
خودی ته‌بعی خۆیه‌ وایه‌
بۆیه هه‌رگیز ، خورپه‌ی سڵ و
له‌رزی گه‌ڕیانی ڕه‌شه‌با
به‌جه‌سته‌یدا ، ئه‌به‌د نایه‌

دڵی ، ده‌ریایه‌کی په‌نگه‌
لێوان لێوه له‌زینده‌گی
وه‌لێ نه‌نگه‌ ، وه‌ها ئاسان
مه‌رام و ڕاز بدرکێنێ
خودی ته‌بعی خۆیه‌ وایه‌
بۆیه‌ که‌س نازانێ ، که‌نگێ
له‌هه‌ڵچوونه‌و ئه‌دی که‌نگێ
له‌خه‌ڵوه‌ت و سکونایه‌

 2010

Previous
Next
This site is registered on wpml.org as a development site.