Skip to Content

Wednesday, May 29th, 2024
به‌ره‌و ستانداردکردنی زمانی کوردی.. به‌شی دووه‌م .. د. ره‌فیق سابیر

به‌ره‌و ستانداردکردنی زمانی کوردی.. به‌شی دووه‌م .. د. ره‌فیق سابیر

Closed
by March 2, 2008 زمان

زمانی ئه‌ده‌بیی یه‌کگرتووی کوردی و ئه‌لفوبێی کوردی…
به‌شی دووه‌م…
3-زمانی ئه‌ده‌بیی یه‌کگرتووی کوردی و به‌ستانداردکردنی زمانی کوردی، وه‌ک زمانی هه‌ر گه‌لیکی دی‌، سه‌دان ساڵ ته‌نیا زمانی ئاخاوتن بووه‌. خه‌ڵکی کورد له‌ زێد و ناوچه‌ جۆراوجۆره‌کانی وڵاته‌که‌یاندا به‌ دیالێکتی جیاواز قسه‌یان کردووه. له‌به‌ر ئه‌وه‌ی کوردستان به‌ درێژایی سه‌دان ساڵ داگیر کراوه‌، زمانی زاڵ هه‌میشه‌ زمانی نه‌ته‌وه‌ی داگیرکه‌ر، عه‌ره‌ب و تورک و فارس بووه‌. ‌خوێندن و خوێنده‌واری به‌ زمانی ئه‌و نه‌ته‌وانه‌ بوون. چه‌ندان سه‌ده‌ ده‌سته‌ی خوێنده‌وار و رووناکبیری کورد، له‌ رێی ئه‌و زمانانه‌وه‌ پێگه‌یشتوون و به‌ جیهانی زانین و زانست و رووناکبیری ئاشنا بوون. ئاشکرایه‌ ئه‌و زمانانه‌‌ نوێنه‌ری کولتووری ئه‌و نه‌ته‌وانه‌ و ده‌ربڕی بیر و دنیابینی و بۆچوونی ئه‌و ده‌سه‌ڵاته‌ بیانییانه‌یش بوون. ئه‌و زانین و زانیاری و په‌یامه‌ کولتوورییه‌یان هێناوه‌ که‌ له‌گه‌ڵ باوه‌ڕ و به‌رژه‌وه‌ندیی نه‌ته‌وه‌ی سه‌رده‌ست و ده‌سه‌ڵاتدا گونجاون. بۆیه‌ ئه‌و زمانانه‌ له‌ لایه‌که‌وه‌ په‌نجه‌ره‌یه‌ک بوون به‌ رووی زانین و زانستدا، یان دروستتر بڵێم به‌ رووی جۆرێکی تایبه‌ت و رێگه‌پێدراوی زانین و زانستدا، له‌ لایه‌کی دیکه‌وه‌ ئامرازێک بوون بۆ پێکهێنانی هۆشیارییه‌کی کۆمه‌ڵایه‌تیی ساخته و چه‌سپاندنی کولتوور و په‌یام و جیهانبینیی نه‌ته‌وه‌ی داگیرکه‌ر‌…….

Previous
Next
This site is registered on wpml.org as a development site.