چاوەڕوانییەکان …. عومەر جەلال

چەندین جار،
داوای بەخشینم لەپێڵاوەکانم کردووە
کەبەرێگا دووبارەکاندا دەیبەمەوە!
چەندین جار،
داوای بەخشینم لەدەستەکانم کردووە
کە بۆ تۆ درێژم کردو تارمایی بووی!

بێزاریی من لەژیان،
وەک بیزاربوونمە لەدەرگاکان
لەکردنەوەیان!
لەداخستنیان!
لەشکاندنیان!

بڕوام نەدەکرد بەو ئەندازە سادە بم
لەدووری دوورەوە
بە بۆنت بتناسمەوە,
بروام نەدەکرد،هێند شپرزەبم
بە نیگایەکت خۆم وون بکەم !

لێرە زۆر باشم !
 هەموو شت باش دەڕوات,
 تەنيا خۆم نەبێت
بەدارشەق دەڕۆم
تاسە دەكەم,
لەسەر دەست دەڕۆم,
هەندێ جاریش
بە پشتا دەرۆم.

من، هەر چاوەرێت دەکەم
ئەگەر بە سڵاوێکی بێ دەست بێت
یان بەنیگایەکی بێ چاوەوە,
یان بەبێ دڵ بگەرێيتەوە
تەنانەت بەتارماییەکانیشت!
دەمگەرێنیتەوە نێو ژیان

خۆشم دەوێی!
لەسەرەوە وام بۆ نووسیوی،
خۆشم دەوێی!
لەخوارەوەش هەروا،
لەهەموو لایەکەوە گەمارۆم داویت بەخۆشەویستی،
چ دیکتاتۆرێکی عاشقم!
هەموو دەروازەی دەرچوونم لێگرتووی.

يةنايةرى-2011
omerjelal@yahoo.com

*لةذمارة 61 ى طؤظارى هةنار بلاَوبووةتةوة