یادێک له‌کۆڕه‌و….. به‌ندی عه‌لی
Closed
سه‌یرم مه‌که‌ن به‌تاسه‌وه
که‌من ته‌نیام
هه‌ڵگری یه‌ک ئه‌شکه‌نجه نیم
میراتگری خه‌مه‌کانی هه‌موو دنیام
سه‌یرم مه‌که‌ن به‌تاسه‌وه
من دڵم مرد
چاوه‌کانیشم به‌ده‌ست خۆم
وه‌ده‌رهانی و به‌دیاری بۆ
حافزه‌که‌ی شیرازم برد
تافلیمی ئه‌م حه‌سره‌ته لێباته‌وه
تۆفانی ڕه‌و
هه‌ره‌س به‌به‌فری کێو دێنێ
دایکێ ، کۆرپه‌یه‌کی بێ گیان
ڕائه‌ژێنێ
باوکێ بۆ کیسه نانی سواڵ
چووه ده‌رێ و نه‌هاته‌وه
ئه‌م شیعره له‌ساته‌وه‌ختی کۆڕه‌وا نووسراوه
