Skip to Content

Friday, June 21st, 2024
ڕێبین هه‌ردی وه‌ك داری خله …. پێشره‌و حه‌مید ‌

ڕێبین هه‌ردی وه‌ك داری خله …. پێشره‌و حه‌مید ‌

Closed
by June 12, 2011 گشتی

ڕێبین هه‌ردی له‌كاتیكدا ئیهانه‌ده‌كریت و هه‌ره‌شه‌ی ره‌شكردنی لی ده‌كریت كه‌ هیشتا بكوژانی شه‌هیدان ( سۆرانی مامه‌حه‌مه‌ و زه‌رده‌شت عوسمان و شه‌هیدانی 17 شوبات و رۆژانی دوای 17 شوبات ) دادگای نه‌كراون و سه‌ربه‌ستانه‌ ده‌سوڕێنه‌وه‌و رۆشنبیران و رۆژنامه‌نانیش له‌ترسی گیانی خۆیان له‌ماڵ‌كانی خۆیاندا رۆژناكه‌نه‌وه‌ ؟!
رێبین هه‌ردی له‌كاتیكدا خوێناوی ده‌كرێت كه‌هێشتا ده‌سه‌لاتی كوردی شانازی به‌ئازادی رۆژنامه‌گه‌ری یه‌وه‌ ده‌كات و هه‌میشه‌ ئێمه‌و دونیا به‌وه‌ قه‌رداربارده‌كات كه‌ ئازادی له‌شاخه‌وه‌ بۆهێناوین و له‌سایه‌ی ئه‌و ده‌سه‌ڵاته‌دا ده‌توانین هه‌ناسه‌ هه‌ڵبمژین و ئازادی موڵكی ئه‌وه‌و ئیمه‌یشی لێبێبه‌ش نه‌كردوه‌ .
ریبین هه‌ردی بۆلی درا و ئێستاش بۆچی به‌هه‌مو ده‌زگائیعلامیه‌ زه‌به‌لاحه‌ی ده‌سه‌ڵاته‌وه‌ سه‌نگه‌ری ڕه‌شه‌شكردنی لێده‌گیریت ؟ كێن ئه‌وانه‌ی به‌رۆژی ڕوناك ته‌عداده‌كه‌ن و مرۆڤه‌ رۆشنبیر و ئازادی خوازه‌كان ئازار ئه‌ده‌ن و هه‌ره‌شی كوشتنیان لێ‌ ده‌كه‌ن كه‌ تائیستاش ئه‌وانی ( ده‌ربار ) له‌ زوڵمی كاربه‌ده‌سته‌ گه‌نده‌ڵكاره‌كاننیاان وه‌ئاگاده‌هێنێته‌وه‌و فایلی پڕله‌ خه‌وشی به‌رپرسه‌ نابه‌رپرسه‌كانیان بۆئاشكراده‌كات ؟.
بۆچی له‌م كاته‌دا ئه‌و سه‌ربازگه‌ ( ڕۆشنبیر و رۆژنامه‌  ) ی كه‌گیرفانیان پرله‌ شوناس , بێده‌نگیان هه‌ڵبژاردوه‌و له‌به‌رامبه‌ر ئه‌و هه‌وڵانه‌دا نایه‌نه‌ده‌نگ كه‌ده‌یه‌وێت ته‌وای هه‌ناسه‌ و جوڵه‌ كانی تاك به‌تاكی كۆمه‌ڵگای كوردی داگیربكات ؟
ئایا لێدانی رێبین هه‌ردی سه‌ره‌تایه‌ك نه‌بوو بۆ لێدانی كه‌رامه‌تی هه‌موتان ؟ وه‌ك چۆن ئیغتیالكردنی سۆرانی مامه‌حه‌مه‌و ڕفاندن و كوشتی زه‌رده‌شت عوسمان و گولله‌بارانه‌كردنی خۆپیشانده‌ران سه‌ره‌تایه‌ك بوو بۆ سه‌لماندنی عه‌نته‌ریاتی پارتی و یه‌كێتی و نه‌بونی یاسایه‌كی دادپه‌روه‌رانه‌ی دوور له‌هه‌یمه‌نه‌ی حیزبی له‌كوردستاندا .
لێدانی ڕێبین هه‌ردی په‌یوه‌ندی به‌و ( ووشانه‌وه‌ هه‌بوو كه‌ به‌خوێن ده‌ینوسینه‌وه‌ ) هه‌ره‌شی كوشتن له‌ ریبین هه‌ردی په‌یوه‌ندی به‌و ( ناعه‌داله‌تیانه‌وه‌ هه‌یه‌ كه‌ له‌فۆرمی وتندا ده‌یانگیرێته‌وه‌ تائیستاش به‌رده‌وامه‌ له‌سه‌ری ) ئیهانه‌كردنی ریبین هه‌ردی په‌یوندی به‌و ( جه‌ساره‌ت ) ه‌وه‌ هه‌یه‌ كه‌له‌كه‌م كه‌سدا هه‌یه‌ وینه‌ی ناشرینی گه‌نده‌لكاران و سته‌مكاران ده‌خاته‌ به‌رده‌م هه‌مومانه‌وه‌ .
من هاوسۆز نیم له‌گه‌ل رێبیندا ته‌نها له‌به‌ر ئه‌وه‌ی وه‌ك من داوای خۆشنودی ده‌كات بۆخه‌لكی كوردستان , هاوسۆزنیم كه‌ وه‌ك رۆشنبیرێك له‌بۆچونه‌كانی سود مه‌ندبوم و به‌شیكی ئاراسته‌كانی به‌هیی خۆم ده‌زانم و هه‌مان خه‌می ئه‌وم هه‌یه‌ بۆ له‌ده‌ست دانی ئه‌وبه‌رهه‌مه‌ی كه‌ به‌خوێن دروستبوه‌ , هاوسۆزنیم له‌به‌رئه‌وه‌ی وه‌ك یه‌ك ترسی ئه‌وه‌مان هه‌یه‌ ئازادی تائه‌و په‌ری به‌رته‌سك بكرێته‌وه‌؟! به‌ڵكو ئه‌وه‌نده‌ هاوسۆزم له‌ته‌ك ” رێبین هه‌ردی ” و هاوشێوه‌كانی  كه‌ ده‌یانه‌وێت له‌م پانتایه‌ ناڕۆشنه‌ی كوردستاندا به‌رۆشنی ناشرینیه‌كانی ده‌سه‌ڵات و نهێنی ده‌وڵه‌مه‌ند بونی پیاوه‌كانی ئاشكراده‌كه‌ن .
رێبین هه‌ردی له‌رۆژنامه‌ ئه‌هلیه‌كاندا ده‌نوسێت و له‌سه‌ر شاشه‌ئه‌هلیه‌كان قسه‌ده‌كات , كه‌له‌م پانتایه‌ بێ سه‌رو به‌ری كوردستاندا له‌نێوان ( سیسته‌مێكی دیكتاتۆری ناكامڵ و دیموكراسیه‌تی ناته‌ندروست ) دا گه‌لێك سه‌خته‌ و ده‌سه‌ڵاتی كوردیش چه‌ندین جار له‌رێگه‌ی سه‌رجه‌م میدیاكانی خۆیه‌وه‌ هێرشی ناڕه‌وا ده‌كاته‌ سه‌ریان و هه‌رچی له‌ده‌روه‌ی سنوری حیزبه‌وه‌بێت , به‌جاسوس و تێكده‌ر پێناسه‌یان ده‌كات و له‌رێگه‌ی چه‌ندین قه‌ڵه‌م به‌ده‌ستی ( ستۆك ) ه‌وه‌ ده‌یه‌وێت جه‌به‌روتیه‌تی خۆی زیاتر فه‌رزبكات به‌سه‌ر سه‌رجه‌م كایه‌ جیاجیاكانی كۆمه‌ڵگادا و وێنه‌یه‌كی ناشرین به‌و قه‌ڵه‌مانه‌بدات كه‌خاوه‌نه‌كانیان به‌ ( خوێن ) ی خۆیان له‌دژی گه‌نده‌ڵی و ناعه‌داله‌تیه‌كانیان ده‌نوسنه‌وه‌ ,هه‌رله‌به‌ر ئه‌و فاكتانه‌ رۆژنامه‌نوسه‌ سه‌ربه‌خۆكان و رۆشنبیرانی ده‌ره‌وه‌ی بازنه‌ مۆنۆپۆلكراوه‌كه‌ی ( حیزبی ده‌سه‌ڵات ) ه‌وه‌ ده‌كه‌ونه‌ به‌ر هه‌ڕه‌شه‌ی كوشتن و ڕه‌شكردن وئیهانه‌كردن و ئازار ئه‌درێن .
سه‌رنج : ئه‌م ووتاره‌ له‌ گۆشه‌ی هه‌ناسه‌ی ڕۆژنامه‌ی هاوڵاتی رۆژی ( 12 \6\2011 )  بڵاو كراوه‌ته‌وه‌ .

Previous
Next
This site is registered on wpml.org as a development site.