Skip to Content

Thursday, March 28th, 2024
ڕۆژێک بۆبەرەنگا بونەوەی توندوتیژی دژی ژنان

ڕۆژێک بۆبەرەنگا بونەوەی توندوتیژی دژی ژنان

Closed
by November 18, 2011 ژنان

دوای ئەوەی نەتەوەیەکگرتوەکان بڕیارێکی دەرکرد،کەبەهەموو جۆرێک توندوتیژی دژی ژنان قەدەغەیە. ئێستا 11 ساڵ بەسەر ئەو بڕیارەدا تێدەپەڕێت و بەشێکی زۆری ووڵاتان ئیمزای ئەو بڕیارەیان کردوەو ساڵانە یادی دەرچونی ئەو بڕیارە دەکەن ، بەڵام دوای 11 ساڵ دەبێت ژنان و مافەکانیان بەکوێ گەیشتبێت . بستێک زەوی نەماوە ژنانی تیا نەچەوسێنرێتەوە. رۆژانە ژنان لێیان دەدرێت ، ئەتک دەکرێن ، وەک کاڵا بازرگانی بەجەستەیانەوە دەکرێت .
لەزۆربەی ووڵاتان خۆرئاوا ، لەهەر کاتژمێرێک دا زیاتر لە 10 ژن دوچاری ئازارو توندوتیژی دبنەوە . جگەلەوەی ژنان لەخۆرئاوا بونەتە کاڵاو بازرگانی بەجەستەیانەوە دەکرێت و وەک هەر کاڵایەکی تر لەناو جامخانەدا نیشان دەدرێن و دەفرۆشرێن . ئەوەش تەنها یەک ووڵاتی خۆرئاوا نی یە ئەو کارە دژی ژنان دەکات ، بەڵکو لەچەندین ووڵات ئەوکارە بە ژنان دەکرێت . لەکاتێک دا ئەوە کرداری ووڵاتانی
بەناو ئینسان دۆستە بەرانبەر بەژنان و مافەکانیان ، ئەبێت ووڵاتانی پاشکەوتوی خۆرهەڵات . کەهەر لەبنەڕەتدا باوەڕیان بەمافەکانی ژنان نی یە چۆن مامەڵە لەگەڵ ژنان بکەن . کۆمەڵگای مرۆڤایەتی بەهەر ئەندازەیەک پێش بکەوێت هەڵگری ئازارو مەینەتیە بۆ ژنان . جۆری دەسەڵاتەکان فەرق ناکات . ئەو ڕاستیەش بەوەسەلماوە . ساڵانە ڕاپۆرتەکانی نەتەوەیکگرتوەکان ئەوە ئاشکرا دەکەن کەژنان زۆرترین ئازارو توندوتیژی بەرامبەریان ئەنجام دەدرێت . ئەوە سیمای کۆمەڵگایە بۆ ژنان و مافەکانیان .
کۆمەڵگای کوردیش . وەک هەر کۆمەڵگایەکی تر لێوان لێوە لەچەوسانەوە بۆ ژنان . لەماوەی حاکمیەتی دەسەڵاتی کوردیدا هەزاران ژن . بەناوی ناموس پەرستیەوە ژیانیان لێزەوت کرا . سەدان لەلایەن دەسەڵاتدارانەوە ئستخلال کران و دواتر فرێ درانە بازاڕی بێ ڕەحمی لەشفرۆشیەوە . تائێستا ژنان لەسەر ئازادی خۆشەویستی دەکوژرێن . ساڵانە ئامارەکانی توندوتیژی ڕوو لەهەڵکشانەو . بەبونی چەندین ڕێکخراوی ژنان و کۆمەڵی مەدەنی . بەربەو هەموو ئازارەی ژنان نەگیراوە . چەند ڕۆژێکی تر لەسەرتاسەری دنیای پڕچەوسانەوە بۆ جوان کردنی ڕووی خۆیان . دەست دەکەن بەسازدانی چالاکی جۆراوجۆرو ، بەشان و باڵ هەڵدانی ژنان و مافەکانیان . بەڵام تەنها ئەو رۆژەیە و ، دواتر چەوسانەوە لەشوێنی خۆیەتی . هەڵبەت کوردستانیش وەک شوێنەکانی تری دنیا ئەوکارە دەکات . خۆیی و دەسەڵاتەکەی بەلایەنگری مافەکانی ژنان دادەنێت . بەڵام تائێستا بەشێکی زۆری بکوژی ژنان بەئاشکرا دەسوڕێنەوەو ، کەسیش ناتوانێت بیانگرێت . بەهەرحاڵ ژنان و مافەکانیان ،لەسەرتاسەری دنیادا بەوشێوەیە دەگوزەرێت ، بۆیە کاتی ئەوەهاتوە چیتر ژنان چاوەڕوان نەبن و ماف و ئازادیەکانیان بەقەدەر نەسپیرن و چاوەڕوانی دەسەڵات نەکەن مافەکانیان بۆ دەستەبەر بکات . دەبێت ژنان خۆیان بێنە مەیدان و مافەکانیان بەدەست بهێنن، ئەگەرنا دەبێت ئاماری قوربانیەکان بنوسنەوە ، زەمەنیش دەڕوات . دەبێت ژنان 25 نۆڤێمبەری ئەمساڵ بکەنە ڕۆژی بەفیعلی وەستانەوە بەرامبەر بەتوندوتیژی دژیان . شەقام و دەسەڵاتەکان بهەژێنن


سەروەر کەریم

Previous
Next
This site is registered on wpml.org as a development site.