Skip to Content

Thursday, March 28th, 2024

کوردستان، بزوتنه‌وه‌ی شۆرشگێرانه‌ یا قه‎ومی گه‎رایی و هۆویه‌ت ته‌ڵه‌بی

Closed
by March 29, 2008 گشتی

ئارێس زارعی…..

 پێشه‌کی….
ئه‌م نوسراوه‌ له‌ نه‌قد و ره‌ت کردنه‌وه‌ی را و بۆچونی، محمد هاشمی، ئاسۆ سالح و عرفان قانعی‎فر(1) که‌ له‌م ماوه‌دا له‌ سه‌ر مه‌سه‌له‌ی میللی له‌ ئێران نوسراون و له‌ سه‌ر وێب سایته‌کان بلاو کراونه‌وه‌.
ماوه‌یه‌ک له‌وه‌به‌ر له وێب سایتێکی ناوه‌وه‌ی ئێران، که سه‌ر به‌ خوێندکارانی رێفورمیست و لیبرالی ده‌فته‌ری ته‌حکیمی وه‌حده‌ته  نوسراوه‌یه‌کم له سه‌ر لوتفی ده‌بیری ده‌فته‌ری ته‌حکیمی وه‌حده‌ت له رابیته‌ له گه‌ل ماف و خواسته‌کانی خه‎لکان و میلله‌تانی غه‌یری فارس زبانی ئێران خوێنده‌وه‌، وه‌ هه‌ر ئه‌و کات رون کردنه‌وه‌یه‌ک و نه‌قدێکم له سه‌ر ئه‌و  نوسین و "لوتف نامه‌یه‌ی" محمد هاشمی نوسی، به‎لام کێشه‌ و گرفتی پێ.سێ‎که‌م وای کرد که هه‌ر شتێک که‌ هه‌م بو پاک بێته‌وه‌. دوای چاک کردنه‌وه‌ی کامپیوته‌ره‌که‌م به‌ دوای نوسخه‌ی نوسینه‌که‌ی محمد هاشمی له‌ وێب سایته‌کان ده‌گه‌رام که‌، توشی ته‌ئید نامه و پێ هه‌ل گوتنی ئه‌و نوسراه‎ی هاشمی بوم، ئه‌ویش له لایه‌ن رۆژنامه‌ وانێکی کوردی دانیشتوی ئێران به ناوی ئاسۆ سالح بووم.  نوسراوه‌که‌ی مه‌حه‌مه‌د هاشمی،  ده‎بیری جه‎ره‎یانی ده‌فته‌ری ته‌حکیمی وه‌حده‌ت، به‌ سه‎ر دێری "ئه‌وه ئیمه‎ین که دبێت موتمانه دروست بکه‌‎ین" له تاریخی 23ی رێبه‎ندانی 1386 له سه‎ر تۆری ئینترنێت  بلاو بۆته‎وه. من به‌ خویندنه‌وه‌ی قسه‌کانی ئاسو سالح، که سه‌راپا ته‌ید و جه‌راحی و ئه‌نالیزه‌ی دلخوازی خۆی له نوسینه‌که‌ی هاشمی بو، وام به‌ باش زانی به‌ زمانی کوردی باسێک له سه‌ر بۆچون و تێگه‌یشتنی ئه‌م گه‌رایش و رێبازه‌ سیاسیه‌ راسته‌ لیبرالیه‌ که‌ ،عرفان قانعی‎فریش ده‌گرێته‌وه‌، بکه‌م.
لێره‌دا چه‌ند رسته‌ له‌ نوسینی محمد هاشمی و ئاسۆ سالح که به زمانی فارسی نوسراوه‌، ده‌نوسمه‌وه‌.
 محمد هاشمی: گسترده شدن اعتراضات قوميتها و علني تر شدن مطالباتشان در کنار دست يافتن حاملين مطالبات به رسانه هايي ‏محدود موجب شد تا بسياري از دموکراسي خواهان نگاهي جدي تر به جريانات هويت طلب و مطالبات آنها داشته ‏باشند. دموکراسي خواهان بر آنند با در نظر گرفتن پيامدهاي بي توجهي و ناديده انگاري مطالبات اين جنبش ها به ‏دنبال راه حل و پاسخي براي آنها باشند.
آسو سالح:  " مقاله های از سنخ "ماییم که باید اعتمادسازی کنیم" از معدود مقالاتی هستند که هرچند سال یک بار ازسوی نخبگان مرکز نشین و در حمایت و تائید جنبش های قومیتی ایران نگاشته می شوند. این نوشته ها را، خارج از نشریات محلی، آنقدر کم مشاهده می کنیم که بلافاصله پس از انتشار آنها خواهیم دید که از سوی فعالین جنبش های هویت طلب در تائید آنها، یاددشت هایی به رشته تحریر در می آیند. در همین مورد آخر، بلافاصله بعد از رویت آن بر روی سایت روزآنلاین، تعدادی از سایت های محلی در نقاط مختلف ایران، اقدام به انتشار مجدد آن نمودند.

    سته‌می میللی و بزوتنه‌وه‌ی ئازادیخوا، و سیاسه‌تی شئونیسمی سه‌رمایه‌داری رو به‌م کێشه‌
 کێشه‌ و سته‌می میللی، یانی هه‎مو ئه‎و هه‎لاواردنانه‌ که‌ له بواره‌ جیاجیاکانی وه‌کو: حه‌قوقی و سیاسی و ئابوری و کومه‌لایه‌تی و هیتد، به به بیانو و  هۆی ئه‌وه‌ که کومه‌ڵێک جیاوازی زمانی و که‌لتوری و  هیتد هه‌یه له نێوان دانیشتوانی ولاتێکدا‌. له‌‎م مه‌نتق و نیزامه‌ توتالیتاره ناسیونال شوئه‌نیسته‌دا، به‎ که‎م گرتن و بێ حورمه‌تی به میلله‌تی که‌مینه‌ و بند ده‌ست ، سه‎رنج نه‌دان به ژیان و خواستی سیاسی و ئابوری، رێگری و ته‌گه‌ره‌ نانه‌وه‌ له‌ سه‌ر رێی گه‎شه‎ و پێشره‌وی کومه‎لایه‌تی و ئابوری  و کلتوری و سیاسی، پێ شیل کردنی مافه سه‌ره‌تایه‌ ئینسانیه‌کانی، سه‌ر کوت و کۆ کوژی و میلیتاریسته‌ کردنی مه‌لبه‌ندی ژیانیان به به‌هانه‌ی هه‌ر داوا و خواست و ئیعترازێک ، خه‌فه‌قان و سانسور و ئاواره‌ی و کونترۆڵی ژیانی شه‌خسی و خانه‌واده‌ و  قه‌ده‌غه‌ کردنی خوێندن به‌ زمانی دایک و هه‌مو چه‌شنه‌ فه‌عالییه‌ت و هه‌ڵسورانێکی سیاسی و رێکخراوه‌یی وهیتد، ناسنامه‌ و جه‌وهه‌ری  سیاسه‌ت و  ستراتژی  موشته‌ره‌کی هه‌مو رژیم و نیزامه‌ دیکتاتور و فاشیسته‌ وه‌حشیه‌کانه له‌ به‌رانبه‌ر ئیعتیراز به‌  زوڵم  وه‌ داخوازی مافی ئینسانی خه‌لکانێک که‌ له‌ که‌‎مینه‌ی حه‌شیمه‌تی دان ‌.
له‌ واقیع دا بی ماف کردنی خه‌لکانێک له مافه‌ به‌ ره‌سمی ناسراوو  و بنه‌ره‌تی و ستاندارده‌کانی  کۆمه‎لگای به‌شه‌ری موته‌مه‌دن و عه‌داله‌ت خوازی ئیمرۆ، به‌و بیانو و  حوکمانه‌ که له‌ سه‌ره‌وه‌ باسی لێ کرا، ناسراوترین و ئه‌سلی‎تین شوناسه‌ی سته‌می میللین.
     بزوتنه‎وه‎‎کانی خه‎لکی کورد(ئێران،تورکیه‌،ئێراق،سوریه‌) له شوێنی جوگرافیایی ژیانی خۆیان و له‌ ژێر کونترۆلی ده‎وله‌تانی حاکم، به هه‎مو جیاوازی له تاکتیک و شکلی موبارزاتی و زه‌رفیه‌ت و چوار چێوه‎ی تێکۆشان و خه‎باتیان، خه‌باتی سیاسی و کومولایه‌تی بووه‌ بۆ به ده‌ست هێنانی ماف و داخوازیه ره‎وا ئینسانیه‎کانی خۆیان، که له ناو ستراتژی به‌ ده‌ست هێنانی ده‌سه‌لاتی سیاسی  و مافی چاره‎ی خۆ نوسین دا خۆی ده‎بینێته‎وه. خه‌لکی کورد له‌ رێزه‌ی ئه‌و خه‌لک  و بزوتنه‌وه‌ ره‌هایی به‌خشانه‌ بووه‌ که تاکتیکی موبارزه‌ی چه‌کداری به‌ حوکم و زۆری ماشینی سه‌رکوت و کوشتاری رژیمانی زالم و زال به‌ سه‌ر شوێنی ژیاندا، به‌ سه‌ردا سه‌پاوه‌و و ناچاره‌ن وه‌ک ئاخرین ئامارزی به‌رگری و تاکتیکی پشتیوانی خه‌باتی سیاسی و کومه‌لایه‌تی په‌سه‌ندی کردوه‌ و تا ئه‌م مه‌کینه‌ جه‌نگی و نیزامه‌ له‌ کایه‌ دابێت و جوابی خواست و داواکانی خه‌لک به گوله‌ و ترور و شه‌ر بداته‌وه‌، وه‌ک تاکتیکێک  و بازوێک چاوی لێ ده‌کرێت. 
به‎لام با بێینه‌ سه‌ر ئه‎سلی مه‎تڵه‎ب

مه‌حه‌مه‌د هاشمی سه‌روکی رێکخراوی ده‌فته‌ری ته‌حکیمی وه‌حده‌ت، له سه‌رتای باسه‌ دره‌نگ وه‎خته‎که‌ی دا که، کا ئاسۆ سالحی توشی ئالۆزی فکری و په‎له نوسین کردوه، ده‎نوسێ: "به‎ر بلاو بون و گشتگیری ناره‎زایه‎تی قه‎ومیه‎ته‎کانی ئێران وه‌ راشکاوانه‎تر بونی خواسته‌کانیان… بو به هۆی ئه‌وه که‌ زۆرێک له دیموکراسی خوازان ئاورێکی جیدی‎تر له‌  جه‎ره‎یاناتی  و گروپه‌ هۆویه‎ت ته‎له‎ب و خواسته‎کانی ئه‎وان بده‌نه‌وه". 
له هه‎موی ئه‌و چه‌ند دێره‎ی سه‎ره‌وه‌ ئه‌وه‌مان بۆ ده‌ر ده‌که‌وێت که ئه‎و "دێموکراسی خوازانه" له خه‎وه ورچینه دا بون و گه‌رمایی و رووناکی شۆرش و موبارزاتی کومه‌لانی ئازار چێشتو و بێ حورمه‌تی پێکراو رایچله‌کاندون  و به‌م شه‌پرێویه‌ که‎شفیان کردوه " جریاناتی قه‎ومی" خواستیان" هه‎ن و ئه‌و خواست و داوایانه‎ش ئێستا ئاشکرا بون و  ده‎بێت ئه‎وان ئاوڕی "جیدی" لێ بده‎نه‎وه؟!!.( ئه‌لبه‌ت خۆ له‌وه‌ نادات که تا ئێستا له‌ سه‌ر داخوازی و ته‌له‌ب کردنی ئه‌م موتالباته‌ "قه‌ومیانه‌ش" چیان به‌ سه‌ر ئه‌و "قه‌ومانه‌" نه‌هێناوه،‌ رژیمه‌که‌یان و هاو فکر و هاو مه‌کته‌بیه‌کانی لانی که‌م له‌ ماوه‌ی یه‌ک ده‌هه‌ حاکمیه‌تی جه‌ره‌یاناتی دوی خوردادی).
جولانه‌وه‌ و داخوازیه‌کانی خه‌لکی کورد، قه‌بیله‌یی و  خێله‌کی و قه‌ومی نین. کار و تێکۆشان بۆ به‌ ده‌ست هینانی مافی به‌ ره‌سمی ناسینی خۆی وه‌ک ئینسان ده‌کات  و داوای مافی یه‌کسان له‌ گه‌ل سه‌رجه‌م ئینسانه‌کانی‎تردا  ده‌کات، ئه‌گه‌ریش وه‌ک ئه‌م سه‌رده‌مه‌ی ئێستا و ،نیزامی کالا و قازانج په‌رست، لازم بکات شورش و خه‌بات ده‌کات بۆیان. له‌م پێناوه‌شدا سل له‌ هیچ کاردانه‌وه‌ و تومه‌ت وتوقاندنێک ناکات و نه‌یکردوه‌.
 به پێی هه‌م پێوه‎ر و فاکته‎ کومه‎ل ناسی و کولتور ناسی وه له‎مانه‌ ئه‌ساسی‎تر و گرینگ‎تر، به پێی خواست و " موتالبه‌کانیان" کومه‎له‌ خه‎لکێکن که بۆیان هه‌یه‌ خۆیان به میلله‎ت بناسێنن  و له‌م پیناوه‌شدا کارا‎ترین و گونجاوترین ئامراز و رێگا و تاکتیک بۆ گه‌یشتن به مافه‌ ئینسانیه‌کانیان هه‌ڵ‎بژێرن. فاکتیکی‎تری شه‌رم ‌هێنه‌ر بۆ کومه‌ڵگای نیزامی ئیمپریالیستی سه‌رمایه‌داری  قازانج په‌رست ئه‌وه‌یه‌ که، خه‎لکی کورد گه‌وره‌ترین میلله‎تی بێ ده‎وله‎تی سه‌ربه‌خۆی ئه‌مرۆکه‌ی جیهانه که‌ حه‌شیمه‌تیکی ده‌یان میلیونیه‌. به‎لام نازانم بۆ لای هاشمی و سالح و باقی "دێموکراسی خوازان( ناشزانین دێموکراسی خوازانی کوێ ده‎لێن) خه‎لکانی ژێر چه‎پوک و چه‌وساوه‌ی ئێران وه له‎ وانه خه‎لکی کوردی زه‌حمه‌ت کێش و سته‎م دیتوی دور خراوه له ماف و نه‎عمه‎ته‎کانی ئه‌مرۆی کومه‎لگای به‎شه‌ری، ده‎بێت به کوتکی "قه‎وم بون و قه‎وم په‌رستی" هه‌ر داوا و مافێکی ئینسانییان ده‎بێت له فیلته‎ر و هێله‎کی "نیگا و ئاوری جیدی دێموکراسی خوازان"  تێپه‎ر بێت!؟. وه پاشانیش که ئه‌و تێکۆشانه‌ بۆ سه‌ره‌تایترین خواست و مافه‌کانیان، خراپ ته‎شخیس درا و به "ئه‎منیه‎تی میللی و سه‎ر به‎خۆیی وڵات زه‌ره‌ری گه‌یاند"، ئه‌وه‌ ده‎بێ سه‎ره‎تایی‎ترین ئازادی و مافه‌ ستاندارده به ره‎سمی ناسراوه‎کانی ئه‌مری کۆمه‎لگای به‎شه‌ری، له کوردستاندا، به بێ‎روحمانه‎ته‎رین شێوه سه‎رکوت بکرێن و ئیعترارز و  شادیه‌‎کانیان  ده‎بێ به کۆت و به‎ند و کوشتن و گریان کۆتای بێت!؟ له کوردستانی ئێران به درێژایی هه‎مو ته‎مه‌نی رژیمه توتالیتار و فاشیسته سه‎رمایه‎داره‎کانی مه‌حه‌مه‌د ره‌زای په‌هله‌وی و کوماری ئسیلامی جینایه‌ت پیشه‌، خه‎لکی کورد به شیده‎ت و هه‌تا بڵی درندانه له ژێر سه‎خت‎ترین سته‌مه‌کان و سه‌ر کوتکان دا، تا کو ئیمرۆکه جودا له ‌هێندێک ده‎وران و په‎ریود، داییم راشکاوانه و به‎ر ده‎وام له سه‌نگه‌ره‌ جیاجیاکاندا بۆ به ده‎ست هێنانی مافی ئینسانی و ژینی سه‎ر به‎رزانه‎ و یه‌کسانی خۆی خه‎بات و تێکۆشانی کردوه. مانای سیاسی و جیدی ئه‎و وتاره‎ی هاشمی و ته‌ئیدئ ئاسۆ سالح جودا له ئاماتور بونی نوسه‎رانی به‌ نیسبه‌ت بابه‌ته‌که‌وه‌، وه‌ بێ ره‌بتی ناوه‎رۆ‎که‌که‌ی به سته‎م و موبارزه و خواسته‎ کانی خه‎لکی کورد، لێواوڵیوه له چه‎واشه‌کاری و ئه‎دره‌سی هه‎ڵه دان به خوینه‎ر و به‎ره‎ی "دێموکراسی خوازیان" و… که‌ زۆر ئاشکرایه که ئه‌مه‌ سیاست و جیهان بینی شوێن و مه‌کانی چینایه‌تی و ستراتژیکیانه‌ له‌م مه‌سئله‌ و مه‌یدانه‌دا. ده‎نا بۆ خه‎لکی ئازادی خواز و دژه‎ زولمی ئێران و کوردستان به گشتی و تێکۆشه‎ران و بزوتنه‌وه‌ی خۆرسک و وشیاری رادیکال و رزگاری خوازی ئینسان، له هه‌لاواردن و چه‎وسانه‌وه  زۆر له‌مێژه پێچ و قۆرته‌کانی بینیوه‌و ئا‎شنایه‎ به شۆرش و ویست و مافه ره‎واکانی خه‎لکی کورد. ده‌نا ئه‌و جۆره ناشی گه‎ری  ئاسو سالح و به ئه‌نقه‌ست به لا رێ دا بردنی  ئامانج و خواسته‎کانی خه‎لکی کوردستان، له‌ لایه‌ن محمد هاشمی و  بێ ناوه‎رۆک کردن و دابه‎زاندنی بۆ سه‎تحی نزمی " هویه‌ت ته‌له‌بی و قومی" جا چ له لایه‌ن ئه‎م  دو "دوسته‌ عه‌زیزانه‌" و باقی دیموکراسی خوازانه‎وه" بێت و چ له لایه‌ن لیبرال و شئونیست و پان ئیرانسیت و سه‎رمایه‎داره‎کانی ئێرانه‎وه، به‌ کورد و فارس و… بێت ته‎قه‎لایه‎کی  پوچ و بێ‎هوده وه له هه‌مان کاتیشدا کایه‌ کردن به‌ ئاگره‌ و نابه‎خشه‌نیه به راستی.
  تێکه‎ڵ کردنی مه‎قوله‎ی مافی چاره‎ی خۆ نوسین له گه‎ل قه‎وم قه‌وم کردن و "هۆیه‌ت ته‎‎لب" ناساندن و دابه‎زاندنی شورش و موبارزاتی بێ‎پسانه‎وه و پر هه‌زینه‎ی ئینسانی و مادی بزوتنه‎وی شورشگێرانه‎ی کوردستان، بۆ کۆتای به هه‎ر چه‎شنه‌ چه‌وسانه‌وه‌ و زوڵمیک و دامه‎زراندنی کۆمه‎لاگایه‎کی ئه‌من و تێر و ته‎سه‌ل و بێ هه‎لاواردنی میللی و چینایه‎تی و جنسی و هیتد، له لایه‎ن نئولیبرال و رێفورمیست و ناسوینالیسته قازانج په‌رست و نا شۆرشگیره‎کان، خۆڵ به چاو هه‌ڵ پرژاندنی بیرو رای گشتی و سوک کردنی خواستی خه‎لکی کوردستانه. پرسیارێکی‎تر ئه‌وه‌یه‌ له‌م " دژه‌ قه‌ومانه‌"، جا له‌ هه‌ر به‌ره‌ و تیره‌ و مه‌کته‌بێک بن، بۆ ئه‌و گروپه‌ "ئینسانه"‌ که‌ قه‌وم پێک دێنن، ئینسان نین؟  ئایه‌ له‌ ده‌ستگای فکر و باوه‌ری ئێوه‌دا مافی ئینسانه‌تیان  وه‌ک ئینسانه‌کانی‎تر که‌ "خوا" پێداون، شایان نیه‌ و مافی ژیانی سه‌ربه‌ست و شاد و دور له‌ هه‌ژاری و  به‌رده‌ییان پێ ره‌وا نییه‌؟ وه‌ڵام چیه‌؟
له‌م په‌یوه‌ندی و بواره‌دا ئه‌م دوستانی دێموکراسی خوازه ده‌بێت زه‌حمه‌ت به‌ خۆیان بده‌ن چه‌ند نا رووشنی له‌ سیاست و به‌رنامه‌ی سیاسیان بۆم مه‌سه‌‌له‌ و کێشه‌یه‌ روون بکه‌نه‌وه‌. ئه‌ویش ئه‌وه که‌: باشه بۆ ئه‌و مێژوه دور و پر نه‌شێو و خویناویه‎ی خه‎لکی کورد ،له‌وانه‌ له ئێران، لایه‌ن تازه‎یه و ئێستا به‌و هونه‌ر و که‌شفه گه‌یشتون که چاو و نیگاهێکی جیدی لێ بکه‎ن؟ باشه هه‎ده‌فی ئه‌م "دیموکراسی خوازانه" چیه له‌وه‌ که موبازرات و تێکۆشانی ئاشکراو رادیكاڵی بزوتنه‎وه‎یه‎کی عه‌زیمی وه‎ک بزوتنه‌وه‌ی شۆرشگیرانه‎ی کوردستان بۆ ئازادی و حاکمیه‎تی یه‎کسانی و دارشتنی ژیانیکی دور له زندان و خوێن‎رشتن و… نێو لێ ده‎نێن"جه‎ره‎یاناتی" هۆویه‎ت ته‌له‌ب"؟
 خواسته‎ سه‎ره‎تایی و کونکرێته‌کانی گونجاو له 8 ماده دا، له لایه‌ن ده‎سته‌ی نمایه‌نده‎گی خه‌لکی کورد له‌ سالی 1358ی هه‌تاوی دا، له گه‎ل رژیمی کۆنه‌په‌رستی ئیسلامی ،به‎زۆر داسه‎پاو به سه‎ر خه‎لکی ئێراندا، ئه‎وه "هۆیه‌ت ته‌له‌بی جه‎ریاناتی قه‎ومی" بو یا خواست و داوای مافی ره‌وای جه‌ماوه‌ری ملوێنی خه‌لکی کوردستان بو؟ کۆچی گشتی خه‎لکی شاری مه‎ریوان به دژی ئه‌شغال گه‎ری و جینایه‎ت و میلیتاریسته‌ کردنی ئه‎و شاره ، شه‎ری 24 رۆژه‌ی خه‌لکی شاری سنه بۆ مل نه‎دان به سته‎م گه‎ری و مل هۆری رژیمی ئیسلامی و داوای ئازادی و خواستی ئینسانی خۆ کردن، موقاومه‎ت و خۆ راگری بزوتنه‎وه‎ی شۆرشگیرانه‎ی کومه‎لایه‎تی و سیاسی و نیزامی خه‌لکی کوردستان له سه‎ره‎تای به هێز بونی رژیمی ئسیلامی تا ساله‎کانی جێگیر بونی ئه‌و رژیمه هاره له کوردستان دا، رژانه شه‎قامی به میلیونان جه‎ماوه‎ری کوردستان له دژی تروریزمی نێده‎وله‌‎تی له سه‎ر رفاندنی عه‎بده‌لا ئوجه‎لان را‎به‎ری پارتی کریکارانی کوردستان، و خۆپێشاندان و ئاپوره‌ و ئیعترازاتی خیابانی جه‌ماوه‌ری  و دوا به‌دوای ئه‌ودا، مانگرتنی گشتی له‌ روژی 16ی گه‎لاویژی 1385ی  کومه‌لانی ملوێنی خه‎لکی کوردستانی ئێران به ره‎هبه‎ری کومه‎له و حیزبی کمونیستی ئێران، له دژی سیاستی جینایه‌تکارانه‌ و میلیتاریسته‌ کردنی کوردستان و  ئێعدام و هه‎لس وکه‌وتی جینایه‌ت‎کارانه‌ی  حکومه‎تدارانی "دیموکراسی خوازی نوخبه‎‎ای ده‎وله‌تی بورژووایی ئیسلامی ئه‎و کات به سه‎روکایه‎تی رێفورمیسته‎کانی 2ی جۆزه‎ردان  و ده‎فته‎ری ته‌حکیمی وه‌حده‌ت و… ئه‌وانه‌ش ساز کراوی " جه‌ره‌یاناتی قه‌ومی و…ن؟! شه‌رم و ویژدان دو تایبه‌ت مه‌ندی پێویستی مه‌کته‌ب و سیاستی ئێوه‌ن، به‌لام داخه‌که‌م!!!
 خولقاندنی چه‎ندها روداو و تراژیدی بۆ کومه‌لگای کوردستان ‌ هه‌ر به‌ به‌هانه‌گه‌لی موغریزانه‌  و له‌ چوارچیوه‌ی سیاسه‌ت و فورمولی سواوی شوئێنیستی "جه‌ره‌یاناتی هویه‌ت ته‌له‌ب و قه‌ومی" ئه‌مانه‌‌دا جێی گرتوه‌ و گونجاندویانه‌؟!!! ئاشکرایه‌ که‌ له‌ کاتاگۆری مه‌کته‌بی دێموکراسی خوازی ئێه‌مانه‌دا ئه‌م دونکیشودیسمه‌ بۆ بردنه‌ پێشی پروژه‌ و سیاسه‌تی دیاری کراوی شومیان لازمه. ‌به‌لام راستیه‌که‌ ئه‌وه‌یه‌ که‌ براده‌رانی "دێموکراسی خوازی نیگا مودێرن بۆ کێشه‌کان"، له‌ ژێر ته‌وژم و جه‌ماوه‌ری بونی موبارزات و خه‌باتی  جیدی و رادیکالی بزتنه‌وه‌که‌ وه‌خه‌به‌ر هاتون و خه‌ویان لێ زڕاوه بێچارانه، وه‌ پێویست ده‌کات هه‌ر که‌س و لایه‌نێک له‌ حاست خۆیه‌وه‌ له‌ زه‌رفیه‌تی چه‌واشه‌کاری و فریوده‌رانه‌ و ماست مالی کردنی راستیه‌کان و  هه‌ڵ ته‌کاندنی خواستی خه‌باته‌که‌ له‌ رادیکالیزم و ئینسان گه‌رایی و دابه‌زاندنی و قه‌ناعه‌ت پێ‎هینانی به‌ قه‌بولی ‌هێنده‌ک ئیمتیازی سواڵ‎که‌رانه‌ی "فه‌رهانگی و قه‌ومی"  نیشان بدات. وه‌ هه‌روه‌ها، ئه‌رکی خۆی بۆ پێش گرتن له‌ توفان و گه‌رده‌ لولێک که‌ له‌ رێدایه‌ و گومانی ئه‌وه‌ که‌ گشتیان رامالیت و نوقمیان بکات زۆره‌، ده‌بێت ئه‌دا بکات. خۆ ده‌نا هی به‌رز بونه‌وه‌ی حه‌راره‌ت "نیگای مودێرن و هه‌ستی "دێموکراسی خوازی و  ئالو گۆر له‌ مه‌نتق و سیاسه‌ت‎یاندا نیه‌.
به‌لام به‌ نیسبه‌ت ئازادیخوازان، روناک بیران و "دێموکراسی خوازانی کوردستان
ئاسۆ سالح ده‌بو به‌ ده‌لایلی حزوری راسته‌و خۆی له‌ ناو جه‌رگه‌ی کێشه‌که‌ و ئاشنا بون به‌ خو‌استه‌کانی بزوتنه‌وه‌ی شورشگێرانه‌ی کوردستان وه‌ هه‌روه‌ها له‌مس کردن و دیتنی سیاست و کرداری جینایه‌ت کارانه‌ی رژیمه‌ کونه‌په‌رستی سه‌رمایه‌داری ئیسلامی له‌ به‌رانبه‌ر ئه‌م کومه‌لگایه‌ و بزوتنه‌وه‌که‌ی و هه‌ڵسواراوانی بواره‌ جیاجیاکانی خه‌باته‌کی، وا ساده‌ ئه‌ندێشانه‌، له‌ نه‌وعی  چه‌واشه‌ کاریه‌که‌ی عیرفانی قانعی‎فر( له‌ ژێر ناوی رون کردنه‌وه‌ و گه‌رانتی دان به فاشیست و جانیه‌کانی ده‌سه‌لاتداری ئسلامی له ئیران که‌ به‌لێ نیگه‌ران مه‌بن، بزوتنه‌وه‌ی شورشگیرانه‌ی کوردستان، شورش گێر نیه و به هه‌ر شتێکیشتان باوه‌ره‌ سوێند ده‌خۆم " جودایی خواز نیه‌")، نه‌که‌وێته‌ داوی وه‌ها سیاست و نیگایه‌‎کی که‌سیکی تازه له‌ دونیای ده‌وروبه‌ری حالی بوو.  وه‌ له‌ مه‌ش ده‌رد ناکتر، به‌ قسه‌ و باسی کۆن و بێ مه‌سره‌ف، بکه‌وێته‌ شوێنی رچه‌یه‌کی رو به‌ هه‌ڵدێرو، سه‌ر مه‌ستانه‌ ئاوی بۆ له‌ بۆچونه‌کان بکات‎. ئاسو سالح، له ده‌ست پێکی نوسینه‌که‌ی را تا کۆتایی بێ ئه‌وه‌ی شتێکی نوی و موفید و جیاوازی له‌وه‌ی هاشمی بۆ خوێنه‌ر پئ بێت، به شاخ و بالی هاشمی و ره‌وتی دیمکراسی خوازیان له قوماشی مودرێرنی ئه‌مرۆکه‌یان دا هه‌ڵ ده‌ڵێت  و هۆبالی بۆ ده‌کێشێت و شاهیدی بۆ ئه‌دات که ئه‌وه‌ی هاشمی ده‌یلێت زۆر راسته‌ و هه‌ر وایه‌ و زۆر چاکی بۆ چویت و هیواش ده‌خوازێت نمونه‌یان زۆر بێت؟! بۆ ئاسو سالحه‌‎کان که‌ خۆشیان زه‌بر و زه‌نگی ئه‌م نیزام و ساسه‌ت و گه‌رایشه‌ کونه‌ پارێز و حکومه‌ت مه‌داره‌یان چێشتوه‌، ده‌بو ورد بین‎تر و وشیار‎تر و رادیکال بن. ئه‌لبه‌ت به‌و مه‌رجه‌ به‌رژه‌وه‌ندی چینایه‌تی رێگات پێبدات.

راستی من کاتێک قسه‌کانی ئاسو سالحم بینی، هه‌ر له سه‌ر پێ داگریه‌که‌ی ئه‌و که گۆیه ئه‌م نوسراوه‌یه‌ی هاشمی، شتێکی کۆدی و سیحری تێدایه، سه‌رنجێکی ترم دا. به‌لام نوسراوه‌که‌ هه‌ر ئه‌وه‌ بو که‌ من  پێشترنه‌قدم کرد بوو، وه‌ به‌داخوه‌ تێدا چو، وه‌ من هیچ شاکارێک و نوی کاری و "مێهرێکی نوخبه‎گانه‌ی دێموکراسی خوازانه‎م" تێدا نه‌بینی و تێدا نابینم، به غه‎یری تکراری  ورتار و بۆ چونه  سواو و چه‎واشه کاریه‌کانی شئونیستیه ئێگۆیست و پاوان خوازه‌کانی ده‎سته‎ و دایاره‎ی ته‌مامیه‎ت خوازانی خاکی "موقه‎ده‌سی" ئیران له رابوردوی و ئێستادا. کاتێک نوسینه‎که‎ی هاشمی و سالح له گه‎ل یه‎ک روبه‌ رو ده‎که‌یته‌وه ئاشکرا دیاره که ئاسۆ سالح له به‎ر "نایاب بون و دیمکراسی خوازی" نوسه‌ر توشی  ئالۆزی فکری و ته‎مه‌رکوزی هۆش بووه.‌ وه‌ له زۆر شوینیش ده‎ستی داوه‎ته ئاوه‎ژو کردنه‎وه‌ی "خوش نیه‎تانه‎ی" ده‌قی نوسراوه‌که‌ی هاشمی  و ته‎عبیر و بۆ‎ چونی خۆی به‌ تێکه‌لێک له‌ وه‌رگێرانێکی "زۆر" ئازاد له جێگای ئامانج و سیاسه‎تی نوسه‌ری ئورژینال داناوه‌.

  خواست و ئامانجی بزوتنه‌وه شورشگێره‌‌ رزگاری خوازه‌کان و سیاسه‌تی حاکمیه‌ت، دو هێڵی دژبه‌ر

آسو سالح: این اظهارات و عملکرد حاکمیت در قبال جنبش های هویت طلب و قومیتی، نشان از رویکردی نابخردانه دارد که تنها پیامد آن محروم ساختن کشور در استفاده از بخش گسترده ای از پتانسیل کاری و فکری می باشد. و این یعنی بی بهره بودن بلوچ ها، عرب ها، کردها و دیگر گروه های قومی از مدیریت کلان کشور و بازتولید مطالبات آنها.

راستی ده‌ىیت مه‌نزورو و هه‌دهه‌فی ئه‌مانه‌ له به کار بردنی واژه و ووشه‌ی"جنبش های هویت طلب و قومیتی" چی بێت و بۆ کام پروژه و سیاسه‌تی دۆراو بی ناوه‌روک و قێزه‌ونی به کار به‌رن و بیکه‌نه‌ ئه‌بزاری خزمه‌ت به‌ کام ستراتژی و ئامانجی زیدی ئینسانی له په‌یوه‌ندی له‌گه‌ل مسئله‌ و کێشه‌ی میللی له گشت ئێران و تایبه‌ته‌ن کوردستان دا؟!
  ملیونان ئینسان له کوردستان به خاتری زمان و کۆمه‌لێک داب و نه‌ریه‌تی جیاواز، له سه‌ره‌تایی‎ترین مافی ژیانێکی ئینسانی سه‌ده‌ی 21 و بگره 20یش، چ له بواری ئابوری، چ له بواری ئازادی و سیاسی و کلتوری، چ له بواری گه‎شه‌ و پروه‌رده‌، چ له بواری ره‌خساندنی بار و دۆخی گونجاو بۆ پێشره‌فتی شکل و مکانیزمی ژیان وه‌ له ئیختیار نانی ئیمکانات و ئامرازی گه‎شه و روشتی پیشه‌یی و مودیریه‌تی و خۆ به‌رێوه‌به‌ری له بواراه‌ جواراو جوره‌کاندا و…  بێ به‌ش کراون و زالمان و حاکمانی نزمی کویله‌تی سه‌رمایه،‌ به‌مه‌شه‌وه‌ نه‌ وه‌ستاون و نان په‌یا کردن له رێگای  زه‌راعه‌تی و ئاژه‌ل داری سه‌ره‌تایی و نا میکانیزه‌وه‌، که تاکو ئێستاش بژیوی به‌شێکی زۆری خه‎لکی زه‌حمه‌تكێشی کوردستان له‎‌و رێگایه‌وه‌ به ده‌ست دێت، هه‌ر ده‌مه‌ به‌ بیانو و یاسایه‌کی گلاوه‌وه‌ یا به‌شێک له‌مه‌شیان لێ ده‌برن یا ده‌ست ره‌نج و حاسلاتی سالیان به‌ غاره‌ت ده‌بن له‌ رێگا گه‌لی جوراوجوره‌وه‌.  باشه‌ ئه‌م هه‌مو زو‌لم و زۆریه‌ له پای چی و بۆ؟ باشه‌ به‌ قه‌ولی ئێوه‌ " قه‌ومێک" که تا ئێستاش پله‌ی میلله‌ت‎تان پێ نه‌به‌خشیوه‌ بۆ ‌ ده‌بێت هێند لێی "بترسن" و ئاوا بێ به‌زه‌یانه‌ ته‌حقیری بکه‌ن و حه‌تا لێشی نه‌گه‌رێن که به زه‌حمه‌ت و ره‌نجی خۆی، خۆی به‌خێو بکات و گه‌شه‌ به‌ ژیانی خۆی بدات؟ باشه "کۆنه پارێز و ئوسول گه‌راکان" به‌ رێگای خۆیان! به‌لام پرسیار ئه‌وه‌یه‌ بۆ له ماوه‌ی نزیک به یه‌ک ده‌هه‌ حاکمیه‌تی " ریفورم خواز و دیموکراسی خوازه‌کانی"مه‌رکه‌ز نشین و ناوچه‌ نشین( ئه‌لبه‌ت "بوختان" نه‌بێت به ناو ناوچه‌ نشین بون ده‌نا…)  نه ته‌نیا هیچ بۆ خه‎لک نه‌کرا، بگره سه‌رکوت و وه‌دوا خستنی به ئه‌نقه‌ستی هه‌مه‌ چه‌شنه‌ له کوردستان دا به چاو سوری "فراکسیون و نوێنه‌رانی" کورد زمان له هه‌ره‌می قودره‌تدا، سیستماتیک و درندانه‌ چۆته‌ پێش و بالا و جه‌سته‌ی کومه‌لگای ئنسانی و سروشتی کوردستانیان لاواز تر و نه‌خۆش‎تر کرد. بۆ مه‌گه‌ر ئه‌و کاتێش جه‌لایی پوره‌کانی قاتلی کار کوشته‌ی خه‌لکی کوردستان و شوێنه‌کانی‎تری ئێران سه‌ر راست‎تر و روون‎تر له‌م قسه‌ بێ بایخ و ئیکس پایرانه‎ی هاشمیان نه‌کرد؟   مه‌گه‌ر جارێکیان به‌ ناوی پارێزه‌رانی "ئینقلابی ئیسلامی" و خه‌تی ئیمامی و جاری دوایش به‌ ناو "ریفورمیست" له‌ قالب کارشوناس و ته‌حلیل‎گه‌ری مه‌سایلی کوردستان چیها جینایات و کرده‌وه‌ی وه‌‎حشیانه‌یان له‌ دژی خه‌لکی کوردستانیان نه‌کرد؟ 
 
باسی "هۆویه‌ت ته‌له‌بی" با بکه‌ین

هۆویه‌ت و هۆویه‌ت ته‌له‌ب یانی چی وکێ به‌ راستی؟ بۆ مه‌گه‌ر خه‌لکی کورد تازه له دورگه و جه‎نگه‌له‌کان دا دۆزراوه‌ته‌وه‌ یا که‌شف کراوه که قه‌راره‌ ئێوه پێناسه‌ و هه‌ویه‌ی بۆ دروست بکه‌ن؟ باس له‌ کام هۆویه‌ت ده‎که‌ن؟ هۆویه‌ت یا ناسنامه‌ی خه‌لکی کورد لای ئێوه‌ جیاوازه له گه‌ل خه‌لکان  و گه‌لانی‎تری جیهان که‌ ئێستا یا سه‌ر به‌خۆن یا به‌یه‌که‌وه‌ به مافی یه‌کسان له په‌نا یه‌کتر ده‌ژین؟  مه‌به‌ستان هۆویه‌ت  ته‌له‌بی ئه‌وه‌یه‌ که جه‌ماوه‌ری کوردستان ده‌یان هه‌وێت جل و به‌رگ و زمان و فه‌رهه‌نگی خۆیان لێ زه‌وت نه‌کرێت و به کوردی راگه‌یاندن و مه‌دره‌سه‌ و حاکم و شاره‌وانی و ئوستانداری و… هه‌بێت؟ بۆ مه‌گه‌ر هه‌ر ئێستاش که‌م تا زۆر ئه‌م "هۆه‌یه‌تانه" نین؟ مه‌گه‌ر له ئاستی بالادا که‌سانی کورد زمان کار گێر و مودیر و کار به‌ده‌ستی رژیم نه‌بون و نین؟ ئه‌و هۆه‌یه‌ته‌ی ئێوه مانان باسی لێوه ده‌که‌ن و پیشاتان وایه‌ ساله‌های ساله شورش و ته‌لاش و خوین دانی خه‌لکی شورشگێر و جه‌سوری کوردستان بۆ ئه‌م شتانه بووه، زۆر خراپی لێ‎تێگه‌یشتون و ئه‌مانه‌، نه کاره، نه نانه، نه ئازادی و عه‌داله‌ت و یه‌کسانی ئابوری و کۆمه‌لایه‌تیه‌ و ئاسایش و ئارامش و ره‌فاهه و… ته‌نها به‌لگه‌ و ئامرازی ده‌رخۆنه‌ دانانه‌ له‌ سه‌ر راستیه‌کان و به‌س.           

ئاغای سالح له‌ درێژه تائید نامه‌کیدا بۆ هاشمی و به قه‌ولی خۆی به "پشتوانی" له بزوتنه‌وه "هۆویه‌ت خواز و قه‌ومیه‌کان"، دلسوزی له‌ راده‌ به‌ده‌ری خۆی و نا یه‌کسانی به نیسبه‌ت دلسوزی بۆ بزوتنه‌وه "هۆویه‌ت خواز و قه‌ومیه‌کان"، ناشارێته‌وه‌  و ئاگاداریان ده‌کاته‌وه‌ که ئه‌و "روانگه وکردارانه‌ی حاکمیه‌ت به نیسبه‌ت ئه‌و"قه‌ومانه‌" ته‎نیا و ته‌ینا ده‌بێته‌ هۆی مه‌حروم یا بێ به‌ش کردنی ولات یا کیشوه‌ر له که‌لک وه‌ر گرتن و ئیستیفاده‌ له به‌شیکی عومده‌ و به‌ر فراوان له‌ پوتانسیه‌ل و توانای کاری و فکری ئه‌و خه‌لکانه‌". ئه‌وه ده‌قی بۆچون و دلسوزی ئاسو سالحه بو خه‌لکانی ئازار چیشتوی که‌مینه‌ میللیه‌کان؟!.  هه‌م له ناڵ دان و هه‌م له بزماردان، له ناو بۆچون ونوسینه‎کانی ئه‌م گه‌رایش و ته‌یفه‌ له سه‌ر ئه‌م مه‌قوله‌ موشه‌خه‌سه‌ شتێکی تازه‌ نییه‌، به‌لام ئه‌وه‌ی ئاسو سالح ته‌راوزی زۆر خوار کردوه‌ به لای سه‌رکوت گه‌ران و دوژمنانی ئازادی و عه‌داله‌ت و یه‌کسانی دا. له‌م بیروکه‎یه‎دا مه‌حرومیه‌ت و بێ به‌ش کردنی خه‎لکی کوردستان و شوێنه‌کانی‎تری ئێران، له سه‌ره‌تای‎ترین ئازادی و حقوقی ئینسان وه‌ بێبه‌ش کردن له‌ حاسل و به‌رهه‌می ماندو بون و کار و ده‌ست ره‌نجی خۆیان و داهاتی  و خه‌زینه‌ی میللی ولات، شوین و پله‌یه‌کی نیه‌ و وا دیاره‌ ئه‌وی زولمی لێ ده‌کرێت و مه‌حروم ده‌کرێت، چینی سه‌رمایه‌دار و حاکمی ولاته که‌ باش و ئاقلانه ئیستیفاده له توانا و ئه‌نێرژی خه‌لکی زه‌حمه‌ت کێشی "قه‌ومه‌کان" ناکات و زیاتر له‌وه‌ی که‌ هه‌یه‌ شیره و هێزی گیان و تاقه‌تیان ناكێشێت و خوێنیان له ده‌فر ناکات؟!.  
 بۆ قه‌راره‌ تا چ راده‌یه‌ک " پوتانسیه‌لی کاری و فکریمان" له خزمه‌ت به سابوتاژ کردنی بن چینه‌کانی زیندومانه‌وه‌مان به کار به‌رن و بۆ هێز و توانای هه‌ناسه‌ هه‌ڵکێشانیشامان کیسه‌ هه‌لدرون؟؟!!
  
ئینسان یانی کالا، ماف، ئامرازی سه‌ودا بۆ سازان له‌ سه‌ر کالا

 راستی کا ئاسۆ، تۆش له‌ سه‌ر ئه‌و باوه‌ره‌ دژی ئینسانی و به‌ربه‌ریه‌ت مه‌نشه‌ی مه‌کته‌بی نئولیبرالیسمی، که ئینسانیه‌ت و به‌ها و ئه‌رزشی ئینسان له سه‌ر ئه‌ساسی فورمولی کرین و فروشتنی نیرو و هێزی کار و، به پێوانه‌ی کالای بونی ئینسانه‌کان وه به به‌کار گیری هێزی فیزیکی و فکریان هه‌ڵ ده‌سه‌نگێنی؟!!                               باشه خه‌ڵکی کوردستان له کام پوتانسیه‌ل و نیعمه‌تی ولات  که‌لکیان وه‌رگرتوه‌ و، تا چ ئه‌ندازێک له‌ سفره‌ی داهات و ئیمکاناتی "کیشوه‌ر" به‌شیان پێ دواوه‌ تا وا " عادلانه‌"و " ئاقلانه‌ و سه‌نجیده‌تر" خویننان بکه‌ن به‌ ئاوی زمزم  بۆ خواردنه‌وه‌ و فتوا له‌ سه‌ر حه‌رام و حه‌لالی هه‌ر ماف خوازی و نافه‌رمان و یاخی بونێکیان به زیندان و کۆکوژی ده‌ر بکه‌ن؟ یانی به کورتی نوسخه‌ی " حه‌قی ته‌عینی سه‌رنویشت" کاتێک مانای بۆتان هه‌یه‌ و ده‌بێت بهئامراز و میکانیزمی گونجاوی چاره‌سه‌ری کێشه‌کان، که مه‌جال بدات به حاکمان بۆ که‌لکی باش له ‌هێزیان وه‌رگرتن بۆ موحکه‌م کردنی پایه‌کانی قودره‌تی ئیستبدادی خۆی وه‌ هه‌ر وه‌ها ده‌ستی بورژواکان و سه‌رمایه‌دارانی مه‌رکه‌ز نشین و مه‌حه‌لی نشین ئاواله‌ بکات بۆ"باشتر به کار بردنی پوتانسیه‌لی کاری و فکری چینی زه‌حمه‌ت کێش و کرێکاری ئه‌و‌ کومه‌لگایانه‌ تا به‌ هه‌رزانتر و ئاسان‎تر له‌وه‌ی که‌ هه‌یه‌ هێز و توانای کاریان وه‌ک هه‌ر کالایه‌کی‎تری بازاری نئولیبرالیستی ئیمپریالیسمی هار بکرن و بفرۆشن!! یانی ئینسان کالایه‌ و هێز و توانا فیزیکی و فکریه‌که‌ی کالای باش و پوتانسیه‌ل داره، وه‌ بۆ ئه‌وه‌ ئیزنی زیندو مانه‌وه‌ی پی بدرێت ده‌بێت کالاکه‌ی، که وجود و هێزی ژیان و گیانی خۆیه‌تی، به "دیموکراسی خوازه مودێرن بیر که‌ره‌وه‌کان " بفروشیت ، ده‎نا ئه‌وه ئیتر "  شورشی و جوادایی خوازه و ده‌بێت سزا بدرێت!!؟؟ یا ئه‌گه‌ر داوای هه‌ر مافێکیان کرد، ده‌بێت مه‌عامه‌له‌ی له‌ سه‌ر بکرێت و له‌ ژێر زه‌خت و قودره‌تی تۆقاندنی ئه‌م نیزامه‌ قازانج په‌رسته‌دا بۆ هه‌راج کردنی کالاکه‌ی و خۆ ته‌سلیم کردنی، سه‌ودای له‌ سه‌ر خواست و مافه‌کان بکه‌ن ده‌نا نه‌ ماف هه‌یه‌ و ئه‌گه‌ریش زۆری لس سه‌ر برۆن ده‌بىیت سه‌رکوت و سزا بدرێن ؟؟!!
 به‌ قه‌ولی یه‌کێک له شێعره مه‌زنه‌کانی هاورێ ئه‌حمه‌د بازگر که‌ ده‌لێ: مافت ده‌وی؟! تاوان باری، دیاره دژی ئیستعماری، هه‌ژار پێت خۆشه‌ سه‌ر که‌وێ، تێکشکانی ئێمه‌ت ده‌وێ(2)

موددیریه‌ت و بازته‌ولیدی(به‌رهه‌م هینانه‌وه) یعنی چی؟

به راستی مه‌به‌ستی چیه‌ له‌م مه‌قوله‌یه‌؟ چینی بورژوا و دارای کورد وه باقی ئه‌وخه‎لکانه‌ی‎تر که به میلله‎تانی غه‌یری فارس ناسراون به درێژایی مێژوی بوونیان له ئێراندا و تایبه‌ته‌ن ئێستا به‌نا به به‌رژه‌وه‌ندی و مه‌سله‌حه‌تی چینایه‌تیان دایم له گه‌ل حاکمان هاو په‌یمان و هاو باوه‌ر وهاو سو بون و قه‎تیش له "مودیریه‌ت" و قودره‌ت و سود به‌ش کردندا بێ به‌ش نه‌کراون. موتالباکانیشیان له‌ هه‌ر سه‌رده‌م و ده‌وره‌یه‌ک له زه‌ماندا، له رێگای "مه‌جلیس و پارله‌مانه‎که‌یانه‌وه‌" باس کردوه و به به‌شداریان له هه‌مو پروژه و سیاسه‌ته‌ ئابوری،سیاسی، ئه‌منیه‌تی، فه‌رهه‌نگی و کومه‌لایه‌تیه‌  مال و ژایان وێران که‌ره‌کانی رژیم و بردنه پیش و به ئیجرا کرد و به‌ کرده‌وه‌ ده‎رهینانی گشت سیاسه‌ت و پلانه جینایی‎ و نا ئینسانیه‌کانی هاو چین و هاو به‎رژه‌وه‌ندیه‌کانیان له حاکمیه‌دا و له ده‌ره‌وه‌ی حاکمیه‌ت به ده‌ست هێناوه.  به‌لام، ئه‌گه‌‌ر مه‌به‌ستت له نزیک به 90% ی خه‎لکی ئه‌و کومه‎لگایانه‌یه که باسمان کردن، ئه‌وه خواست و داواکانیان و بگره خه‎بات و ناسنامه‎یان زۆر له‌ قه‌زاوه‌ت و ماهیه‌تی باس و دل خۆشیه‎کان و لوتفی دێموکراسی خوازانه‌ی محمد هاشمی و هاو فکرانی ئیمرۆی و دوێنی له سنخ و به‎ره جوراجوره‌کانی ناو پوزیسیون و ناو ئوپوزیسیون دووره‌. دلنیاش بن هیچ کات ئاویان به جۆگێک دا ناروات و ره‌بتیشی به خواستی دابین کردنی مافی  دیاری کردنی شکل و شێوه‌ی حاکمیه‌ت و رێگا چاره‎ی رزگاری خه‎لکانی سته‌م دیتوی ئێران وه له‎وانه خه‎لکی شورشگێر و زه‌حمه‌ت کێشی کوردستانه‌وه‌ نیه . له ماوه‎ی حاکمیه‌تی ره‌شی سرمایه‎داری ئیسلامی له کوردستان دا، جا هه‌ر مه‌لا و سه‌یدێک که‌ له هێرومی مه‌کینه‌ی جنایی و سه‌رکوت قه‌راری گرت بێت تا به ئه‌مرۆکه گه‌یشتوه‌، جگه‌ له بێ به‌ش و مه‌حروم کردن له مه‌جال وکه‌ره‌سه‌ی مه‌وجود له‌ کوملگا و ولتدا و ئیمکانی ژیانی ئینسانی سه‌رده‌م، هه‌ژاری و بێکاری، زندان و سێ‎داره، گوله و مین،  وه ده‌یه‌یان پلان و پرۆژه‌ی ئه‌منیه‌تی و سیاسی ژێر به‌ ژێری دژی مروفانه و مال وێران که‌رانه‌  وه به ئه‌نقه‌ست و به‌ پێی ستراتژی شومی شئونیستی سرمایه‌دارنه‌ وه‌داوا خستنی ئه‌و ناوچه‌یه‌ ، هیچ نیعمه‎تێک و خدمه‌تێکی بۆ خه‎لکی کوردستان نه‌بوه‌ و ناشی بێت.
بۆ وێنه‌ به پێی کۆڵێک دوکومێنت و به‌ڵگه‌ی حاشا هه‌ڵ نه‌گری زۆر سامناک، سه‌رده‌می 2ی خوردادی و خاتمی‎ و ئێسلاحات خوازه دێموکراسی خوازه‌کانی ورد و درشتی لیبرالی ره‌نگا و ره‌نگی کورد و فارس و ئازه‌ر و بلوچ و عه‌ره‌ب و…( زیاتر له‌ هه‌مو ده‌ورانێکی ده‌سه‌لاتی جمهوری ئیسلامی، سه‌رمایه‌داران و چینی زالم و که‌وا سوری به‌ر لشکری جانی رژیمه‌که‌ی نوێنه‌ری خوا، "مودیران و موده‌برینی" کوردی، ئازه‌ری، عه‌ره‌بی و بلوچی و هیتد له‌ ده‌سه‌لات و حاکمیه‌تدا به‌شداریان کرد) له به‌ر شوم‎ترین ده‌ورانی خوێناوی  و وه‌حشه‌تناک و موزیری رژیمی ئیسلامی بووه، له‌ هه‌مو بواره‌کانی سیاسی، ئابوری و ئازادی و قه‌تل و ترور و هیتد بۆ کومه‌لگای ئیران به گشتی و کوردستان تایبه‌تی. گه‌رای ئه‌و پروسه‌ ترسناکه به‌ پته‌و کردنه‌وه‌ی پایه‌کانی رژیمی جینایه‌ت پیشه‌ی ئیسلامی سه‌رمایه‌‌ ده‌ستی پێکرد، به‌ رابه‌ری ته‌یفی "رێفورمیسمی" دێموکراسی خوازانی ئه‌مرۆ، و به قه‌تڵه‌ "مه‌خفیه‌" زنجیره‌یه‌کان قول بۆوه و به کوشتاری خه‎لکی شورشگێری شاری سنه  و سادر کردنی ماده سر که‌ره‌کان به هه‌رزانی و خۆ رایی بۆ هه‌مو ئیران و کوردستان، تایبه‎تی تر لێره‌شدا، و ده‌ر کردنی سه‌دان هه‌زار کرێکار له سه‌ر کاره‌کانیان و دانانی ده‌یان یاسا و قانونی دژی ئینسانی کرێکاری له چه‌شنی قانونی کارگاکانی ژێر 10 که‌سه‌ و قه‌رارداد و پروتوکولی کاتی، گوله باران کردنی کرێکارانی کانیه‌کانی خاتون ئاوا(معدن مس خاتوان آباد)، زیاد کردنی رێژه‌ی بێکاری ونه‌داری وهه‌راج کردنی گورچیله  و باقی ئه‌ندامه‌کانی له‌شی خه‎لکی زه‌حمه‌ت کێش و ده‌یان کار و به‌رنامه‌ وسیاسه‌تی گلاو و ترسناکی نه‎هێنی  و درندانه له دژی موخالیفین و ماف خواز و ئازادی خوازان و موبارزینی مه‌یدانه‌ جوراوجوره‌کانی خه‌بات و هیتد به لوتکه‌ی خۆی گه‌یشت. ئه‌م ره‌وته‌ بۆ که‌شفی بزوتنه‌وه‌ و گه‌رایشه‌ رادیکال و ئاشکرا کردنی ئینسانه موخالیف و نارازیه‌کان به‌م نیزامه‌ هاته‌ مه‌یدا. به‌لێ ئه‌وه‌ بو نیعمه‌ت و هه‌دیه‌ی خێڵی لیبرالیسته "دێموکراسی خوازه‌کان"ی کون و تازه‎، بو خه‎لکی ئێران و کومه‎لگای کوردستانی ئێران. به‌لام به‌ قه‌ولی مه‌عروف، شوشه‌ تا بشکێت تیژتر ده‌بێت!
باشه‌ مه‎گه‌ر سه‌ر چاوه‌ی داهات و بژیوی خه‌‎لکی کریکار و زه‌حمه‌ت کێشی کوردستان به‌شێکی زۆر گه‌وره‌یتری، جوادا له‌ کاری که‌شاوه‌رزی و ئاژه‌ڵداری، له رێگای کرێکاری رۆژ موزد و کوره‌ په‌ز خانه و وه هه‌ر وه‌ها هاتو چۆ کردن بۆ سه‌ر سنوره‌کانی جیرانیان  و هیتد دابین نابێت؟ هه‌ر چه‌ند ئه‌ویشیان لێ قه‌ده‌غه‌ کراوه‌و ناوی "قاچاغ چیه‌تی" له سه‌ر دانراوه و به‌م به‌هانانه‌، به هه‌زاران کاسب کار و جوتیاری هه‌ژار و زه‌حمه‌ت کێش له سایه‌ی ئه‌م سیاسه‌ته‌ شومه بونه‌ به قوربانی مین رێژی و بونه به گۆشتی ده‌می تۆپ و گوله باران کردنی مه‌زرا و شوێنی ژیان و که‌سب و کاریان. وه‌ به سه‌دان ئینسانی شه‌ریف و هه‌ژاری کوردستان وێل و وه‌یلان به دوای پاروه نانێک و پولی قه‌له‌م و کتێبێ‎کی مناله‎که‌ییان، یا که‌م ئه‌ندام بون و ئیتر بۆ تا سه‌ر له نان ئاوه‎ری مال که‌وتون و بونه‌ مه‌سره‌ف کار، یا خود گیانیان له ده‎ست داوه‌. ئه‌م به ناو دێموکراسی خوازه لیبراله پان ئێرانیستانه و رژیمه‌که‌یان کام رێگا حه‌ل و ده‌رمانی رزگاری له‌م نه‌هامه‌تی و سته‌مانه‌ که هه‌ر ئه‌وان و چینی بالا ده‌ست و زۆرداری حاکم  به سه‌ریدا سه‌پاندون، بۆ دۆزیونه‌ته‌وه‌؟


شتێکی‎تریش جودا له ناوه‌روک و سیاسه‌تی پشت وتاره‌که‌ی محمد هاشمی که ئاسو سالحی وه هه‌یه‌جان و په‌له‌ی خسه‌رتوه، خودی نوسه‌ره‌که‌ و گه‌رایش و جێگاو شوێنیه‌تی.  نوسینی "دۆستێکی ئازیزی "ذیموکراسی خوازی" ته‎حکیم وه‌حده‌تیه‌!؟ پرسیار ئه‌وه‌یه‌ که‌ : ده‌بی کا ئاسۆ، یه‌که‌م جاری بێت که نوسینی له‎م چه‌شنه‌ ده‌بینێت یا خود وای حه‌ز لێیه‌ هه‌ل بره‌خسێنیت بۆ به‌یان و باسی موردی نه‌زه‌ری خۆی و له‌ ژێر تایدی نامه‌ی "دوسته‌ عزیزه‌که‌ی"، به‌ یاره‌کی خۆی هه‌ل بلێت؟  بێ شک  ئاسۆ سالح پێی خۆش بێت یا نا، ئه‌و وتاره‌ی ئه‌و له پشتیوانی رێچکه‌ و فازێک که هاشمی له سه‌ری ده‌روات، نه ته‌نیا شاکار و که‌شف نیه‌، به‌لکو پێش ئه‌وه‌ی له خزمه‌ت به‌رژه‌وه‌ندی کومه‌لانی سته‌م دیتوی کوردستان دابێت و یارمه‌تی ده‌ری پێک هێنانی که‌ش و هه‌وایه‌کی روون و واقیع بینانه له مه‌ر کێشه‎ی خه‌لکی کورد وه هه‌ر وه‌ها سیاسه‌ته خه‌سمانه‌کانی رژیم و سیستمی‌ زال له ئێران دابێ وه په‌نجه‌ره‌یه‌ک بۆ دیالوگی سالم و جدی له سه‌ر ماف و خواسته‌کانی خه‌لکی کوردستان بکاته‌وه‌، له به‎رژه‌وه‌ندی سیاست و ستراتژیه‌ک دایه‌ که هیچ کات له چاره‌ سه‌ری گرفتی خه‎لکی کوردستان راست گۆ و جیدی نه‌بوه‌ و ناش بێت و جگه‌ له‌ هه‌ڵخه‌ڵه‌تاندن و هه‌‎ڵداشتن چی باشی پێنیه‌.
 به هزاران ئینسانی یه‌کسانی خواز و ئازادی خواز، به ده‌یان جار بێ وچان پشت گیران له موبارزات و تێکۆشانی بزوتنه‌وه‌ی شورشگێرانه‌ کوردستان بۆ به ده‌ست هێنانی مافه ره‌وا و ئینسانیه‌کانیان و له‌ پشتی خواسته کانی خه‌لکی کورد راوه‌ستاون تا حه‌دی جودای، به لام بۆ ئه‌وان نابێنێت!؟ به‌ره‌ی دانیشجوانی چپ و یه‌کسانی خوازی دانش‎گاکانی سه&z

Previous
Next
This site is registered on wpml.org as a development site.