Skip to Content

Monday, May 20th, 2024
بۆ هه‌ڵچونی شه‌وێكم! …. گۆران ڕه‌ئوف

بۆ هه‌ڵچونی شه‌وێكم! …. گۆران ڕه‌ئوف

Closed
by January 20, 2012 هۆنراوە

ئه‌مڕۆ زنجیری قه‌مسه‌ڵه‌كه‌م خراپبوو!
هه‌ر ئه‌و ڕۆژه‌ كچێك بووه‌ ئاشنام!

… من له‌تاو درۆكانی ئه‌و كچه‌
فریانه‌كه‌وتم غه‌مێك بۆ
زنجیری قه‌مسه‌ڵه‌كه‌م بخۆم!

ڕۆژانێكی دواتر..
ڕۆژێك
ناخودئاگایانه‌ ڕۆیشتمه‌
لای پینه‌چییه‌كی پیر و
زنجیری قه‌مسه‌ڵه‌كه‌م چاككرده‌وه‌!
شه‌وی هه‌مان ڕۆژ
ئیدی له‌درۆی كچه‌كه‌ ڕزگارمبوو..

چ ڕێكه‌وتێكی سه‌یره‌ ژیان!
چ درۆیه‌كی گه‌وره‌یه‌
مه‌ستبوون له‌باوه‌شی ژندا!
چ گه‌مژانه‌یه‌
كه‌سانێكمان خۆشبووێت
هێنده‌ی زنجیری قه‌مسه‌ڵه‌یه‌ك
كاریگه‌ربن

Previous
Next
This site is registered on wpml.org as a development site.