Skip to Content

Thursday, March 28th, 2024
جاڵجاڵۆکه … به‌ندی عه‌لی

جاڵجاڵۆکه … به‌ندی عه‌لی

Closed
by March 16, 2012 هۆنراوە

ئه‌مڕۆ .. ژیان
به‌ده‌ستێ گوڵم پێ ئه‌دات
گوڵێ له‌نایلۆنی ڕه‌ق و
ڕه‌نگی زه‌ق و
بێ ڕه‌ونه‌ق و بۆن و به‌رام
هه‌ر ئه‌وه‌نده‌ی گه‌ییشته‌ مه‌رام
ئیتر ده‌سته‌کانی تری ئه‌خاته‌ کار
یه‌کێ بۆ نێو توره‌که‌که‌ی به‌ر باخه‌ڵم
نوقڵه سوێره‌کانم ئه‌دزێ و
یه‌کێ بۆ ڕاکێشانی گوێم
یه‌کێ بۆ به‌ر هه‌ردوو چاوم
 هه‌تا چیتر خه‌و نه‌بینم
به‌بارانی ئومێده‌وه‌ 
یه‌کێ بۆ ژێر سێوی قوڕگی
له‌خومی خه‌ما خنکاوم
یه‌کێ بۆ ژێر پشتوێنه‌که‌م
یه‌کێ به‌ر له‌خه‌ڵوه‌تی خه‌و
بۆ پشکنینی شوێنه‌که‌م
یه‌کێکی تر بۆ وه‌رینی
ده‌نکه‌کانی هه‌ناره‌ پیره‌که‌ی دڵم
ئاخر گوڵم
له‌م عه‌یامه‌ میهره‌بانه‌ی
فریشته‌کانی ئاسمانا
ژیان له‌جاڵجاڵۆکه‌ ئه‌چێ

Previous
Next
This site is registered on wpml.org as a development site.