یهکهم دیدار
بهندی عهلی…..
کهتۆ هاتی
جاڵجاڵۆکه لیکنهکانی نههامهتی
بست بهبستی سوچ و پایهو
ڕایهڵ و دیوارهکانی
ئهم دڵهی ، بهتۆڕی غوربهت
لێ تهنی بووم
وهلێ .. ئهی تاڤگهکهی روحم
یهکهم چرپهی نیانی تۆ
لهچاو تروکاندنێکا
لهنێوانی ههناسه ههڵکێشانێک و
دانهوهی دا
نهک ههر دڵم
دانه دانهی گهردیلهکانی جهستهمی
گوڵاو پرژێنی ماچێکی ئهبهدی کرد
ئهتووت کۆرپهیهکی تازه لهدایک بووی
ڕووت و قووتم
پڕ بهگهرووی کپ کراوم ، قریشکاندم
نهم ئهزانی
گریه بکهم بهگۆرانی ، یان پێکهنین
نهم ئهزانی
تاوی ئهسپهشێی دڵم بهم
بۆ غاری پێدهشتی ئومێد
یاخو ناخم .. پیری موغان
لهسوچێکی مهیخانهدا
ههڵبکوڕمێ ، مات و سهنگین
کهتۆ هاتی ..
زهمهن لای من بێ بهها بوو
خهزان هاوینی ڕاو ئهناو
هاوین ، بههار
ڕۆژهکانم ڕهدوکهوتووی سهرابێ بوون
سرک و یاخی و
بێ شهرم و عار
مانگهکانم لهئاسمانی خهیاڵیش دا
چهن ههسارێکی بێ ئۆقرهی
بزێو و هار
ساڵه ڕیش چهرمووهکانیشم
چرایهکی زهرد ههڵگهڕاوی ژێر دهوار
وهلێ ئهی فریشتهکهی نهجات
کهتۆ هاتی
بیابانی ووشکی عومرم
سهرتاسهری بوو بهگوڵزار
فلیمی تراژیدیای خهمیش
خهمی مردوویهکی زیندوو
کۆتایی هات
