خاتوو ئهلیعازهر* سیلڤیا پلات
دووباره دهستم بۆ ئهو كاره برد
ههموو ده ساڵ جارێك
ئهم كاره دهكهم.
پهرجووی بزۆك،
پێستم وهك تهیبڵلامپی نازییهكان درهوشاوهیه و
قاچی راستم
قورساییهك كه دهخرێته سهر كاغهز.
رووخسارم، بێ سیما
كهتانی ناسكی جوولهكان.
ئهی دوژمن
دهسڕهكه له دهموچاوم كهوه.
ئایا ترسناكم؟
لووت، قوڵكهی چاوهكان
ریزی تهواوی ددانهكان؟
تامی ترشی زار
به رۆژێك له ناو دهچێ.
زۆر زوو ئهو گۆشتانهی گۆڕ ڕزاندبووی
دووباره دهڕوێنهوه
منیش دهبمه ژنێكی رووخۆش.
من تهنها سی ساڵم و
وهك پشیله حهوت رۆحم ههیه.
ئهمه كهڕهتی سێیهمه.
چ نهگبهتییهك
ههموو ده ساڵ جارێك مردن.
ملیۆنان دهمار و پێ.
برادهران گوڵهبهڕۆژه دهخۆن و هێرش دههێنن
تابزانن چۆن دهست و قاچی من رووت دهكهنهوه
سترێپتیزێكی مهزن.
پیاوان و ژنان
ئهم دهستانهی من و
ئهم ئهژنۆیانهم.
رهنگه دووچڵ ئێسك و پێستێك پتر نهبم
بهڵام ههمان ژنم، ههمان
یهكهمین جار كه روویدا تهمهنم ده ساڵ بوو.
رووداوێك پتر نهبوو.
جاری دووهم دهمویست كارهكه تهواو بكهم
وهك گوێچكه ماسییهك
دهرگام لهسهر خۆم داخست
ئهوان ناچار بوون له دهرگا بدهن، له دهرگا بدهن و
كرمهكان وهك مرواری لینج له من دهربهێنن
مردنیش وهك ههر شتێكی دی هونهرێكه
من ئهم هونهره زۆر باش دهزانم.
دۆزهخ ئاسا ئهم كاره دهكهم
جۆرێك دهیكهم راستهقینه دێته بهرچاو.
به جۆرێك پێتوابێ له غهیبهوه بانگێك دهگاته من
دهتوانی له زیندانی تاكهكهسیدا زۆر ئاسان ئهم كاره بكهیت
ئاسان دهتوانی ئهم كاره بكهیت و له ههمان جێ وهمێنی
ئهمه كارێكه نمایشی
كه به رۆژی رووناك بگهڕێیتهوه
بگهڕێیتهوه ههمان جێ
به ههمان رووخسار
به ههمان هاواری ساختهچییانهی كێوی:
پهرجووه!
ئهمه ههمان هاوارێكه دهمهێنێتهوه هۆش.
دهبێت پاره بدهیت بۆ بینینی زامهكانم
دهبێت بۆ ژنهوتنی دهنگی دڵم پاره بدهیت
بهڕاست خهریكه دڵم لێدهدات.
بۆ بیستنی وشهیهك، دهست لێدان، دڵۆپه خوێنێك
تاڵه موویهك، یا تیتۆڵه جلێكی من
دهبێت پاره بدهیت، پارهیهكی زۆر بدهیت.
باشه، باشه، جهنابی دكتۆر
جهنابی دوژمن
من ههموو سهرمایهی ئێوهم
مناڵێك له زێڕی خاڵس
كه له كڕوزانهوهیهكدا دهتوێمهوه.
دهسووڕێم و دهسووتێم.
پێتوانهبێ وریاییه زۆرهكهی تۆ كهم دهگرم.
خۆڵهمێش، خۆڵهمێش
خۆتان تێكی بدهن و بگهڕێن
گۆشت، ئێسك، هیچ شتێك لێره نییه-
سهلكێك سابوون
ئهڵقهیهكی هاوسهرگیری
ددانێكی زێڕ
جهنابی رهحمان و
جهنابی شهیتان
بزانیت و وریا بیت
بزانیت و وریا بیت
له ناخی خۆڵهمێشهوه
به قژی سوورهوه دهردهكهوم و
وهك ههوا پیاوهكان ههڵدهلووشم.
* ئهلیعازهر ئهو كهسهیه كه له دوای چهند رۆژ مردن مهسیح زیندووی كردهوه و له ئینجیلی یوحهنادا ئاماژهی پێكراوه.
سیلڤیا پلات به خاتوون ناوی دهبا!
سهرچاوه
ارغنون
14
چاپن سوم
تهران1390
ئهم شیعره له فارسییهوه وهرگێڕدراوهو لهگهڵ مهتنه ئینگلیزییهكهیش بهراورد كراوه. سوپاس بۆ هاورێم فاتیح سهعیدی مهتنه ئینگلیزییهكهی بۆ ناردم.
http://allpoetry.com/poem/8498497-Lady_Lazarus-by-Sylvia_Plath
ئاوێنه
سلڤیا پلات
بۆ فارسی: زیاو مۆحهد
له فارسییهوه: جهبار سابیر
ورد و زیویم، بێ هیچ نهخشێكی پێشین
ههرچی دهبینم یهكسهر قووتی دهدهم
بهو جۆرهی ههیه، پیس نهبوو به ئهوین یا نهفرهت.
بێ بهزهیی نیم، تهنها راستگۆم
دووو چاوی خودایی چكۆله، چوارگۆشه.
زۆر بیر له دیواری بهرامبهرم دهكهمهوه.
پهمهیی و پهڵهدار
ئهوهنده سهیرم كردووه پێموایه
پارچهیهكه له دڵم
بهڵام دێت و دهڕوا
دهموچاوهكان و تاریكایی چهندین جار لێكمان ههڵدهبڕێ.
ئێستا دهریاچهم و ژنێك به سهرمدا نهویوهتهوه،
بۆ ناسینی خۆی ئازای ئهندامم دهگهڕێ
ئهوسا دهگهڕێتهوه بۆ مۆم یا مانگ، ئهو درۆزنانه.
پشتی دهبینم و بهو جۆرهی ههیه پهرچی دهكهمهوه.
ژنه به فرمێسك و راوهشانی دهست پاداشتم دهداتهوه.
بایهخم ههیه بۆی. دێت و دهڕوا.
ئهمه دهموچاوی ئهوه ههموو بهیانیانێك جێگهی تاریكی دهگرێتهوه.
كچێكی له مندا نووقم كردووه.
له منیشدا ژنێكی به تهمهن ههموو رۆژێك وهك ماسییهكی ترسناك
بۆ گهڕان به شوێن ئهودا، راست دهبێتهوه.
ئهم وهرگێڕانه لهگهڵ تێكسته ئهسڵییهكهیش، واتا ئینگلیزییهكهیش بهراورد كراوهتهوه.
سهرچاوه:
ارغنون
14، درباره شعر، چاپ سوم
بهار 1390.
http://poem-of-the-week.blogspot.com/2009/04/mirror-by-sylvia-plath.html
