Skip to Content

Thursday, March 28th, 2024
سه‌ردان … به‌ندی عه‌لی

سه‌ردان … به‌ندی عه‌لی

Closed
by March 5, 2013 هۆنراوە

 

 

 

 

له‌چاوه‌ڕوانیتا ڕووام

گه‌ڵاکانی دییه‌م سه‌وزو شکۆفه‌م گرت

هه‌ر نه‌هاتی

لقوپۆپی هه‌ردوو ده‌ستم کرده‌ ئاسمان

بۆ نزایه‌ک

قه‌دی پشتم بوو به‌گۆچان

هه‌ر نه‌هاتی

له‌جه‌نگی باڕه‌شی عومرا که‌نه‌فت و

ئوفتاده‌ته‌ن بووم

هه‌ڵوه‌ریم و بووم به‌ده‌روێشێکی خه‌زان

هه‌ر نه‌هاتی

هه‌ناری خۆزگه‌م ووشک بوو

لیمۆی ڕازم ، چرچ و گوشراو

ترێ ڕه‌شکه‌ی نیگاکانم بوون به‌مێووژ

دڵم ، به‌قه‌ڵایه‌کی روخاو

هه‌ر نه‌هاتی

 زۆر ئه‌ترسم ئه‌وکاته‌ بێی

جه‌سته‌م قه‌فه‌زێکه‌ ، چۆڵ و

ساردو ته‌زیو

په‌ڕه‌نده‌ی ڕوحی ڕه‌وانیش

تازه‌ .. فڕیو

 

 

Previous
Next
This site is registered on wpml.org as a development site.