بێ تەربێتى … نەوزاد بەندى
-1-
باسى ئەوەیان ئەکرد نە شوتى بۆنى جارانى ماوە ،
نە کاڵەک
نە فاسۆلیا
نە خەیار ..
ئەم ویستى شتێ بڵێ ..نەیوت ..
وتیان : شتێکت پێیە بیڵێ ..
وتى : ئەى بۆچى باسى تڕ ناکەن ؟
جاران تڕێکت لێ بایە ،
لە هەورەبانەکەوە هاواریان ئەکرد :
ئەو کیمیاوییە کێ بەرى دایەوە ؟؟
ئێستا لە تەنیشتما بە ئارەزووى خۆى لێى دە ،
حاشا ! بۆن مەعناى نایەت .. !
( سەردەمى ئینقیرازى بۆن و تام و زەوقە )
-2-
بە دایک و باوکى وت :
خۆزگە ئەو شەوە ،
ئەو تاکەتان نەکردایە ..
تۆزێ دواتان بخستایە ..
بەڵکو لە جیاتى من ،
گریندایزەرێکى تر لە دایک بووایە ..
(گەلێ لەم حاڵە بێزارم … ! )
-4-
کوڕى ئەعیانێکى شار ،
باڵا : تاکو بڵێى بەرز ..
(خوشکى خۆى حەیرانى ئەبێ )
بڕوانامە: تاکو بڵێى پان ..
ژن تا بڵێى جوان ..
(براى خۆى حەیرانى ئەبێ )
( لە خەستەخانە و
لە کاتى ئێشکگرتن ..
لەگەڵ یاوەرى نەخۆشێکا ڕێک ئەکەوێ ..
کە دەست ئەکا بە بەڕکیا ،
کاندۆمى پێ نەماوە ..
ئیتر چار نا چار ،
باڵا بەرزەى دەسکێشێکى پزیشکى ئەبڕێت و
ئەو ئەرکە نیشتمانییەى پێ بەڕێدەکات .. )
-5-
دادوەرێ
دەرپێى سەرخەرمانى هێنا بووە خوار ،
وەک پەڕە شوتێکى سپى و ناو زەرد ،
لەسەر گۆرەویە ئاوریشمیەکانى نیشتبۆوە ..
چوکى دەرهێنا بوو ،
ئاڕاستەى وێبکامەکەى ئەکرد ،
نازانم بە تەما بوو ،
چ کۆمارێکى مێینە ،
دوور بە دوور موشەکباران بکا ؟؟
(مەزانو .. ! ) *
* مەزانو : بە زارى هەورامى واتا : نازانم ..