قوتابخانه‌ی سوركێو … عه‌لی حه‌مه‌ڕه‌شید به‌رزنجی

ئێمه‌ی مـــنداڵ قوتابین

له‌ قوتابخانه‌ی سوركێو

ژیر و چـــــالاك و وریا

جوان و خه‌نده‌ له‌سه‌ر لێو

**************

هه‌موو هاتووین بۆ خوێندن

دڵ پڕ ئاوات و خۆزگـــه‌ین

تێده‌كۆشـــــین به‌رده‌وام

تا به‌ جوانی پێ بگـــه‌ین

***********

رێزی مامۆســــتاكانمان

ده‌خه‌ینه‌ سه‌ر چــاوانمان

چونكه‌ دڵســـــۆزی ئێمه‌ن

وه‌كـــــو دایه‌ و بابه‌ وان

*************

كۆشـــــــش و خوێندنه‌وه‌

دوو كـــــاری خۆشه‌ویسـتن

گــــــــرنگیان پێ‌ ده‌ده‌ین

بۆ پاشــــــه‌رۆژ پێویستن

*************

له‌ ژێر ئاڵای شـــــه‌كاوه‌ و

شــــــــكۆ داری كوردستان

ســــــروود و گۆرانی خۆش

ده‌ڵێینه‌وه‌ بێ‌ وه‌ســــــتان

**********

قوتابیانی قوتابخانه‌ی سوركێو