Skip to Content

Thursday, January 27th, 2022

گه‌ر هه‌ندێ شیرینیمان بدایه‌ به‌ به‌خت !

Closed
by October 2, 2013 ئەدەب

 

 

 

 

 

ژوورێكی گه‌ردونی 

بیرته‌ له‌سه‌ر شاشه‌یه‌كی 3D خه‌ریك بوو له‌ ده‌ریایه‌كدا بخنكێین و 

به‌ قودره‌تی خودایی رزگارمان بوو ! 

بیرته‌ له‌ ماڵێكی گه‌ردوونی ده‌ركراین 

له‌به‌ر ئه‌وه‌ی كرێی ژووری ده‌مه‌ته‌قێمان نه‌دابوو !

بیرته‌ راناوی نادیارو به‌رامبه‌رمان 

له‌ژێر پێی هاتوچۆكه‌راندا بینی !

بیرته‌ ئه‌و بزماره‌ی شه‌ڕ و نا ئومێدی 

و یانزه‌ كوده‌تامان له‌سه‌ر دیواری فه‌یس بووك 

پیا هه‌ڵواسی !

بیرته‌ كاتێ ( كوسه‌یر ) چاوی تێبڕیم و ( عه‌زه‌ )

غیره‌ی كردو تۆش ساڵه‌ها لێم توڕه‌ بووی !

بیرته‌ خه‌ونه‌كانمان تووشی شێرپه‌نجه‌ی سیی

درێژخایه‌ن بوون ، 

چونكه‌ تۆ جگه‌ره‌ی هه‌رزانت ده‌كێشا !

 

 

ماچ 

بازنه‌ زیوینه‌كه‌م خشه‌ خشێكی ساخته‌ی هه‌یه‌ 

مه‌رگ له‌ گه‌ڕه‌كدا ده‌سوڕێته‌وه‌ .

به‌قه‌ده‌ر مه‌شغه‌ڵه‌تی مێشكت به‌ دوگمه‌كانمه‌وه‌ 

خۆشم ده‌وێ .

خۆشه‌ویستم په‌له‌ بكه‌ 

به‌ هێواشی ده‌مم قووت بده‌ 

پێش ئه‌وه‌ی ئاژاوه‌ بمدۆزێته‌وه‌ .

 

پرسیار 

چێ ده‌بێ گه‌ر ئێمه‌ ره‌نگمان شین بێ 

باڵنده‌ به‌ ئاسمانمان بزانن 

چی ده‌بێ گه‌ر هه‌ندێ شیرینیمان 

به‌ به‌خت بدایه‌ و رۆژێك بۆمان پێ بكه‌نێ .

چی ده‌بێ گه‌ر تاكه‌ بژێرمان 

ده‌رگایه‌كی داخراو بێ . 

 

 

 

شه‌وق 

بێ ئه‌وه‌ی شه‌وق هۆكارێكی لۆجیكی هه‌بێ 

دارستانێك ( سه‌رو )ی سه‌وز له‌سه‌ر سنگم  ده‌ڕوێ

بولبولێك له‌سه‌ری ده‌خوێنێ 

 

جه‌سته‌ 

جه‌سته‌ چییه‌ ..؟ 

داڕشتنێكی داهێنراوی په‌ڵكه‌ زێرینه‌یه‌ !

رێگایه‌كی پڕ سودفه‌یه‌ 

یان هونراوه‌یه‌كی ره‌نگاو ره‌نگه‌ !

جه‌سته‌ چییه‌ ؟

ده‌نكه‌ بوندقێكی وردكراوی سه‌ر زمانه‌ 

یا دۆڕانی په‌رش بووی نێوان دوو عاشقه‌ 

یا منم ،كاتێ هه‌موو به‌یانیه‌ك

 له‌ ژێر سه‌رینه‌كه‌ته‌وه‌ 

ده‌رده‌كه‌وم ! 

 

 

 

          ته‌هانی فه‌جر 

وه‌رگێڕانی له‌ عه‌ره‌بییه‌وه‌ : ته‌یب جه‌بار 

…………………………………………..

ته‌هانی فه‌جر : ژنه‌ شاعیرێك و ره‌خنه‌گرێكی كوێتیه‌ ، ئه‌م كتێبانه‌ی چاپ و بڵاو كردۆته‌وه‌ :

وگن هه أكاد أن أچحك / شعر / دار الغاوون – بیروت – 2010 .

بلند الحیدری و الریاده‌ المفقوده‌ / دراسه‌ /دار الغاوون – بیروت -2012 .

Previous
Next