هایكۆكانى قوباد

  
                 
  
    (( بەشى یەكەم ))
 
 
            1
           مەمك ،
          لانەیەكە پڕە لە كۆتر !
 
   2
  مەمك ،
  گەورەو بچووك
  بەیەكەوە ژیر دەكاتەوە !
 
  3
   مەمك ،
   داستانێكە
  پاڵەوانەكانى كۆرپەن !
 
  4
  مەمك نەبوایە ،
  دەمیش نەدەبوو !
 
  5
  لە هەر ماڵێكدا مەمك نەبوو ،
  نارنجۆك هەیە !
 
  6
  مەمك ،
  یەكەم كێڵگەو
  دووا كێڵگەى
   گوڵە گەنمە !
 
  7
  مەمك ،
  دایكى لێوە !
 
  8
  مەمك ،
  هێشووە ترێ یەكە
  لە ئارامى !
 
  9
  گۆ ، قفلى مەمكە  ..
  كلیلەكەى  لێوە !
 
  10
  مەمك ،
  خوشكى لۆكەو
  كچەزاى هەناروو
  ئامۆزاى ئاگردانە !
 
  11
  بۆ سەر سینگى ژن
  دوو مەمك
  بەس نی یە !!!
 
  12
  ساواكان،
  لەبن گومبەتى مەمكدا ،
  نوێژ دەكەن !
 
  13
  ستیانێك بە تەنافەوە :
  موژدەى دوو مەمكى ئازاد !
 
  14
  ستیانێك بە تەنافەوە :
  دلۆپ
  دلۆپ
  بۆ مەمك دەگرى !
 
  15
  ستیانێك بە تەنافەوە :
  كۆرپەیەكى لە قەنارە دراوە !
 
  16
  ستیانێك بە تەنافەوە :
  چاوەرێى پەنجەى كچێكە ،
  گەردنى بكاتەوە لە پەت !
 
  17
  ستیانێك بە تەنافەوە :
  شنە دەیلاوێنێ …
  هەتاو ، جىَ دەنووكى مەمك ،
  پڕ دەكاتەوە لە رووناكى !
 
  18
  ستیانێك بە تەنافەوە :
  _ با _ بمبات ،
  سوێم دەبێتەوە بۆ مەمك !!
 
  19
  ستیانێك بە تەنافەوە :
  كۆترێكى باڵشكاوە ،
  بە لقە درەختى پایزەوە !
 
 
  20
  ستیانێك بە تەنافەوە :
  قەسیدەكانى مەمك ،
  بۆ – با –
  دەخوێنێتەوە !