چوار دیوار….. ئاوێزان نورى

 چوار دیوار….. ئاوێزان نورى
                                                                                     
 چوار دیوار
 تەماشام كوێر دەكاتەوە
 تا لەپشت پەنجەرەكانەوە نەبینم
 چوار دیوار
 چۆكەكانم دێنێتە لەرزە
 تا هیچ هەنگاوێك نەنێم
 چوار دیوار
 دەستەكانم كورت دەكاتەوە
 تا نەتوانم ئەستێرەكان دابگرم
 ئەسەف كە كەس ناتوانىَ
 حەرفەكانى ئەم چوار دیوارە بڕوخێنىَ
 ئەسەف كەس جورئەت ناكا
 نوسینەكانى سەر ئەم چوار دیوارە بسڕێتەوە
 
 ئاوێزان نورى
 Awezan_n@yahoo.com
 
 تەموزى 2007