ئازار

هۆنراوەی : فەرەیدون موشیری…
وەرگێڕانی: د. ناێح قەرەداخی…
 
 نازانم و
  -ئەمەش مایەی ئەشكەنجەیەكی سەختمە-
 كە بۆ مرۆڤ، ئەم دانایە،
    پەیامبەرە
 لە هەوڵیدا:
  -كە لەرادەی موعجیزەشی رەت كردووە-
 كەچی پەیی بە موعجیزەی خۆشەویستی نەبردووە،
       لەبەر چییە؟
 ***
 لەبەر چییە
 كە هێشتاكە
 میهرەبانیی نەناسیوە؟
 وە نازانێ لەتوێی زەردەخەنەیەكدا
 چ شتگەلی سەرسورَهێنەر شاراوەیە!
 ***
 من لام وایە، لەم دنیایە
 چاك بوون –بە خوا- لە گشت شتێ ئاسانترە
 وە ناشزانم،
  بۆچی مرۆڤ، 
   بەم رادەیە
    لەگەلأ چاكی
     بێگانەیە.
 ئەمەش مایەی ئەشكەنجەیەكی سەختمە!
 *****