Skip to Content

Wednesday, October 21st, 2020

دڵێك له‌ قورقشم ….بێستوون مینه‌

Be First!
by January 6, 2013 هۆنراوە

 

 

من  شه‌وان خه‌ون به‌ دوو باڵه‌وه‌ ده‌بینم 

كاتێك خه‌به‌رم ده‌بێته‌وه‌ قاچه‌كانم دزراون

من خه‌ون به‌ به‌كچێكه‌وه‌ ده‌بینم 

به‌یانی سه‌رم له‌لاشه‌م كراوه‌ته‌وه‌ بردراوه‌ فڕێدراوه‌ 

خه‌ون به‌كتێبه‌وه‌ ده‌بینم كه‌خه‌به‌رم ده‌بێته‌وه‌

زمانم 

بمبورن ناتوانم 

زمانم 

 

خه‌ون به‌كۆشكێكی ڕه‌نگین وه‌ ده‌بینم 

كه‌خه‌به‌رم ده‌بێته‌وه‌ كه‌لاوه‌كه‌یان  به‌سه‌رداڕووخاندووم.

خه‌ون به‌باخچه‌یه‌كه‌وه‌ ده‌بینم،

 داره‌كه‌ی پێش ده‌ركه‌مان شه‌قاڵا شه‌قاڵا.

خه‌ونم به‌خه‌ونه‌وه‌ بینی 

كه‌خه‌به‌رم بۆوه‌ هیچ خه‌ونم نه‌بینیبوو.

 

دكتۆر پێم ده‌ڵێَ پێویسته‌ پشووبده‌ی 

 پێویسته‌ زۆر سه‌یری ڕووناكی نه‌كه‌یت 

چاوه‌كانت له‌ده‌ست ده‌ده‌ی. 

ئای دكتۆر گیان تۆش

 تۆش ئاراسته‌مان ده‌كه‌یت بۆ تاریكی! 

 

دكتۆر دڵێكی قورقوشمم بۆدانێ دڵێكی ئاسنم بۆدانی 

مس بێ  گرنگ 

گرنگ…بتوانم عاشقبم 

عاشقی  ئۆتۆمبێل وئاسن و

ته‌لی كاره‌باشبم.

 دكتۆر پێمده‌ڵێت پێویسته‌ چیتر خه‌ون نه‌بینی

 چیتر خه‌ون به‌ باڵا.

 به‌كچ. 

به‌كتێب.

 به‌كۆشك.

 به‌باغ ….نه‌بینی.

 

دكتۆر من له‌وه‌ته‌ی هه‌م 

خه‌ون به‌دووقاچمه‌وه‌ ده‌بینم 

خه‌ون به‌ سه‌ری دزراوم ده‌بینم 

خه‌ون به‌ زمانمه‌وه‌ ده‌بینم 

خه‌ون به‌داره‌كه‌ی به‌رماڵمانه‌وه‌ ده‌بینم 

خه‌ون به‌كه‌لاوه‌ داڕووخاوه‌كه‌مه‌وه‌ ده‌بینم 

 

دكتۆر دڵێكی قورقشمم بۆدانێ ئاسن خۆڵا  به‌ردِ …… 

 

بێستوون مینه‌ 2012  

 

 

 

 

 

 

 

Previous
Next

Leave a Reply