Skip to Content

Thursday, November 26th, 2020

هه‌رێمێک له‌ نامۆبون……کوێسستان عومه‌ر زاده‌‌

Comments
by July 17, 2009 هۆنراوە

 

 

له‌م هه‌رێمه‌
جگه‌له‌ سڕینه‌وه‌ی
نیگا پر شه‌رمنه‌کانی ژیان
ڕه‌نگێ نیه‌ به‌لامدا تێپه‌ڕێ
به‌په‌یژه‌ی ته‌مه‌نما سه‌رکه‌وێ و
تاڵ تاڵ قژه‌ کانم کۆ کاته‌وه‌
هه‌ر چی هه‌یه‌ شه‌ڵاڵی نامۆبونه‌
من
له‌نێو گێڕانه‌وه‌ی  چیرۆکه‌کانی ته‌نیایی
بۆ ته‌نیایی بون ده‌مرم
وه‌خته‌ سوێم بێته‌وه‌
بۆ ده‌ستێکی پڕ له‌ هه‌ڵمی هه‌تاو
ده‌گه‌ڕێم
خامه‌یه‌ک بم نوسێته‌وه‌
ده گه‌ڕێم
بۆ دڵۆپه‌ نه‌رمه‌کانی باران
بۆ میهره‌بانی فریشته‌کان
له‌ نێو ئێواره‌یه‌کی
ماتو پیردا
ده‌گه‌ڕێم
خۆم  به‌  هه‌ناسه‌ی
ئه‌و فێنک ده‌که‌وه‌مه‌ ‌
کچێنی به‌یان
به‌ قه‌ده‌رێک ده‌سپێرم
له‌و قه‌ده‌رانه‌ی
منیان ،  له‌ غه‌ریبیدا
ون کرد ، دڵمیان
به‌ نیگای خه‌یاڵه‌کانه‌وه‌
سڕکرد.
لێره‌ له‌ ‌هه‌رێمی نامۆ بون
من خۆم نیم ،
پیا سه‌یه‌کی مه‌ستانه‌ی 
ژن بون  نه‌بێ
نه‌ سروه‌  دڵم ده‌لاوێنێ

نه‌ خۆشه‌وسیتی
بۆ ته‌نیایی
به‌رده‌وام
له‌ودیوو په‌نجه‌ره‌کانه‌وه‌‌
ده‌سته‌کام ده‌گوشئ
چ گوناهین ئێمه‌
له‌م هه‌رێمه‌ له‌م هه‌رێمه‌‌

کوێسستان عومه‌ر زاده‌‌

 

 

Previous
Next

Leave a Reply