Skip to Content

Saturday, September 26th, 2020

گه‌نده‌ڵی … به‌ندی عه‌لی

Be First!
by February 8, 2008 ئەدەب

زه‌رده‌په‌ڕیان .. له‌ئێواره‌ دزیوه‌
له‌به‌ربه‌یان ، نیگای کاڵی مناڵیی
 
له‌ئاوێنه‌ی کانیا ، ڕووخساری مانگ
له‌سروه‌ی سه‌رفرازی ، هه‌ردوو باڵی
 
له‌ئه‌ستێره‌ ، شکۆداریی مه‌نزڵی
له‌ڕێژنه‌ بارانی به‌هار ، خه‌یاڵی
 
له‌گوڵ ، بۆن و به‌رامی سنگ و مه‌مکی
له‌کوڵمی خۆشه‌ویستی ، ڕه‌نگی ئاڵی
 
سه‌مای سه‌ربڵندی شه‌پۆل ، له‌ده‌ریا
له‌کۆرپه‌له‌ی بزه‌ی لێو ، گڕوگاڵی
 
له‌چه‌م هاژه‌ی یاخی بوون و له‌مێژوو
ترپه‌ی دڵی ڕۆژگارو مانگ و ساڵی
 
که‌فچڕێن و قه‌ڵبه‌زه‌ی ناخ ، له‌تاڤگه‌
له‌گه‌رمه‌سێری ماندوویی ، شه‌ماڵی
 
له‌ئینسانیش ، گوڵاوی روح و گیانی
له‌ژین ، ماناو ڕه‌ونه‌قی چاوکه‌ژاڵی
 
وه‌لێ قه‌رزن ، ئه‌مانه‌ گشتی هه‌تا
دوا خرۆشانی هۆزی هه‌گبه‌ خاڵی
 
که‌جامی دڵ ئیتر لێواو لێو ئه‌بێ
له‌بێ ده‌نگی و له‌ژان و خۆشخه‌یاڵی


 

Previous
Next

Leave a Reply