دیمانەی دەزگای هاوپشتی لەگەڵ عەبدولا مەحمود
دیمانەی دەزگای هاوپشتی لەگەڵ عەبدولا مەحمود سەبارەت بە دەستێوەردان و بۆمبارانی ناوچە سنوریەكانی كوردستان
-هاوپشتی: ساڵانێکه به بیانووی جێگیربوونی چهند هێزێکی بهرههڵستکاری جمهوری ئیسلامی ئێرانو حکومهتی تورکیا، وهکو(پژاک و پهکهکه) له ناوچه سنووریهکانی کوردستانی عێراقی نزیک ئهو دوو ووڵاته، هێزهکانی سوپای ههردوولا لهگهڵ بهزاندنی سنوورهکاندا به هێرشی سهربازی ههواییو زهمینی، بهردهوام بۆمبارانی ناوچه سنوورییهکانی کوردستان ئهکهنو لهمڕۆژانهشدا به شێوهیهکی چڕتر دهستی پێکردۆتهوه. به ڕای بهڕێزتان پاڵنهرو فاکتهرهکانی ئهم دوژمنایهتیو هێرشکارییانه بۆ سهر ژیانو گوزهرانی خهڵکی کوردستان چینو له کوێوه سهرچاوه دهگرن؟
عهبدوڵا مهحمود: بەزاندنی سنورەكان و هێرش و بومبابارانی ناوبەناو یان زۆر جار درێژماوەی هێزەكانی جمهوری ئیسلامی و ڕژێمی توركیا، تەنها گۆشەیەك ولایەنێكی دەستێوەردانی ئەم ڕژێمانەیە لە وەزعی 17 ساڵەی كوردستان و 5 ساڵەی عێراقدا. دەستێوەردان و بۆمبارانی ناوچە سنورییەكان و زۆرجاریش لەشكركێشی درێژەی دستێوەردانێكی هەمەلایەنەترە كە ئەم رژێمانە پەیرەوی دەكەن.
دەستێوەردانی ئەم ڕژێمانە بە كردنەوەی دەیان بنكەو بارەگای جاسوسی كە لەژێرناوی جیاجیادا كراونەتەوە، دەستی پیكردووە. بە تیرۆری سەدان كادرو هەڵسوڕاوی ئۆپۆزیسۆن درێژەی پێدراوە، بە پشتیوانیكردن لە هێزو لایەنە بەكرێگیراوەكانیان بەوپەری خۆی گەیشتووە، لەدریژەی ئەمانەدا و پاشان كێشراوەتە دەستێوەردانی سەربازی و بۆمباباران و…تاد.
سەرەكیترین هۆكارەكانی ئەم دەستێوەردانە ئاشكراو بێپەردەیە، چ بەشێوەی سیاسی و سیخوری و چ بەشێوەی سەربازی و بومباباران و… بریتییە، لە هەڵواسراوی وەزعی سیاسی كوردستان و و كراوەیی ئایندە سیاسیەكەی، و نەبوونی چواچێوەیەكی وڵاتی پێناسەكراوی نێودەولەتی، وەستانەوە لەدژی خواست و ئیرادەی خەڵكی كوردستان بۆ دیاریكردنی ئایندەكەی بەدەستی خۆی، هاوكات فاكتەری وەكو كشانەوەی هێزەكانی ئەمریكا لەعێراق و كێشمەكێشی هەولێرو بەغدا و سەرەكیترین ئەو هۆكارانەن كە وای كردووە هەم جمهوری ئیسلامی ئێران و هەم توركیا، درێژە بە دەستێوەردانی هەمەلایەنەی خۆیان بدەن لە كوردستان. دیارە پژاك و پەكەكەش چ وەكو واقع و چ وەكو بیانوو بۆتە پاساوێكی تر بۆ شێواندنی ڕای گشتی وبۆ رەسمیەت بەخشین بەم دەستێوەردانە.
2-هاوپشتی: ئهگهر چی دهسهڵاتو حکومهتی ههرێم ئۆباڵی دهستدرێژی تورکیا و ئێران بۆ سهر خهڵکی کوردستان ئهخاته ئهستۆی (پهکهکه و پژاک)هوه گوایا بههۆی بوونیان لهسهر سنوورهکانی ئهو دوو وڵاته، بهڵام بێههڵوێستیو بێدهنگهلێکردنی جێگای ناڕهزایهتیو نیگهرانی خهڵکو چاودێرانی سیاسیو ئازادیخوازانهو دوو حیزبی دهسهڵاتداری کوردی ناتوانن ههروا درێژیبێبدهن. ئێوه چۆن ههڵوێستی دهسهڵاتی کوردی لهمبارهوه لێکئهدهنهوه؟
عبداللە مەحمود: بێگومان بوونی پەكەكە و پژاك واقعیەتە، بەڵام بوونی ئەمانە هۆكاری سەرەكی لەشكركێشی دەستێوەرانی هەمەلایەنەی ئەم دەوڵەتانە نییە، لەبەسرەو خواروی عێراق نەپژاك هەیە و نە پەكەكە، بەڵام دەستێوەردانی جمهوری ئیسلامی و بە ئاشكراو بێپەردەیە، یان ئەگەر پەكەكە هیچ كەس و هیچ جموجۆڵێك و چالاكی و بارەگایەكیشی نەبێت لە كوردستان و ناوچە سنوریەكان، دیسان توركیا بە بیانوی كێشەی كەركوك و بوونی توركمان و وەستانەوە بەدژی ریفراندۆم و… و دەست لەدەستێوەردان و ملهوری نواندن هەڵناگرێت، بۆیە پەكەكەو پژاك تەنها پاساوێكن. بە جیا لەوانەش توركیاو ئێران دەیانەوێت نەخشی سیاسی خۆیان لەدوای پاشەكشەی ئەمریكا لە عێراقدا زیاد بكەن، ئەمە جگە لەوەی وەزعی عیراق وكوردستان كراوەتە سەكۆ و كەناڵێك بۆ یەكلاكردنەوەی كێشمەكێشی خۆیان لەگەڵ یەكتری و هاوكات لەگەڵ ئەمریكاش.
هەڵوێستی دەسەلاتی ناسیونالیستی كورد، هەمان هەڵوێستی ڕەسمی توركیایە، هەمان بیانوەكانی ئەم ڕژێمانەیان بەدەستەوە گرتووە، سەیر ئەوەیە خۆیان"پارتی و یەكێتی" بیریان چۆتەوە كە چۆن لە سێگۆشەی عێراق ئیران توركیاوە، چۆن لە ئێران و سنورەكانی توركیاوە هەم بارەگاو هەم جموجۆڵی سەربازیان بووە، تەنانەت خۆیان پێشلەشكریان كردووە بۆ هەردوو ئەم دەولەتانە لەدژی رژێمی بەعس و تەنانەت لەدژی یەكتریش بۆڕاگرتنی باڵانسی هێزیان. كەچی ئێستا هەڵسوڕان و چالاكی بۆ ئۆپۆزیسۆنی ئەم وڵاتانە بە كاری تێكدەرانەو پێشێلكردنی سەروەری و ئەمنی وڵاتی!! دەزانن.
بەم باگراوەندە واقعییەوە، یەكێتی و پارتی لەژێر هەمان ئەو بیانوانەدا ملیان داوە بە هەردوو ڕژێمی توركیاو ئیران كە هاوكاریان بكەن لەسەركوتی ئۆپۆزیسۆنەكانیان، دوا ڕێكەوتننامەشیان مۆڵەتدانە بە كردنەوەی ناوەندێكی هەوڵگری هاوبەشی عێراق و توركیاو ئەمریكا لە هەولێر، كە بێگومان بۆ كاری جاسوسی و بەرگرتنە بە جموجۆل و چالاكیەكانی پەكەكە.
یەكێتی و پارتی و حكومەتەكەشیان بەهەمان شێوە لەبەرامبەر لەشكركێشی و دەستوەردانی هەمەلایەنەی ئەم رژێمانەدا بێدەنگەیان هەڵبژاردووەو تەنانەت هەواڵی بۆردومان و لەشكركێشیەكان بەجۆریك باس دەكەن كە هی وڵاتێكی تر بێت و هیچ پەیوەندی بەدەسەڵاتی ئەوان و خەڵكی كوردستانەوە نەبێت. هەر خودی ئەم بێدەنگییەی دەسەڵاتی كوردی نیشان ئەدات كە ئەم دەستێوەردان و بۆمباران و لەشكركێشیانە بە ئاگاداری دەسەڵاتی كوردی و بەپێی ڕێكەوتنامەیەك دەبرێتە پێشەوە، بۆ حكومەتی عێراقیش بەهەمان شێوەیە، حكومەتی مالكیش لەوبارەیەوە بێدەنگەو پاراستنی سەروەری و سیادەی ئێران و توركیا!! بە نرخی پێشێلكردنی ئێرادەی خەڵكی عێراق و كوردستانەوە، جێبەجێ دەكات!.
3-هاوپشتی: ههرچهند جووڵانهوهی کوردی به سهراحهت ڕایگهیاندووه که لهگهڵ سهربهخۆیی کوردستان نیهو بیریشی لێناکاتهوه، وه به کردهوه کوردستانیان لکاندۆتهوه به عێراقهوه، پێتانوانیه که ئهم هێرشو دهستدرێژیانهی تورکیاو ئێران هاوشانه لهگهڵ مناوهرهو ههوڵهکانی نوری مالکی سهرۆک وهزیرانی عێراق بۆ ملکهچکردنی ناسیونالیزمی کوردی، وه له بنهڕهتدا نیشاندانی سیاسهتی سهرکوتگهرانهی ههرسێ دهوڵهتی فاشیستی تورکیاو ئێرانو عێراق بێت له دژی ئاراسته و خواستی سهربهخۆیی کوردستان؟
عبداللە مەحمود: ڕاستە ئێستا بزوتنەوەی ناسیونالستی كورد لەگەڵ سەربەخۆی كوردستان نییەو تەنانەت لەدژی هەرهەوڵێكی لەوبابەتەدا دەوەستێتەوە، بەڵام هەرگیز ئەمە مانای ئەوە نییە كە ناسیونالیزمی كورد سەربەخۆی پێباش نییە یان نایەوێت دەسەڵاتی بەسەر كوردستانێكی سەربەخۆدا هەبێت. ناسیونالیزمی كورد لە ئێستادا ڕێگای بەشداربوون لە دەسەڵاتی مەكەزی لە بەغدا بە قازانجی بۆرژوازی كورد دەزانێت، بە ڕێگایەكی كارسازترو بێ كێشەتر تەماشای دەكات، بۆیە هەر هەوڵێك بۆ سەربەخۆیی لە ئێستادا بەدژی بەرژەوەندی و دەسەڵاتداریتی خۆی دەزانیت و لەدژی دەوەستێت. دەیان پاساو بۆ ئیمكان نەبوونی جیابونەوەی كوردستان لەعێراق بەدەستەوە دەگرێت لە چەشنی گونجاو نەبوونی ئاراستەی نێودەوڵەتی، ڕێگری وڵاتانی ناوچەكە، ترس لە حكومەتی عێراق، نەبوونی مستەلزەماتی پێكهاتنی دەوڵەت….تاد.
لەشكركێشی و ملهوری نواندنی ئێران و توركیا، لە ئێستاداو لەم هەلومەرجەدا بۆسنورداركردن و پێ لێڕانەكێشانی زیاتری دەسەڵاتی ناسیونالیزمی كوردە، بۆ ئامادەیی نیشاندان بۆ دوای پاشەكشەی هێزەكانی ئەمریكایە، بۆ وەستانەوە بەدژی فدرالیزمی یەكێتی و پارتی و سڕینەوەی یەكجاریەتی، بۆ دواخستنی ریفراندۆمی كەركوك و مادەی 140، بۆ پشیتوانیكردنی لایەنەكانی سەربەخۆیانە، بۆ لاوازكردنی نەخشی ناسیونالیزمی كوردە لە مەكەز، وە بۆترساندنی خەڵكی كوردستان و پێشیلكردنی ئیرادەی سیاسیانە. بێگومان بۆ وەستانەوەشە بە هەر هەوڵێكدا بۆسەربەخۆیی و ڕوبەروبوونەوەی هاتنە مەیدانی هەر بزوتنەوەیەكی جیاخوازو سەربەخۆ خواز. بەداخەوە تا ئێستا جیابونەوەی كوردستان و پێكێهنانی وڵاتێكی سەربەخۆ لە ئاستی بەرزی خواستی خەڵكیدا ماوەتەوە بێئەوەی بووبێتە بزوتنەوەیەك و لەشەقامداو ئاڵای خۆی هەڵگرتبێ، كە بێگومان بوونی بزوتنەوەیەكی لەم بابەتە ئاراستەی ململانێكان و باڵانسی هێزەكان سەرلەنوێ پێناسە دەكاتەوە.
4-هاوپشتی: دهسهڵاتی کوردی بههۆی سیاسهتی چهوتی خۆیهوه بویه قوربانی شکستی سیاسهتو ستراتیژی ئهمریکا له عێراقو ناوچهکهو ڕۆژبهڕۆژ کایهی نفوزو دهسهڵاتی تهسکو تهسکتر دهکرێتهوهو بهداخهوه خهڵکی کوردستان ههمیشه باجی نسکۆی جووڵانهوهی کوردی داوه. ئێوه چۆن دهڕواننه ئایندهی کوردستان لهسایهی دهسهڵاتی پارتی دیموکراتو یهکێتی نیشتمانیدا؟ پێتان وانیه ئهزموونی ئهم حیزبانه تووشی قهیرانی جددی هاتووه؟
عبداللە مەحمود: دەسەڵاتی كوردی بەهۆی سیاسەتی خۆگرێدانەوەی بە ئەمریكاوە بە ئامانجە قەدیمیەكەی خۆی گەیشت كە بەشداربوونە لە دەسەلاتی مەركەزیدا، ئێستا ناسیونالیزمی كورد بەشێكە لەدەسەڵاتی مەركەزی، بێگومان بەهۆی ناكامی و شكست و سەرئەنجام پاشەكشەی ئەمریكا لەعێراقدا ناسیونالیزمی كوردیش سەنگ و سوكی لە دەسەڵاتی مەركەزدا لەدەست دەدات، باڵانسی هێزی دێتە خوارەوەو دەستیشی پێكردووە، ئێستا ناسیونالیزمی كورد بەپێی ئەم ئاڵوگۆڕانەی لە یەك ساڵی رابردودا پێكهاتووە وەزنەی هاتۆتە خوارەوە و لە ژێرگوشارێكی زۆریشدایە بۆ پاشەكشەو دەست هەڵگرتن لەزۆرێك تموحەكانی.
دیارە تا ئەو جێگایەش كە هێزەكانی بزوتنەوەی ناسیونالیستی كورد، توانیویانە خۆیان وەكو نوێنەری خەڵكی كوردستان هەڵبخەن و خواست و دوا ڕەواكانیان بەبارمتە بگرن. بەهەمان ئەندازەش ئەم خەڵكەی كە خۆشباوەر بووە بەسیاسەتی ئەم حزبانە، نسكۆی ئەم حزبانە كاریگەری ڕاستەوخۆی دەبێت لەسەریان، و باجی شكستی ئەم حزبانە بەسەریاندا دەشكێتەوە.
ئایندەی سیاسی كوردستان، لەبەردەم چەندین ئەگەری جۆراوجۆرو، لەبەردەم هەڕەشەو هاوكات لەبەردەم گرتنەبەری ڕێگای جیاوازدایە.
ئێستا لەگەڵ تێكچونی باڵانسی هێزەكان، بە پێی تیكچونی ئیتفاقەكان، بەپێی شكستی فیدارلیزەكردنی عێراق، بەهۆی پاشەكشەی ئەمریكاو شكستەكانیدا، بزوتنەوەی ناسیونالستی كورد، كێرف و وەزنەی سیاسی هاتوتە خوارەوە، كێشمەكێشی ئەم دەورەیەی بزوتنەوەی قەومی كورد لەگەڵ لایەنەكانی تری حكومەت لە بەغدا، لەسەر مەسەلەی بودجە، پێشمەگە، ناوچە كێشە لەسەرەكان، داهاتی سروشتی نەوت و غاز، سنور، هەمواركردنی دەستور،… بەردەوامە.
ئەمە جگە لەوەی ناسیونالیزمی كوردی توشی قەیرانێكی دەسەڵاتدارێتی و سەهمی دەسەڵات كردووە لە بەغدا، هاوكات متمانەی خەڵكی كوردستانیش بەو هێزانە هاتۆتە خوارەوە، لەهەموو ئەوانەش واوەتر هێزو لایەنە سیاسیەكانی عێراق، ئێستا یەكدەستتر لە پێشوو لەبەرامبەر بزوتنەوەی قەومی كوردا وەستاونەتەوە، و هەڕەشەو چاوسوركردنەوەشیان لەسەر خەڵكی كوردستان ڕۆشنە. ڕەوەندی بەهێزكردنەوەی ناوەند، هەمواركردنی دەستور، بە ئاقاری كەم كردنەوەی دەسەڵاتی هەرێمەكانە، مەبەست لە دەسەڵاتی هەرێمەكانیش دەسەڵاتدارێتی هەرێمی كوردستانە. ئەمەش كێشمەكێش و تەنانەت بەیەكدادانی چەكداریش ئەگەریەكی داهاتووە كە هەڕەشە لە خەڵكی كوردستان و ئایندەی سیاسیەكەی دەكات. ئەمە بەهێزترین ئەگەری داهاتووە. ئەگەری گێرانەوەی كوردستانی 17 ساڵ دابراو بۆژێر قەڵەمڕەوی دەسەلاتی مەركەزی بەزۆری هێز.
هاوكات ئەگەری دەستێوەردانی زیاتری ئێرانو توركیا، لەجەرگەی كێشمەكێشەكانی ئێستاو داهاتووی نێوان بەغداو هەولێر تاڕادەی داگیركردنی بەشێكی كوردستانیش ئەگەرێكی ترە، بەتایبەتیش كە دەسەلاتێكی یەك پاییەیی لەبەغدا سەقامگیر نەبووە.
ئەگەری جیابونەوەی كوردستانیش ئەگەرێكی ترە، ئەمەش پێویستی بەهێزێكی سیاسی بەهێزی جێمتمانەی خەڵكە، كە خەڵك متمانە پێبكات و بتوانێت بەنەخشەوە خواستی سەربەخۆی كوردستان، بكاتە بزوتنەوەیەكی گەورەی كۆمەلایەتی كاریگەری خاوەن پشتیوانی بەرەی ئازادیخوازی نێودەولەتی و ناوچەیی و… ئەمانە هەمویان ئەگەری بەردەم ئایندەی سیاسی كوردستانن.
ئەزمونی ئەم حزبانە، وەكو حزب و بزوتنەوە لەوە زیاتر لێیان چاوەروان نەدەكرا، ئیستا هەردوو حزبی دەسەلات بەدەست لە كوردستان، توشی گرفتی بناغەیین، دەستەوەستانی ئەم حزبانە لە وەلامدانەوە بەو گرفتانە لە گرفتی كێشمەكێشیان لەگەڵ هاوپەیمانەكانی پێشوویان لەبەغدا، گرفتیان لەگەڵ ولاتانی ناوچەكە، گرفتیان لەگەڵ پاشەكشەی ئەمریكاو نەبوونی هیچ تەعوهوداتێكی رەسمی لە نێوانیاندا، تا دەگات بەگرفتی ئیدارەی سیاسی كوردستان، وەلامدانەوە بە سەرەتاییترین خواستەكانی خەڵكی كوردستان، سەرئەنجام قوڵبونەوەی قڵشتی ئەم دەسەلاتە لەگەڵ خەڵكی كوردستان و بزوتنەوە كۆمەلایەتیەكانی وەكو بزوتنەوەی كریكاران و ژنان و لاوان و بزوتنەوەی رۆژنامەگەری و ئازادی خوازی…تاد ئەم گرفتە بناغەیانەن كە خۆشباوەری خەڵكی كوردستانی بەم حزبانە بەوپەری خۆی گەیاندووە.
5-هاوپشتی: ئێوه بیروڕاتان چۆنه سهبارهت به مهسهلهی سهربهخۆیی کوردستان؟ پێتان وانیه که جیابوونهوهی کوردستانو پێکهێنانی دهوڵهتێکی سکۆلارو ناقهومی وهڵامێکی یهکلاکهرهوه بێت به کێشهی کورد. وه ههر لێرهشهوه مهترسیو دڵهڕاوکێی خهڵکی کوردستان لهبهردهم دهستدرێژیهکانی تورکیاو ئێرانو دهوڵهتی ناوهندی عێراقیشدا بۆ ههمیشه ئهڕهوێتهوه؟
عبداللە مەحمود: مەسەلەی سەربەخۆی كوردستان بۆتە پێداویستیەكی جدی هەرێمی كوردستان لەگەڵ عیراق. ئەگەر بەدوای كەوتنی بەعسدا، كەسانێك هەبوون خۆشباوەر بووبن بەوەی كە عیراقی نوێ دادەمەزرێتەوە لەسەر بنەمای ڕەسماندنی مافی هاوڵاتی بوون لەبەرامبەر یاساداو ڕژێمێكی سكولاری ناقەومی پێكدێت، كێشەی خەڵكی كوردستان بە چارەسەرێك دەگات، هەڵواسراوی سیاسی و گێژاوی 17 ساڵەی رابردووی ئەم هەریمە بەرەو كۆتاو سەقامگیری دەچێت، ئەمە بە كردەوە پێچەوانەكەی دەركەوت. عێراق بەپێی ئیتفاقی كۆمەڵێك هێزی دەمارگیری قەومی و تایفی و دینی و مەزهەبی خەریكە هەیكەلەی پێدەدرێتەوە، مەبنای پێكهێنانەوەی ستراكتۆری دەولەتی عێراق لە جێگای بنەمای هاولاتی بوون، بنەمای قەومی و دینی و ڕێژەی پیكهاتەی ئەتنیكی و دینی یەكانی كراوەتە مەبناو ئاكامی ئەمەش سەرەتا بەناو بەیەكدادانێكی تایفی و قەومیدا گورزەری كردو ئێستا زەمینەكانی دوبارە سەرهەڵدانەوەی شەری قەومی تایفی و دینی و مەزهەبی لە ئارادا ماوە، بەتایبەتیش بەدوای پاشەكشەی هێزەكانی ئەمریكادا لەعێراق، ئەم ئەگەرە زۆر زیاد ئەكات و مەترسیەكی واقعییە. بە جیا لەهەموو ئەمانە كێشمەكێشی بزوتنەوەی ئیسلامی- قەومی عەرەبی لەگەڵ بزوتنەوەی ناسیونالیستی كورد، ڕۆژ بەڕۆژ هەڵدەكشی. هاوكات مەسەلەی هەڵواسراوی سیاسی كوردستان و نادیاری ئایندەكەیو ئەو گیژاوە سیاسییە 17 ساڵەی كوردستانی داگرتووە وەكو خۆی ماوەتەوەو لەشكركێشی و ژێر پێنانی ئیرادەی سیاسی خەڵكی كوردستان هەموو ڕۆژیك لەلایەن وڵاتانی كۆنەپەرستی ناوچەكەو زلهیزە قازانج پەرستەكان درێژەی هەیە. لەهەلومەرجێكی ئاوادا جیابونەوەی كوردستان و پێكهێنانی ولاتێكی سەربەخۆ لەهەمیشە زیاتر بۆتە پێداویستیەكی گرنگ بۆعێراق و كوردستان و سەقامگیركردنی ئارامی ناوچەكە.
بێگومان جیابونەوەی كوردستان لە عیراق و پێكهێنانی ولاتێكی سەربەخۆی خاوەن سەروەری و پێناسەكراوی نێودەولەتی، دەتوانێ گرفتی كێشەی خەڵكی كوردستان، گرفتی سەرگەردان مانەوە، كێشمەكیشی بزوتنەوەی قەومی كورد لەگەڵ ناسیونال – ئیسلامی عیراق، دەستێوەردانی ولاتانی ناوچەكە بەهەموو شێوەكانیەوە، كۆتایی پێبهێنێت. سەرباری هەر ڕێگری و كۆسپێكی واقعی نیوخۆی و ناوچەیی ئەمە ریگایەكی كارساز گونجاوە بۆ چارەسەركردنی كیشەیەكی میژووی و حالەتیكی نەخوازراو و سەرگەردانی 17 ساڵە.
6-هاوپشتی: ههموو شاهیدی سیاسهتی ساتو سهودای یهکێتی و پارتی و پارته شهریکهکانیان له دهسهلات بووین بهسهر کێشهی کوردهوهو له باشترین حاڵهتدا وهکو پردێک بۆ پهڕینهوه بۆ شهریکبوون له دهسهڵاتی ناوهند بهدهستیانهوه گرتووه. ئێوه چهنده به مهسهلهی سهربهخۆیی له ئهجێندای سیاسی یهکێتیو پارتیدا گهشبینن؟
عبداللە مەحمود: مەسەلەی سەربەخۆی لە ئەجندای پارتی و یەكێتیدا هەیە، ئەوان پێیان باشە دەسەلاتیان بەسەر كوردستانێكی سەربەخۆ و پێناسەكراوی ولاتیدا هەبێت، ئەم ئەجندایەیان هەمیشە بووەو هەیە. بەلام ئەمان لە ئێستادا ئەم ریگاچارەیە بە زوو ئەزانن، و بە قازانجی بۆرژوازی كوردی نازانن، بۆیە لەجێگای ئەوەی ببنە هەڵگری خواستی سەربەخۆی كوردستان، بونەتە هەڵگری پێكهێنانەوەی عێراق و شەراكەت لە حوكمی عیراقدا، مەسەلەی سەربەخۆیش لە ئێستادا تەنها وەكو كارتی گوشار بۆ جێگیركردنی ئەم شەراكەتە لەگەڵ بەغدا و بەیاساییكردنی دەسەلاتدارێتی یان لە كوردستاندا، بەدەستەوە گرتووە.