سووتانی به‌ر په‌نجه‌ره‌یه‌ک …. یوسف ئه‌حمه‌د
Closed
شه‌وێکی زستان
ڕه‌شه‌باو
کڕێوه‌و
باران ..
به کووچه وێڵه‌کانی ئه‌م حه‌زه‌دا،
بۆتده‌گه‌ڕام ..
له ناکاو له دووره‌وه،
له‌ودیو په‌نجه‌ره‌ی سۆزێکی شه‌رمنه‌وه،
به‌دیم کردی ..
هاتم، گه‌یشتمه لات
به‌رامبه‌رت ڕاوه‌ستام
چرپه‌ی ڕاز؛
یه‌خه‌ی په‌یڤینی ڕاده‌ته‌کاندم
ده‌روون؛
چوون مۆمێکی شاگه‌شکه ده‌توایه‌وه ..
له دوا سووتانی هه‌ناومدا،
خواستم شتێک بڵێم، که‌چی
په‌رده‌ی په‌نجه‌ره‌که‌ت،
به‌ته‌واوی دادایه‌وه ..
( یوسف ئه‌حمه‌د )
