Skip to Content

Friday, March 29th, 2024
شیعر جۆرێكه‌ له‌ مردن ….  نه‌وزاد به‌ندی

شیعر جۆرێكه‌ له‌ مردن …. نه‌وزاد به‌ندی

Closed
by August 20, 2009 هۆنراوە

 

وه‌ك شه‌رابێك كه‌ خه‌ریك بێ‌ ووشك بێته‌وه‌
وه‌ك سه‌هۆڵێك كه‌ خه‌ریك بێ‌ بتوێته‌وه‌
سێبه‌ری دره‌خته‌كان
كه‌ شه‌و دادێ‌ وچان ئه‌ده‌ن
ماوه‌یه‌ك ئه‌حه‌سێنه‌وه‌
ئێشكگری سه‌ر جاده‌كان
كه‌ ڕۆژ دادێ‌ ، وچان ناده‌ن
به‌ دوای نانێكی سپی تر .. ئه‌خولێنه‌وه‌
وه‌كو پیاڵه‌یه‌ك چای سه‌وز كه‌ خه‌ریك بێ‌ سارد بێته‌وه‌
وه‌كوپشكۆیه‌كی سپی كه‌ خه‌ریك بێ‌ بكوژێته‌وه‌
گه‌ڵاكانی هه‌مان دره‌خت ، برای یه‌ك بن ، كێ‌ باوكیانه‌ ؟.؟
زه‌یتونه‌كان خوشكی یه‌ك بن ، كێ‌ دایكیانه‌ ؟؟
به‌ڵام ئه‌وان به‌خته‌وه‌رن
هه‌موو پێكه‌وه‌ ئه‌وه‌رن
فریای پرسه‌ و
جلی ڕه‌ش و
گریان ناكه‌ون بۆ یه‌كتر
وه‌ك ئێمه‌ نین ، تامی ژه‌هر
وه‌ك ئێمه‌ نین ، زامی قه‌هر
وه‌ك مناڵێ‌ كه‌ ئه‌یه‌وێ‌ ووشه‌ فێر بێ‌
ڕسته‌ ڕیز كا
ئاخ ! كڵاشینكۆف ناهێڵێ‌
وه‌ك په‌پوله‌یه‌ك به‌هاری له‌ ده‌ست ئه‌چێ‌
ئه‌یه‌وێ‌ حه‌ز له‌ پاییز كا
تۆف ناهێڵێ‌
ناچار واز له‌ شیعر دێنم
چونكه‌ مناڵه‌كانم ووردن
نامه‌وێ‌ به‌جێیان بێڵم
شیعر جۆرێكه‌ له‌ مردن

شیعری : نه‌وزاد به‌ندی
nawzadbandy@yahoo.com

Previous
Next
This site is registered on wpml.org as a development site.