Skip to Content

Saturday, January 29th, 2022

یاد …. کوێستان عومه‌رزاده‌

Closed
by September 7, 2009 هۆنراوە

 

چاوه‌ڕوانی گه‌ڕانه‌وه‌ی
گه‌ڵاکانی به‌خته‌وه‌ری
ته‌مه‌نی تۆ
به‌ده‌م ڕه‌نگی پایزه‌وه‌
وشکی کردوم
دابڕان لێت
هه‌ڵمی گه‌رمی په‌نجه‌کانتی
لێ ون کردوم
زه‌مه‌نێکه‌
بۆنی مردن  نوری له‌زه‌تی
هه‌ڵگرتوم
چاوه‌ڕوانتم
وه‌کو جاران
ده‌نگت به‌سه‌ر ماڵی دڵما
بچۆڕینی
ئاوڕشێنی  هه‌ناسه‌م که‌ی
ئامێزم پڕکه‌ی له‌ سۆزو
ته‌نیایشم
له‌ بارانی پڕ له‌ بۆنی
یاده‌کانت  
وه‌ره‌ بم به‌
به‌یادی پار
له‌ژیر
تیشلی هه‌ناسه‌تا
په‌نجه‌کانم  بلاوێنه‌
به‌ نمه‌ی ماچه‌کانت
فێنک فێنکم که‌ره‌وه‌‌
سه‌وزم که‌وه‌ له‌ مناڵی
سۆزت له‌نێو
ده‌سته‌کانما
بوه‌رێنه
وه‌ره‌ بم به‌ شا په‌ریه‌که‌م
بێ تۆیی، بابه‌
بێ ترپه‌ی دڵی گه‌رمت
 شه‌ڵاڵی کردوم غوربه‌ت
دابڕام
 له‌تۆ
له‌ نیگا  مانگ
له‌ له‌رینه‌وه‌ی
ژیان به‌ده‌م
سه‌ماوه
کزی کردم

                          کوێستان عومه‌رزاده‌   5.09.2009‌
 پێشکه‌ش به‌ جوانترین باوک 
‌‌

Previous
Next