Skip to Content

Friday, May 27th, 2022

هه‌ناسه‌ ته‌ڕه‌كانی (ئاو)

Closed

سه‌رهه‌نگ خامۆش   

 
  
هه‌موو ڕۆژێك                                                                                                                                                
هۆگری به‌یانی باشێكت بووم
كه‌چی له‌ چاوه‌ڕوانیدا
كاڵ بوومه‌وه‌

تۆم له‌ وه‌رزی
ڕه‌نگی ماچێك ناسی
له‌م ڕۆژه‌وه‌
حه‌ز له‌ بۆنی (باران) ده‌كه‌م

هێنده‌ی ده‌می وشكی خاكێك
بۆ هه‌ناسه‌ ته‌ڕه‌كانی (ئاو)
خۆشم ده‌وێی
كه‌چی تۆ
هه‌ر ڕقت لێمه‌

هه‌موو به‌یانیه‌ك
له‌ باوه‌شی كازیوه‌دا
چاوه‌ڕێتم
زوو ده‌ركه‌وه‌
خۆشم ده‌وێی ئه‌ی (خۆر)

ئه‌م سه‌فه‌ره‌
(قوباد) ئاسا
له‌ باوه‌شی ژنێكدا فه‌نا بووم
من ئایخ بوومه‌وه‌
كه‌چی  (ئه‌و)
هه‌ر نه‌گه‌ڕایه‌وه‌

مه‌سیجێكم بۆ ناردی
پێش ئه‌وه‌ی بیخوێنیته‌وه‌
گوێ له‌ ترپه‌ی دڵم بگره‌
بزانه‌ چه‌ند خۆشم ده‌وێی

به‌ ماچێكت
چوومه‌ نێو
دنیای پڕ خه‌ڵوه‌تی عیشقت
كه‌ چاوه‌كانم هه‌ڵێنا
لێوه‌كانت خوێنیان لێ  د
                                ه‌
                                     ت
                                            ك
                                                    ا  

 

Xamosh_s@hotmail.com

 

Previous
Next