Skip to Content

Tuesday, March 19th, 2024
نۆرا ڕۆبەرتس  پڕ بەرهەمترین ژنە ڕۆماننووسی ڕۆمانسی ئەمریکی

نۆرا ڕۆبەرتس پڕ بەرهەمترین ژنە ڕۆماننووسی ڕۆمانسی ئەمریکی

Closed

           بەشی دووەم
وه‌رگێرانی: عه‌بدوڵڵا سلێمان(مه‌شخه‌ڵ)
           ژنە ڕۆماننووسی ئەمریکی چۆن دەستی بە نووسین کرد 

پرسیار :سەبارەت بەو باهۆزی بەفرەی ساڵی 1979 پێمان بڵێ چۆن لەوێوە دەستت بە نووسین کرد؟

نۆرا ڕۆبەرتس :باهۆزەکەی ساڵی 1979 لە مانگی فێبریوەریدا هەڵی کرد، منیش لە خانوویەکدا لەگەڵ دوو منداڵدا گیرم خواردبوو.هەر دایکێک لەوێدا بگری دەزانێ کە چ پەشێوحاڵییەک بوو وەختێک ڕادیۆ ڕایگەیاند کە ئیتر باخچەی ساوایانی سەرلەبەیانیان نامێنێت.من لە گوندی (مەریباڵ) دەژیام و ئۆتۆمبێلیشم نەبوو.دوو کوڕی چالاکم هەبوو ڕۆژ بە ڕۆژیش چۆکلێتەکانی ماڵەوە لە کەمبوونەوەدا بوون وسێ پێ بەفریش کەوتبوو. من هەرگیز بیرم لە نووسین نەکردبوەوە وەکو پیشە. بیرم کردەوە هەموو کەس چیرۆک بە دەستی خۆیان دروست دەکەن.بەڵام پاش چەند ڕۆژ بوون بە تەڵەی باهۆزی بەفر، هەوڵم دەدا گەمەی ( کاندیلاند) بکەم و کەچی بە شێوەیەک لە شێوەکان نائومێد دەبووم لە جۆرێک لە ئازادبوون.یەکێک لەو چیرۆکانەی ناو مێشکم هێنا و نووسیمەوە.ئەو ساتەی کەدەستم بە پرۆسەی نووسین کرد کەوتمە داوا خۆشەویستی لەگەڵیدا.دەبوایە لەم خاڵەوە دەست پێبکەم بۆ گەڕان بە کۆڵانەکانی چالاکی نواندن لە هەموو پیشە ناسراوەکانی پیاوان وەکو سیرامیک و چنین و خەیاتی و (تەنانەت فایلێکم لەسەری دادەنا و وێنەی کوڕەکەم نەخش دەکرد) و لە قوتوکردن و نەخشاندن بە دەرزی و نانەوایی.ئەمە سەرباری ئەو ترس و نیگەرانییەی کە هەمبوو.خۆشبەختانە نووسین منی بۆ خۆی برد و کەوتمە سەر ڕێگای ڕاست.

پرسیار:کاتێک بۆ یەکەمجار بوویتە دووەمین قەڵەم بۆ سپرایەڵ نۆت بووک ، ئایا هەستت بەوە کرد کە تۆ لەسەر ڕێگایەکی دەبیتە پڕ فرۆشترین نووسەر؟

نۆرا ڕۆبەرتس:نووسینی چیرۆک لەو هەفتە درێژەی مانگی فێبریوەری زیاتر پاراستنی ژیرییەیتم بوو نەوەک نووسین وەک پیشە.

پرسیار :چەندی خایاند تا یەکەمین ڕۆمانت بڵاوکردەوە؟

نۆرا ڕۆبەرتس :ئەو کاتەی کە یەکەمین ڕۆمانم بە ناوی "ئەسپی ڕەسەنی ئێرلەندی "لە 1981 دا بڵاوکرایەوە من 3 ساڵم لە کارکردن  و چەندین دەستنووسی ڕەتکراوەم لە نێو چەکمەجەی مێزەکەمدا هەبوون.

پرسیار:ئایا قەت بیرت نەکردۆتەوە لە بڵاوکردنەوەی کارە بەراییەکانت؟

نۆرا ڕۆبەرتس:یەکەمین چیرۆکم نەخێر…هەرگیز ، بەلام کارەکانی دواتر هەموو دەستکاریم کردن و بڵاوکرانەوە و چەند ساڵ بەرلە ئێستا فرۆشرانیش.بۆیە هیچ شتێکی بەراییم نەماوە.

پرسیار :چ کارێکت دەکرد بەر لەوەی ببیە نووسەر؟

نۆرا ڕۆبەرتس:بەڕاستی (ڕازگر)سکرتێرەیەکی یاسایی زۆر خراپ بووم.

پرسیار:تۆ وەکو کەسێکی گەنج کێ یارمەتی فراوانکردنەوەی ئاسۆی ڕۆشنبیریی دای؟

نۆرا ڕۆبەرتس:من وای دادەنێم هەموو مامۆستاکان یارمەتیدەر بوون.من نووکتە سەبارەت بەڕاهیبە(یان قەیرە) دەڵێم، بەڵام لە راستیدا بانگێشەی دیسیپلین دەکەن لە داری مەعریفە. تۆ دەتوانی هەموو مەعریفەی دونیا بەدەستبهێنی ، بەڵام ئەگەر دیسیپلسنی ئەوەت نەبێ چۆن دانیشی و بە ڕێکی و بەردەوامی بنووسیت ئەوا نەدەتوانی بنووسیت و نە هیچ کتێبێکیش بڵاو دەکەیتەوە.

سەرچاوە: http://www.bookbrowse.com/author_interviews/full/index.cfm?author_number=296

Previous
Next
This site is registered on wpml.org as a development site.