Skip to Content

Tuesday, March 19th, 2024
پێشكه‌ش به شه‌هیدانی هه‌میشه‌ زیندووی گوردانی شوانی كۆمه‌ڵه

پێشكه‌ش به شه‌هیدانی هه‌میشه‌ زیندووی گوردانی شوانی كۆمه‌ڵه

Closed
by March 18, 2008 ئەدەب

حه‌فتا په‌پوله
حه‌فتا په‌پوله
 هێرشیان كرده
 سه‌ر دڵی زه‌وی
به‌گژیا چوون
 بۆ  ئه‌و
 گه‌مارانه‌ی وا
 له‌سه‌ریا ده‌ژین
گوتیان
ژیان به‌ سه‌ربه‌رزیه‌وه ژیانه
ژیان به پاكیه‌وه ژیانه
گوتیان بژی پاكی
بژی چاكی
بژی ژیانی قاره‌مانانه
ئه‌و په‌پولانه
دڕك بوون
 بۆ چاوی ناحه‌زان
باوه‌ڕ بوون
بۆ دڵی پاكان
ئه‌وان باڵیان گرته‌وه
تا به‌بای باڵیان لای ده‌ن
هه‌چی ته‌می كۆن و ره‌شیه
حه‌فتا په‌پوله ،
حه‌فتا هه‌ڵۆ باڵیان گرتۆ
 بۆ لای ئاڵای لالۆ ،
بۆ لای لالۆ
حه‌فتا لالۆی دیكه،
حه‌فتا هه‌ڵۆی دیكه
 هه‌ڵفڕین
هه‌ڵفڕینێك بڵینتر له
 شاهۆ و نه‌كه‌رۆز
هه‌ڵفڕینێك بۆ
 دڵی ئاسمان
هه‌ڵفڕینێك پڕ له شانازی
هه‌ڵفڕینێك بۆ مانه‌وه ،
ئه‌وان هه‌ر ماون
هه‌ر ده‌مێنن،
به‌ڵام له ئاسمان
 له‌ولای پاكیه‌وه
ئه‌وان هه‌ر ده‌مێنن

سه‌یران سیروانی- رۆژهه‌ڵاتی كوردستان

Previous
Next
This site is registered on wpml.org as a development site.