Skip to Content

Thursday, March 28th, 2024
چرۆی شیعر

چرۆی شیعر

Closed
by October 15, 2007 ئەدەب

چرۆی شیعر                         سیروان بابه‌عه‌لی     مانهاییم 12 ئۆکتۆبه‌ر 2007

منیش جار جار؛
    له‌ "زه‌مه‌ند" ی ته‌نهاییمدا،
له‌ناڵه‌ی هه‌وری خه‌یاڵ و
 کۆڕژنی ئه‌سپی ناسۆرم
               "دومه‌ڵان" ی شیعر ده‌ردێن!
منیش جار جار؛
                ته‌زووه‌ شیعر
وه‌ك برووسکه،
به‌قه‌دمدا هه‌ڵده‌گه‌ڕێ و‌
به‌نێو لق و په‌ل و سه‌رپه‌ل ی گیانمدا،
به‌دیار چاوی  پێڵووه‌گه‌ڵای  ڕازه‌کاندا
        تێده‌په‌ڕێ و
له‌سه‌ری په‌نجه‌کانمه‌وه‌
        چرۆده‌کات!
بۆیه‌ ئه‌ویش هه‌روه‌ک خۆمه‌،
دڵ و ئاوه‌ز ده‌یبزوینێ؛
لایه‌ک "ڕه‌وان" ی ته‌ی ده‌کاو
                     لایه‌ک ژێی "نه‌ست" ی ده‌ردێنێ!
من ده‌زانم؛
        که‌ شیعرو من و خامه‌
        یه‌ك هه‌ره‌مه‌ هاوکێشه‌ین،
کاتێک شیعر؛
       له‌نێو نه‌ستمدا ژان ده‌گرێ و
        له‌هێلکه‌ی هه‌ستم ده‌تره‌کێ،
ئه‌وسا، منیش؛
       سرووش له‌ "ڤینۆس" وه‌رده‌گرم،
       له‌ڕێگه‌ی فریشته‌ی پێنووس
  وه‌ک ده‌قێکی پیرۆزکراو
            به‌هێمای سوور
            ده‌ینێرمه‌ نێو دڵی په‌ڕاو!  

کۆتایی

Previous
Next
This site is registered on wpml.org as a development site.