Skip to Content

664 Views

به‌ره‌و باوان …  سه‌ردار جاف

به‌ره‌و باوان … سه‌ردار جاف

Be First!
by February 19, 2017 General, Poems
image_print

میلی چركه‌ژمێره‌كه‌
له‌ منداڵدانی ژنێكی نه‌زۆكدایه‌
هه‌نگاوه‌كان…..
خێرا به‌ره‌و باشوور ملی رێگا ده‌نێ
مه‌شخه‌ڵی ئاگردانی ئه‌م بێشه‌یه‌
پاسارییه‌كان ……
له‌ لیتاوی قوڕی شینا هه‌ڵده‌كێشرێن
كوكوختییه‌كان…..
سه‌ما له‌ گۆرانی دوێنێ داده‌به‌ستن
خه‌ونی سه‌وز ده‌گێڕنه‌وه‌
گێلاسه‌ به‌رگرتووه‌كانی زه‌مه‌نێ
له‌ خه‌ره‌ندی ئاوه‌زه‌وه‌ هاوێر بوون و
شه‌مه‌نده‌فه‌ری ڕێی تاسه‌
له‌ دامه‌نی لێره‌واری سه‌خته‌نێكا دایانده‌نێ
میلی چركه‌ ژمێره‌كه‌
هه‌ناسه‌ سوار
به‌ هه‌ورازه‌ سه‌خته‌كه‌دا هه‌ڵنازنێ
ئه‌وكی پڕ حه‌سره‌تی پاسارییه‌كانه‌
به‌ كپی و شه‌رم و له‌رزۆك
له‌ جراخدانی موستیله‌یه‌ك ده‌سه‌كنێ
هێشتان كه‌س گوێیان بۆ رانادێرێ
ئه‌م ژوانی ته‌مه‌نه‌یش
له‌ دوا ساتی ماڵئاوابوونی خۆی دایه‌
پاسارییه‌كان ……
هێشتا له‌ سۆراغی پوشن
قه‌ڵای سه‌خت داده‌نێن و
شه‌ڕ له‌ خۆ دوور ده‌خه‌نه‌وه‌
كه‌ چركه‌ ژمێره‌كه‌ به‌ره‌و فه‌نابوون ملی بان میلی گرتووه‌
باوان كوانوویه‌كی كوێره‌وه‌بووی سه‌خته‌
له‌ ده‌نگی كوكوختییه‌وه‌
سیحر ئاوێزانی میلۆدی نوێ بووه‌
خه‌ونی سه‌وز
له‌ جۆزه‌ردانێكی زه‌ردباوا
نغرۆی ریتمێكی نامۆیه‌
بۆ كه‌س له‌ گێلاسه‌كان ده‌پرسێته‌وه‌
گه‌نیویان تێدا ئاڵاوه‌
هه‌نجیره‌كان بار ده‌كرێنه‌ شه‌مه‌نده‌فه‌ر
قوتوبوندی هه‌ڵچنراون
رۆح وا ده‌بێته‌ فریشته‌ و
به‌ سه‌ر كه‌مه‌ی ئاڵای زڵات داده‌چه‌مێ
بۆ هه‌تایی
له‌ ده‌زرانی ده‌ئاڵێنێ

Montabaur
5 / 2 / 2017

Previous
Next

Leave a Reply