Skip to Content

310 Views

كاریگه‌ری شیعر …  ئاری زێندینی

كاریگه‌ری شیعر … ئاری زێندینی

Be First!
by March 10, 2017 General
image_print

شیعرله‌زه‌مه‌نێكی دیاریكراودا به‌رهه‌م نایه‌ت به‌ڵكو به‌رئه‌نجامی دنیا بینینه‌ی فراوانترودرێژتر له‌ساتی له‌دایكبوونی,پێم وانیه‌ كه‌س بتوانێ‌ كۆتایی شیعر دیاریكات و سه‌ره‌تاشی پێوانه‌بكات . زه‌مه‌نی شیعر زه‌مه‌نی هه‌ست و ژانه‌ جۆراوجۆره‌كانی مرۆڤه‌ سه‌رهه‌ڵدان و كۆتایشی به‌نده‌ به‌هه‌مان پره‌نسیبه‌وه‌ .شیعر
له‌ناوه‌ڕۆكه‌وه‌ هه‌موو بواره‌كان له‌خۆوه‌ ده‌گرێته‌وه‌ , هه‌ست و ئایدۆلۆژیاوفه‌لسه‌فه‌وشارستانیه‌ت وبێهوده‌یی
شادمانی و ته‌واوی ساته‌كانی ژیان به‌لام به‌رله‌هه‌مووشت هونه‌ره‌ به‌هۆیی جوانی ناڕاسته‌وخۆی گوزارشت له‌
حاله‌ته‌كان,كه‌ ده‌ڵێن ئایدۆلۆژیا مه‌بوستمان ئایدۆلۆژیای شاعیره‌.چۆن له‌هه‌موو هه‌ورێك باران نابارێت ئاوه‌هاش له‌ هه‌موو به‌هره‌یه‌ك شیعر نابارێ‌,له‌هه‌ندێ‌ باردا شیعر سارَێژكه‌ره‌وه‌ی برینه‌ قوڵه‌كانی رۆحی
مرۆڤه‌.شیعری خولقێنه‌ر جۆره‌ قورسایه‌ك له‌ڕێچكه‌ی مێژوویه‌كه‌ی خۆیدا په‌ره‌ ده‌سێنی به‌لووتكه‌ سه‌رده‌كه‌وێت ده‌گاته‌ ترۆپكی مرۆڤایه‌تی.له‌زه‌مه‌نی ئێستا شیعر له‌به‌رگ و فۆرمێكی ترخۆیی ده‌نوێنی به‌رده‌وام ده‌چێته‌ قوڵایی ئازاره‌كانی مرۆڤ,له‌سه‌رده‌می ئێستای شیعرو ئێستایی ته‌كنۆلۆژیاو عه‌وله‌مه‌دا شیعر هه‌رده‌م له‌ چله‌ پۆپه‌ی جوانكاریه‌كانی ده‌قێكدایه‌, جار هه‌یه‌ شیعری خۆماڵی ئه‌وه‌نده‌ كاریگه‌ری نیه‌ ئه‌وه‌نده‌ی شیعرێكی بیانی كاریگه‌ری جێده‌هێلێ‌.شیعری ئه‌مڕۆی جیهان ماناوسنورێكی دیاریكراو ناگه‌یه‌نێ‌ به‌ڵكو سه‌لیقه‌ی خوێنه‌ر ده‌بێته‌ به‌شێك له‌ رۆحی شیعریه‌ت!.كاریگه‌ری شیعر تاحه‌ددێكه‌ زه‌وقی خوێنه‌ر ده‌كاته‌وه‌ به‌هۆی ئه‌ومامه‌ڵه‌ی شاعیر له‌گه‌ڵ هه‌ست و موعانات و زمان و كه‌لتور, سه‌لیقه‌ی شیعری خوێنه‌ر ده‌وڵه‌مه‌ند ده‌كات.شیعر بۆخۆی دنیابینینێكی قوڵه‌ هه‌مووته‌مه‌ن ناتوانێ‌ له‌سه‌ره‌تایی شیعر تێپه‌ڕینێ‌,كه‌سی داهێنه‌ر پێویستی به‌ ته‌مه‌نێكی درێژتره‌ تابتوانێ‌ له‌ناو دڕك و داڵ و جه‌نجاڵی ژیان خۆیی و ده‌وروبه‌ر بدۆزێته‌وه‌.شیعر دنیایه‌كی ئه‌وه‌نده‌ ئازاده‌ كه‌بواری ئه‌وه‌ی هه‌یه‌ كه‌ واقیع وحه‌قیقه‌ت وا ببینێ‌ كه‌ تێڕوانینی من وتۆ جیاوازه‌,خه‌یاڵی شاعیر جۆره‌ خه‌یاڵێكه‌ به‌ هه‌زاران خه‌یاڵ ده‌وره‌دراوه‌وگرێدراوه‌ هه‌موو كون وكه‌له‌به‌ره‌كان ده‌خوێنێته‌وه‌.شیعری زیندوو كه‌شفی نامه‌كشوفه‌كانه‌ ده‌گاته‌ ئاستی مه‌نتیقی رۆشنگه‌ری و كاریگه‌ربوون وسه‌قامگیربوون له‌ لوتكه‌ی رۆشنبیریدا.شیعری ڕه‌سه‌ن خاوه‌ن ڕه‌چه‌له‌ك وئه‌زمونێكی ده‌وڵه‌مه‌ندی مێژینه‌یه‌ ئه‌گه‌ر شیعر له‌ دوێنێ‌ به‌یه‌ك چه‌مك پێناسه‌ ده‌كرا به‌ڵام ئه‌مڕۆ شیعر له‌چه‌ندین كه‌لێن ونیگاوه‌ پێناسه‌ی دخوێندرێته‌وه‌,شیعری ئه‌مڕۆ گه‌ڕانه‌ به‌دوایه‌ ده‌لاله‌ته‌كانی ژیان وهونه‌ر وزمان و فه‌لسه‌فه‌و شڕۆفه‌و ته‌ئویلكاری له‌ ده‌قدا شاعیر خه‌زنی سه‌رجه‌م شته‌ كه‌پتكراوه‌كان باسده‌كات هه‌رله‌ ساته‌ وه‌ختی نائاسایی به‌تاڵیان ده‌كاته‌وه‌ زمانیش كه‌ دیارترین ڕه‌گه‌زه‌و سیسته‌ماتیكه‌ ده‌كرێ‌ له‌نێویدا مه‌غزایی نوێ‌ وده‌لالاتی نوێ‌ بدۆزێته‌وه‌.شیعر ده‌گۆڕێ‌ چونكه‌ ژیان ده‌گۆڕێ‌ بۆی هه‌یه‌ ژیانیش بگۆرَێ‌ وكۆمه‌لگا پێشخات.شیعر كاری قه‌ڵه‌مه‌ ئازاده‌كانه‌ نه‌ك قه‌ڵه‌مه‌ نائازاده‌كان شیعر بۆ ڕازاندنه‌وه‌ نیه‌ به‌ڵكو بۆ حه‌قیقه‌تی جوانیه‌.هونه‌ری شیعر یه‌كه‌م هونه‌ره‌كان بووه‌ له‌ سه‌ره‌تایی مرۆڤایه‌تی له‌ وانه‌یه‌ یه‌كه‌م داهێنانی زمان وفیكر بووبێت چونكه‌ شاعیره‌كان پێشه‌نگی ڕۆشنبیره‌كان بوون له‌ كۆڕو مه‌جلیس وكۆمه‌ڵگه‌دا له‌ جیاتی ڕۆژنامه‌و گۆڤارو ته‌له‌ڤزیۆن وشتی تر بواریكی سه‌ره‌كی و سه‌ركه‌وتوویی ژیان بووه‌.شاعیری پێگه‌یوو له‌ هه‌موو ئان وساتێكدا شیعر دروستده‌كات له‌گه‌ڵ دروستكردنی شیعر فیكرومانابه‌رهه‌مدێنێ‌ ئه‌مه‌ش وه‌ك پردێ له‌نێوان خۆیی وخوێنه‌ر.شیعر كۆرپه‌یێكه‌ له‌باوه‌شی شاعیر تائه‌وكاته‌ی پێده‌گات وتام وچێژی ده‌بێت.خوێندنه‌وه‌ی ده‌یان جاری ده‌قێكی شیعری ده‌یان ماناوده‌لالاتی هه‌ڵده‌گرێ‌ هه‌رجاره‌و چێژی تایبه‌تی هه‌یه‌.شاعیری داهینه‌ر ده‌بێت شاره‌زایی ڕه‌وتی نوێی شیعری جیهانی بێت چونكه‌ شیعر تاوانی نیه‌ تاوانی ئه‌وكه‌سه‌یه‌ كه‌شیعر ده‌نووسێ‌ وشاعیرنین!.ئه‌ی ئه‌وه‌نیه‌ بواره‌كانی تری هونه‌ر وه‌ك سینه‌ماو شانۆو ڕۆمان و چیڕۆك به‌شیعر ئاوده‌درێ‌ هه‌م شیعر سودیان لێوه‌رده‌گرێ‌ و هه‌م ئه‌وان سوود له‌ شیعر وه‌رده‌گرن و داهێنان وستراتیژی خۆی له‌مانه‌ وه‌رده‌گرێ‌ ! له‌كۆتایی ده‌ڵێن (شیعر) چه‌كی یه‌كه‌می مرۆڤه‌ بۆ به‌رگری وشه‌ڕكردن و بۆ ده‌ڕبڕینی هه‌ست به‌رامبه‌ر ناماقوڵیه‌كانی ژیان!

Previous
Next

Leave a Reply