Skip to Content

Thursday, March 28th, 2024
ئەی هەمیشە چاك…… فەرەیدون موشیری

ئەی هەمیشە چاك…… فەرەیدون موشیری

Closed
by June 1, 2008 ئەدەب

 وەرگێرانی: د. ناسیح قەرەداخی……..

  لە كانیی لوتفی بێَڕۆختا
 ماسییەكم هەردەم تینوو
 مەوجی چاوی میهرەبانت
 ئەمبا چۆن بكا ئارەزوو
 ***
 لەبن باڵی مەلی بزەت،
 لەژێر خۆری گەرمی ماچت
 ئەی كانیی پاك!ئەمن قوم قوم
 دەترێژمەخوار بۆ ناو گەرووم
 تاپڕكەم گیانم لەگیانت
 ***
 ئەی هەردەم چاك!
 ئەی هەمیشە ئاشنا پێم!
 تا هەموو رۆخە دوورەكان،
 تا هەر كوێیەك چاو بڕدەكا
 عەتر و گۆرانی و پێكەنین،
 لە ئامێزتا مەلە دەكا!
 ***
 ماسییەكم هەردەم تینوو
 ئەی سەرچاوەی درخشاوە
 یەك سات ئەگەر بەجێم بێلێ
 ماسیت گیانی لەدەست داوە!
 
 ****
 

Previous
Next
This site is registered on wpml.org as a development site.