Skip to Content

Wednesday, January 19th, 2022

كاریكاتۆرێن روژنامه‌ڤانی … عبدالرحمن بامه‌رنی

Be First!

 

 

 

ـ رویدان ـ

فوتوگرافه‌ك 

ده‌ست ژ كارێ‌ خوه‌ رادكه‌ت.

فوتوگراف نیگه‌رانه‌

كامیره‌ وه‌ك وی بڤێت

نه‌شێت وێنێن سه‌روچاڤان 

بهلینیت..

 

ـ چیروك ـ

روژنامه‌نڤیسه‌كی

سوتنا كچه‌كێ‌ كره‌ دویڤچوون.

هێشتا چیروكێ‌ ده‌ست پێنه‌كری

گه‌فێن سوتنه‌كا دی بوچوون..

 

ـ سه‌رنڤیسه‌ر ـ

سیاسه‌تا روژناما وی

 نه‌ بدلێ‌ لایه‌نه‌كێ‌ سیاسی بو.

شوینا گه‌فێن داخستنێ‌

ب پێ ئالینكێن یاسایی 

سزا بو چوو..

 

ـ هه‌والساز ـ

پشتی ماندیبونێ‌

مانشێته‌ك بو گه‌نده‌لیه‌كێ‌ هه‌لبژارت.

روژنامه‌ نه‌ هاته‌ داخستن و نه‌ پاداشتكرن

هه‌والسازی ل پشت لاپه‌رێ‌ هه‌مه‌ره‌نگ

 خو ڤه‌شارت..

 

ـ سكرتێرێ‌ نڤیسینێ‌ ـ

به‌رپرسه‌كی ب نامه‌كێ‌

سكرتێرێ‌ نڤیسینێ‌ بو ئه‌رشیفی ڤه‌گوهاست.

هه‌وال جوان بو و تایتل یێ‌ گه‌رم بو

به‌رپرسی وێنێ‌ خوه‌ دگه‌ل دا نه‌دیت..

 

ـ ریپورتاژ ـ

هه‌ر تشتێ‌ وی ڤیایی

دڤێ‌ ریپورتاژێ‌ دا یێ‌ هاتیه‌ خار.

چاوان به‌رژه‌وه‌ندا روژنامێ‌ دخازیت و 

بو جهێن په‌یوه‌ندیدار باش،

وه‌سا هاتیه‌ دارشتن..

 

ـ پروژه‌ ـ

چه‌ق چه‌قا فلاشی یه‌ و

كامیرا وی بتنێ‌ لدوور سه‌یدایی دزڤریت.

ل وێڤه‌تر حلكه‌ حلكا پیره‌مێره‌كی یه‌

دبن سه‌تلێن چیمه‌نتوی ڤه‌

پشتا لێ‌ بویه‌ كڤان..

 

ـ دیدار ـ

به‌ری دیدار دگه‌ل دا بهێته‌ بلاڤكرن

چ تشته‌ك ل بیرێ‌ نه‌مابو.

پشتی دیدار هاتیه‌ بلاڤكرن 

هه‌می هه‌ڤالێن خو

ب دیدارێ‌ و به‌رسڤێن خو ئاگه‌هداركرن..

 

ـ دادگه‌هـ ـ

هاتیه‌ نڤیسین

هه‌ر بابه‌ته‌ك ده‌ربرینێ‌ ژ نڤیسه‌ری دكه‌ت.

ل به‌رامبه‌ر دادگه‌هێ‌ ژی

ده‌ستێن سه‌رنڤیسه‌ری دكلامچه‌كرینه‌ و 

 گونه‌هبارێ‌ ئێكێ‌ یه‌..

 

ـ دیزانین ـ

ته‌ چاوا بڤێت 

داهێنانێ‌ دده‌رهێنانا هونه‌ری دا بكه‌.

ژبیرنه‌كه‌ی وێنی سه‌یدای و به‌رپرسی نه‌بیت

ئه‌و خه‌تا سورن

وه‌ك وان بڤێت بلاڤ بكه‌..

 

ـ راپورت ـ

هه‌می رویدان و كوشتن و سوتن

دبنه‌ راپورت و دهێنه‌ بلاڤكرن.

ژێده‌رێ‌ هه‌می رویدانا ژی

قه‌ده‌غه‌یه‌ بو روژنامه‌نڤیسی و 

روژنامه‌ پێ دهێته‌ داخستن..

 

ـ پیشه‌ ـ

هه‌ر كارێ‌ تو بكه‌ی پیشه‌یه‌ و 

دێ‌ خێزانا خو پێ بخودان كه‌ی.

بتنێ‌ نڤیسین نه‌بیت

ماندیبونا خو هه‌میێ‌ دێ‌ كه‌یه‌ په‌رتوك و

بهه‌روه‌ بلاڤ كه‌ی..

 

 

ـ ده‌ستهه‌لات ـ

ده‌ستهه‌لاتا ژ هه‌میا بچووكتر

دشێت رێپیڤانه‌كێ‌ دروست بكه‌ت.

ده‌ستهه‌لاتا روژنامه‌ڤانیێ‌ 

بوق لێدانه‌ و

نه‌شێت به‌رگریێ‌ ژ هه‌بونا خوه‌ بكه‌ت..

 

ـ گومان ـ

روژنامه‌ڤانی 

زمان و گوهـ و چاڤێن خه‌لكی یه‌.

ئه‌و روژنامه‌ڤانیا دهێته‌ كرین و خواندن ژی

خه‌لك ل لاته‌كێ‌ یه‌ و 

ئه‌و تشتێ‌ دهێته‌ به‌لاڤكرن

ل لاته‌كا دی..

 

 

Previous
Next

Leave a Reply