پروشه ….. ‌ئاری ره‌فیق

 

 
     
بیستم .. حه‌زت
له‌ پرووشه‌و
 ده‌نگی نه‌رمی پێ‌ ی بارانه‌ ،
تامه‌زرۆی تریشقه‌ی هه‌ورو
سه‌مای گه‌ڵای بێنازكه‌وتووی پایزانه‌ .

وا هۆگری خۆتت كردوم
له‌ده‌نگی پێ‌ ی ..
هه‌ر دڵۆپێك له‌ باران و ،
له‌سه‌ر پشتی ..
هه‌ر گه‌ڵایه‌ك له‌خه‌زانی پاییزان و ،
له‌  ته‌وێڵی ..
هه‌ر په‌ڕه‌یه‌كی سپیه‌وه‌ ،
له‌سه‌ر سینگی ..
هه‌ر كتێبێكی شیعریه‌وه‌ ،
تۆ ده‌بینم .. تۆ ده‌بیستم
به‌ته‌نیا تۆ ده‌خوێنمه‌وه‌ ،
تۆ سێبه‌ری ؟!
 یان فریشته‌ی ؟!
هه‌میشه‌ وای به‌شوێنمه‌وه‌ ؟!

 

Ari_rafik@yahoo.com
 زستانی 2009