بهیاننامهی چالاكگهرانی بزوتنهوهی ژنانی كورد
له كاتێكدا كه دهسهڵاتدارانی ئێرانی بانگهشهی بهڕێوهبردنی مافی مرۆڤ دهكهن و بهناوی ئیسلام ودادپهروهرییهوه دهسهڵاتداری خهڵكن و لهئهملاوئهولا سمیناری بهرگری له مافی ژنان بهڕێوهدهبهن و میوانانی بیانی بانگهێشت دهكهن، خهڵكی ئێمه له بارودۆخێكدا دهژین كه رۆژبهرۆژ مافی تاك و ئابووری و كۆمهڵایهتی و سیاسییان سنووردارتر دهبێت. ئهم پاڵهپهستۆ و گوشارانه داهاتوویهكی خراپی بۆ خهڵكی ئێمه بهدواوهیه.
كهواته ئێمه ژنانی كوردستانیش دهنگی خۆمان ههڵدهبڕین كه دوای یهكسانی و رێزگرتن له مافی مرۆڤدا خوازیاری ئهم خاڵانهی خوارهوهین.
1. دابینكردنی ماف ودادپهروهری بۆ ژنان، ئامانجی هاوبهشی چالاكی بزووتنهوهی ژنانه. ئهمه لهكاتێكدایه كه ژنانی تورك و كورد و فارس و عهرهب و ….هتد، خواسته كۆمهڵایهتییهكانی خۆیان لهگهڵ ژنانی چالاكی جیهان گرێداوه بۆ بهدیهێنانی مافی نهتهوایهتی و هاووڵاتی بوونی خۆیان بهربهرهكانی دهكهن و زۆرترین ههوڵیان بۆ ئهم ئامانجه داوه. كهچی لهم مانگانهی دواییدا شایهتی دهست بهسهر كردنی ژنان و كچانی كورد له ناوچه جیاجیاكانی كوردستان بووین، به تایبهت ئهو ژنانهی كه بهدوای چارهسهر كردنی یهكسانی ژنان و پیاوانهوهن و ههرووها خوازیاریی مافی نهتهوهكانی ئێرانیشیان ههیه.
2. ئێمه ژنانی كورد ئهمجۆره سهركوت كردنه كه دوور له چاودێری یاساناسان و رای گشتی به تۆمهتی ساختهی جیاخوازی و تیرۆریزم بهبێ لهبهرچاو گرتنی كهمترین ماف و به بێ رهحمانهترین جۆر ههڵسهوكهوتمان لهگهڵ دهكرێت، بهتوندی شهرمهزاری دهكهین و ئهم مهسهلهیه به ستهمێكی زیاتر له مافی ئهم چالاكگهرانه دهزانین.
3. بزوتنهوهی ژنانی كورد، لهگهڵ ئهوی جهخت لهسهر كۆكردنهوهی یهك ملیۆن واژوو بۆ گۆڕینی یاسا ههڵاوردكارهكانی دژ به ژنان دهكاتهوه، ناڕهزایهتی خۆیان له ههڕهشه و ئهشكنجه و ئازاری چالاكانی كۆمهڵایهتی سیاسی و مهدهنی كوردستان دهردهبرِن كه زۆربهیان له رهوشێكی زۆر نالهباردا دهژین.
4. كهواته ئێمه ژنانی كورد و گهلی كورد له سهرتاسهری جیهان خوازیاری ئازادی ههرچی خێراتری ههردوو خاتوون (هانا عهبدی) و (رووناك سهفازاده)ین و چاوهڕێی ئهوهش له ههموو چالاكانی بزووتنهوهی ژنان و رێكخراوه مهدهنی و سیاسییهكان دهكهین به واژووی ئهم بانگهێشته لهگهڵ ئێمه یهك دهنگ بن و یارمهتی ژنانی كورد بدهن. ههروهها داوا له دهسهڵاتداران و بهرپرسانی ئاسایشی ئێرانی دهكهین كه شێوازێكی ئاشتی خوازانه و دادپهروهرانه بگرنهبهر.
چالاكگهرانی بزوتنهوهی ژنانی كورد
بۆ پشتیوانی لهم داوایه دهتوانن بهناردنی نامهیهك بۆ ئهم ئیمهیله پشتیوانی و هاوسۆزی خۆتان دهربڕن
jinekurd@yahoo.com
