Skip to Content

Thursday, March 28th, 2024
ئه‌م دێڕانه‌ ده‌ڵێن:نه‌مانده‌زانی ده‌بینه‌ دوا شعر

ئه‌م دێڕانه‌ ده‌ڵێن:نه‌مانده‌زانی ده‌بینه‌ دوا شعر

Closed
by September 6, 2010 ئەدەب

 

مزگه‌وتێك به‌گوێما ئه‌چپێنێ‌
فنجانی  قاوه‌ گره‌وه‌كانی وه‌هم بگه‌ڕێم
ده‌ستی تاشه‌ به‌ردێكی غه‌ریب  بگرم
كۆڵان به‌ كۆڵان هاواربكه‌م
ناوچه‌وان گرژ بكه‌م له‌ بێده‌نگی
باوه‌ش بكه‌م به‌ شه‌قامێكدا
به‌ڵێ‌ مزگه‌وتێك ئه‌مه‌ی پێوتم

دۆزه‌خ پاكی به‌ ئاسمان له‌بارئه‌با
قه‌برسانه‌كان هێڵنج ئه‌ده‌ن
ئایه‌تێك ده‌سته‌یاته‌ ئێخه‌ی قورئان
زمانی ڕیگه‌كان له‌گۆ ئه‌كه‌ون
ڕووی ته‌نیایی ڕه‌ش ئه‌بێت به‌ مردن
بێ‌ ئومێدی پرچی وه‌رزه‌كان سپی ده‌كات
پێكه‌نین پێش ئه‌وه‌ی چله‌ی بچێ‌ ده‌مرێ‌

 

 

له‌خه‌ونی مناڵیدا ترس
له‌ خه‌ونی گه‌وره‌بونیشدا ونبوون
فرمێسكی خه‌زان ده‌سڕم
هزرم خاڵیه‌كه‌م له‌چپه‌ چپی مزگه‌وتێك
كه‌هێشتا نازانێ‌ بۆ پێی ده‌ڵێن ماڵی خودا

 

پشت له‌ نیشتمانی بێهیوایی ده‌كه‌م
له‌ زمانی په‌پوله‌یه‌كه‌وه‌ ژیان ده‌نوسمه‌وه‌
ڕوبارێكی قه‌یره‌ ژیرده‌كه‌مه‌وه‌

تارماییه‌ك هه‌ڵوێسته‌یه‌كی كرد
جارێكی تر كفر یه‌كسانه‌بێته‌وه‌ به‌ باوك
ته‌مه‌نناكانم چاویان كوێره‌بێ
هزریان پڕه‌بێ‌ له‌ مه‌رگ
زمانیان له‌وتن ئه‌كه‌وێ‌
خوداش دیسان بێده‌نگی هه‌ڵده‌بژێرێ‌

 

 

هه‌موو گۆڕهه‌ڵكه‌نه‌كانی خودا هاتن
گومان كچێنی پاكی  بردم
عه‌سرێك مه‌رگێكی شپرزه‌ی هێناوه‌
نا,مه‌غریبێك بۆی ناردبووم
له‌ دێره‌ شعرێكی بێكه‌سم بۆی ئه‌گه‌ڕێ‌

 

هه‌رده‌بوو لێره‌بوون فڕه‌م بداته‌ باوه‌شی بێمانایی
ئێسته‌ قه‌برسان من ئه‌نوسێته‌وه‌
منیش تۆ…..
ئه‌و ده‌به‌خشم,
به‌ڵام دایكیم ئیتر ڕوناكاته‌وه‌ خودا….

 

 

كاردینای سپی

 

 

 

Previous
Next
This site is registered on wpml.org as a development site.