Skip to Content

Tuesday, April 23rd, 2024
روونكردنه‌وه‌یه‌ك له‌سه‌ر هه‌ڵوێستی كه‌ناڵی KNN

روونكردنه‌وه‌یه‌ك له‌سه‌ر هه‌ڵوێستی كه‌ناڵی KNN

Closed
by November 28, 2010 گشتی

 

من له‌قسه‌یه‌كی نووسه‌رو روناكبیر مه‌ریوان وریا قانعه‌وه‌ ده‌ست پێده‌كه‌م ، كه‌ ده‌ڵێ ” ئه‌گه‌ر بزوتنه‌وه‌ی گۆڕان كۆپی حیزبه‌كانی تر بێت ، ئه‌وا جاڕی مردنی خۆی ئه‌دات ” له‌م رۆژانه‌دا په‌یامنێری KNN  له‌ كه‌ركوك په‌یوه‌ندی پێمه‌وه‌ كرد كه‌ راپۆرتێكی له‌سه‌ر هه‌وڵی چه‌ند براده‌رێك له‌سلێمانی بۆ دامه‌زراندنی سه‌ندیكایه‌كی رۆژنامه‌وانی سه‌ربه‌خۆ قسه‌م له‌گه‌ڵ بكات ، من هیچ كێشه‌یه‌كم له‌گه‌ڵ هیچ كه‌ناڵێك نیه‌ و هه‌رمه‌سه‌له‌یه‌ك رووبه‌ڕووی من بكرێته‌وه‌ ، به‌پێی توانا قسه‌ی خۆم ده‌كه‌م له‌كاتێكدا ئه‌وان قسه‌ی منیان له‌لا گرنگ بێت ، ئه‌و په‌یوه‌ندیه‌ كرا منیش قسه‌ی خۆم به‌م شێوه‌یه‌ كرد ، سه‌ره‌تا من ئه‌و هه‌وڵه‌م پێباشه‌ ، به‌ڵام به‌مه‌رجێ ناكرێ ئه‌و هه‌وڵه‌ ته‌ناه له‌چوارچێوه‌ی شارێكدا قه‌تیس بكرێت و پێشتر كه‌س ئاگادار نه‌كرێته‌وه‌ ، ده‌بوو ئه‌و برادارانه‌ بۆ به‌رفراوبوونی ئه‌و مه‌سه‌له‌یه‌ پێشتر قسه‌یان له‌گه‌ڵ رۆژنامه‌نووسه‌ سه‌ربه‌خۆكانی هه‌ولێر و دهۆك و كه‌ركوك بكرادایه‌و هیچ نه‌بێ پێشتر دانیشتنێك له‌و باره‌یه‌وه‌ بكرایه‌ ، ده‌نا ئه‌وه‌ی ئه‌وان ده‌یكه‌ن به‌ بڕوای من نان و پیازخواردنه‌ به‌و مه‌سه‌له‌یه‌وه‌ ، چونكه‌ له‌بنه‌ڕه‌تدا هه‌وڵدان بۆ مه‌سه‌له‌یه‌كی له‌و جۆره‌ ناكرێ ته‌نها له‌سلێمانیه‌وه‌ بڕیاری له‌سه‌ر بدرێت ، من تێناگه‌م ئه‌گه‌ر ئه‌و براده‌رانه‌ بیریان له‌و مه‌سه‌له‌یه‌ نه‌كردووه‌ته‌وه‌ یا خود به‌رده‌وام ئه‌وانیش وه‌ك سیاسه‌كان ده‌یانه‌وێ ئه‌وان له‌به‌رزیدابن و ئێمه‌ش له‌ژێری ژێره‌وه‌ ، ئه‌وا ئه‌وه‌ی د. مه‌ریوان وریا قانع وتویه‌تی رێك وایه‌ ، ئه‌م دۆخه‌ی ئێمه‌ی كوردی پێدا تێده‌په‌ڕین به‌ئازادو حیزبیه‌وه‌ ، دۆخێكه‌ عه‌قڵی ئێمه‌ی تووشی جۆرێك له‌نه‌خوێندنه‌وه‌ی ئه‌وی دی كردووه‌ ،  ته‌نانه‌ت بۆ كه‌مپینی بێده‌نگ نابینیش ئه‌و براده‌رانه‌ پێشتر قسه‌یان له‌گه‌ڵ كه‌س نه‌كرد و یه‌كسه‌ر كه‌مپینه‌كه‌یان راگه‌یاند ، ئه‌وه‌ی له‌شاره‌كانی تریش كرا ته‌نها بۆ پشتگیری كردن له‌وان و ئه‌و دۆخه‌ ناله‌باره‌ بووكه‌ سه‌رده‌شت عوسمانی جوانه‌مه‌رگی تیا شه‌هید كرا  ، ئه‌مه‌یان ده‌خه‌ینه‌ لاوه‌ ، من له‌  KNN و بزوتنه‌وه‌ی گۆڕان ده‌پرسم ئه‌گه‌ر ئێوه‌ قسه‌ی جیاوازتان قبوڵ نیه‌ ، ئیتر ئۆپۆزیسیۆن بوون یانی چی ؟ ، له‌هه‌موو دونیادا ئۆپۆزیسیۆن بوون له‌سه‌ر بنه‌مای نه‌بوونی عه‌داله‌تی كۆمه‌ڵایه‌تی دروست ده‌بێت ، ئێوه‌ خۆتان سه‌دان جار وتوتانه‌ له‌ناو بزوتنه‌وه‌ی گۆڕان ده‌یان دیدو روئیای سیاسی و رۆشنبیریی جیاواز هه‌یه‌ ، ئه‌مه‌مان قبوڵه‌ ، به‌ڵام ئه‌وه‌ی ئێوه‌ له‌ئۆپۆزیسیۆن بوون ده‌خات و ده‌تانخاته‌ ریزی هه‌مان عه‌قلییه‌تی حیزبه‌كانی تره‌وه‌ ، ئه‌وه‌یه‌ ئێوه‌ش ته‌نها به‌قسه‌ ئۆپۆزیسیۆنن و نه‌تانتوانیوه‌ مسقاڵه‌زه‌ڕیه‌ك گۆڕانكاریی به‌سه‌ر عه‌قلییه‌تی كه‌سه‌كانی ناو بزوتنه‌وه‌كه‌تانادا بكه‌ن و بۆ خه‌ڵكی كوردستانی بسه‌ڵمێنن كه‌ ئۆپۆزسیۆن بوون و سه‌رهه‌ڵدانی ئاكامی نه‌بوونی بیروڕای جیاواز سه‌ری هه‌ڵدا ، باشه‌ خۆ هه‌ر ئێوه‌ بوون له‌ بزوتنه‌وه‌ی گۆڕان له‌م ماوه‌یه‌دا كه‌مپینێكتان بۆ ئِازادی راده‌ربڕین راگه‌یاندو دونیایه‌ك خه‌ڵكتان هێنایه‌ سه‌ر شه‌قامه‌كانی كوردستان ، ئه‌ی ده‌كرێ من قسه‌یه‌كی جیاوازم هه‌بێت و ئێوه‌ش راپۆرته‌كه‌ی په‌یامنێیره‌كه‌ی خۆتان بڵاو نه‌كه‌وه‌ گوایه‌ قسه‌كانی ئێمه‌تان به‌دڵ نیه‌ ، بۆچی ئێوه‌ ده‌تانه‌وێ به‌قسه‌ی ئێوه‌ بڵێین و بنووسین ، ئه‌گه‌ر تێگه‌یشتنی  KNN  بۆ ئۆپۆزیسیۆن بوون به‌م مه‌نتیقه‌یه‌ ، ئه‌وا قوڕی دونیا به‌سه‌ر كورد ، من نازانم ئه‌مه‌ تێگه‌یشتنی بزوتنه‌وه‌ی گۆڕانه‌ بۆ ئۆپۆزیسیۆن بوون یا خود ته‌نها تێگه‌یشتنی كه‌ناڵی  KNN  ، ئه‌گه‌ر به‌م مه‌نتیقه‌ مامه‌ڵه‌ له‌گه‌ڵ دیدو بیروڕای جیاواز بكرێت ، ئه‌وا ” ئاش له‌خه‌یاڵێك و ئاشه‌وان له‌خه‌یاڵێك ” چونكه‌ براده‌رانی كه‌ناڵی KNN به‌ په‌یامنێره‌كه‌ی خۆیان وتووه‌ ئه‌م راپۆرته‌ دانابه‌زێ ، له‌به‌ر ئه‌وه‌ی به‌دڵی ئه‌وان قسه‌مان نه‌كردووه‌ ، من پێكه‌نینم به‌م جۆره‌ عه‌قلییه‌ته‌ دی ، له‌وه‌ ئه‌چێ ئه‌و براده‌رانه‌ی KNN ئۆپۆزیسیۆن بوون ته‌نها به‌م شێوه‌یه‌ ته‌فسیر بكه‌ن كه‌ ده‌بی هه‌موو قسه‌یه‌ك دژی ده‌سه‌ڵات بێت ، من له‌ كه‌سه‌كانی نێو بزوتنه‌وه‌ی گۆڕان ده‌پرسم ئایا به‌جیدی ئێوه‌ به‌م مه‌نتقه‌ی ئه‌م كه‌ناڵه‌ رازین ، یانی ناكرێ كه‌س قسه‌ی له‌سه‌ر خه‌ڵكی تر هه‌بێت و رایه‌كی جیاوازی هه‌بێ ، ئیوه‌ ته‌فسیری چی بۆ ئه‌م جۆره‌ عه‌قلییه‌ته‌ ده‌كه‌ن ، ئه‌ی هاوار به‌ڕێزان ئێوه‌ هه‌موو قسه‌یه‌كتان له‌سه‌ر گۆڕینی عه‌قلییه‌تی حیزبی كوردی و سستمی سیاسی كوردیه‌ ، باشه‌ ئه‌وه‌ی ئه‌م كه‌ناڵه‌ ده‌یكات چ جیاوازییه‌كی له‌گه‌ڵ ده‌سه‌ڵات هه‌یه‌ ، من هه‌ستده‌كه‌م ماوه‌یه‌كه‌ كه‌ناڵه‌كانی سه‌ر به‌ده‌سه‌ڵات ره‌فزم ده‌كه‌ن و قبوڵیان نیه‌ من له‌و كه‌ناڵانه‌وه‌ قسه‌ بكه‌م ، باشه‌ ئه‌وا زانیمان ده‌سه‌ڵات به‌و عه‌قلییه‌ته‌ كار ده‌كات ، باشه‌ خۆ ئێوه‌ ناوتان له‌خۆتان ناوه‌ ئۆپۆزیسیۆن و به‌ناوه‌ داكۆكی له‌رای جیاواز ده‌كه‌ن ، باشه‌ بۆ نابێ من رایه‌كی جیاوازم له‌سه‌ر بیركردنه‌وه‌ی ئه‌و براده‌ره‌ به‌ڕێزانه‌ هه‌بێ ، من كاتی خۆی وتارێكم نووسی و تیایدا باسم له‌وه‌ كرد له‌م قۆناغه‌دا باوه‌ڕم به‌گۆڕان له‌سه‌ر ده‌ستی عه‌قڵی كوردی نیه‌ ، له‌م وتاره‌مدا هه‌ندێك دوودڵبووم و پێموابوو ده‌كه‌ومه‌ هه‌ڵه‌یه‌كی مێژووییه‌وه‌ ، به‌ڵام ئه‌وه‌ی من باسم كرد رێك واده‌رچوو ، سه‌یره‌ خۆتان داواتان كردووه‌ راپۆرتێك له‌وباره‌یه‌وه‌ بكرێت ، كه‌چی له‌به‌ر ئه‌وه‌ی قسه‌كانی من و له‌تیف فاتیح فه‌ره‌جتان به‌دڵ نه‌بووه‌ ، راپۆرته‌كه‌تان ره‌تكردووه‌ته‌وه‌ ، من به‌و پێیه‌ی چه‌ند جارێك له‌كه‌ناڵی knn  قسه‌م كردووه‌ ، خه‌ڵكی ساده‌و سیاسیه‌ نه‌خوێنده‌واره‌كان وای ته‌فسیر ده‌كه‌ن كه‌ من سه‌ربه‌ بزوتنه‌وه‌ب گۆڕان بم ، بۆیه‌ چه‌ندجارێك وتوومه‌ زۆر ئاساییه‌ ئه‌م قسه‌نه‌ خه‌ڵكی ساده‌ و سیاسی نه‌خوێنده‌وار بیكه‌ن ، به‌ڵام ئاسایی نیه‌ خه‌ڵكی رۆشنبیرو خوێنده‌وار ئه‌م ته‌فسیره‌ی بۆ رۆشنبیر هه‌بێ ، ئه‌مه‌ به‌و مانایه‌ نیه‌ خوانه‌خواسته‌ من خۆم به‌رۆشنبیر بزانم ، نه‌خێر ته‌نها ته‌فسیره‌كه‌م وایه‌ ، بۆیه‌ناكرێ كه‌سانێك كه‌ناڵێكی ئاسمانی ئۆپۆزیسیۆن ببه‌نه‌ڕێوه‌ به‌م مه‌نتیقه‌ مامه‌ڵه‌ له‌گه‌ڵ خه‌ڵك و دیدی جیاواز بكه‌ن ، له‌كاتێكدا ئێوه‌ قسه‌ی زۆرتان له‌سه‌ر تووتی بوونی رۆژنامه‌نووسه‌ حیزبیه‌كان هه‌یه‌ ، ئه‌م جۆره‌ مامه‌ڵه‌كردنه‌ به‌ر له‌هه‌ر كه‌سێك بزوتنه‌وه‌ی گۆڕان و كه‌ناڵی knn  باجه‌كه‌ی ده‌ده‌ن و دڵنیاتان ده‌كه‌مه‌وه‌ ئه‌گه‌ر ئه‌م مه‌سه‌له‌یه‌ چاره‌سه‌ر نه‌كه‌ن ئه‌وا مه‌سداقییه‌ت له‌ده‌ست ده‌ده‌ن و جیاوازییه‌كه‌شتان له‌گه‌ڵ حیزبه‌كانی دی ته‌نها ره‌نگه‌كه‌تانه‌ و هیچی تر ،من پێمخۆش بوو ئه‌م وتاره‌ بۆ رۆژنامه‌ی ” رۆژنامه‌ ” بنێرم ، به‌ڵام پێشتر ئه‌م هه‌وڵه‌م داوه‌ و كارێكی له‌و شێوه‌یه‌م كرد بڵاویان نه‌كرده‌وه‌ ، پاشان ئه‌وان ئه‌و راپۆرته‌یان بڵاو نه‌كرده‌وه‌ ، تۆ بڵێی ئه‌م بابته‌ بڵاو بكه‌نه‌وه‌ ؟ ئه‌مه‌ وه‌ڵامێكه‌ بۆ ئه‌و به‌ڕێزانه‌ پێیان باش بوو وتاره‌كه‌م بۆ رۆژنامه‌ی رۆژنامه‌ بناردایه‌ .

داناعه‌سكه‌ر
dana_ak97@yahoo.com

Previous
Next
This site is registered on wpml.org as a development site.