خۆزگە دەمزانى…. كاوەى خەسرەوكاوانى

 خۆزگە دەمزانى ناخى تۆ
 چ سڕێكى گرتۆتەخۆ
 روخسارت شتێك دەنوێنىَ و
 لەناختدا شتێكى ترخۆى باس دەكا…
 پەیڤەكانت ووشەى جیاجیاو چاوەكانت
 ناخى ئارامم كاس دەكا…
 كەبىَ دەنگى و لەبەرخۆتا دادەمێنى
 منیش دەخەیتەناوخەیاڵ…
 دڵم هەزارپرسیاردەكا
 رۆحیش بىَ ئۆقرەیەو دەفڕىَ
 وەكو باڵندەى كێوویاڵ …
 چ خەمێكى هیند گەورەیە
 وجودى لىَ داگیركردووى
 هەموو ناختى داتەنیوە…
 دەخەم مەخۆ نەك خەمەكان
 دڵ و تەمەن و رۆحیشم
 لەگەڵ تۆدەكەم بەنیوە .
                                                           9/2/2008