گیڤارا …… به‌ندی عه‌لی

Closed

byبه‌ندی January 30, 2011 هۆنراوە

پیاوێک
له‌ناخی شه‌وا ئه‌دره‌وشایه‌وه‌
ئه‌ستێره‌ش نه‌بوو
پیاوێک
به‌سه‌ر جه‌نگه‌ڵی سته‌ما ئه‌باری
بارانیش نه‌بوو
پیاوێک
به‌ئاسمانی ئازادیا ئه‌فڕی
پاساریش نه‌بوو
پیاوێک
ده‌ستبازی له‌گه‌ڵ مه‌رگا ئه‌کرد
پڕیش بوو له‌بۆن و به‌رامی گوڵ
له‌ڕه‌نگه‌کانی ژیان
پیاوێک
له‌گه‌ڵ تفه‌نگا ئه‌ژیاو
خه‌یاڵیشی هه‌ر له‌لای گیتاره‌که‌ی بوو
پیاوێک
ساڵه‌هایه‌ مردووه‌و ، تا ئه‌مڕۆش
ئاوازه‌کانی به‌رخودان ئه‌ژه‌نێ