حه‌یرانێک بۆ ئازادی هه‌ولێر …به‌ندی عه‌لی

 .. 2011

ئه‌ی که‌ناری وه‌فا
هه‌سته‌ سه‌رپێ
وا نه‌وره‌سه‌ باڵ سپیه‌که‌ی
روحی رێژوان
بۆ لای تۆ دێ

له‌باوه‌شی میهری بگره
ئه‌ی میهره‌بان
ڕازی پێه‌و نازی ئه‌وێ
گوێی بۆ شلکه
ئه‌و مه‌لێکی پێکراوه‌و
له‌سازی بێزاری دڵت
جورئه‌تی ئاوازی ئه‌وێ

هه‌ولێر
ئه‌ی ده‌فته‌ری مێژوو
په‌ڕه‌یه‌کی نوێ ئاوه‌ڵاکه‌
به‌په‌ڕه‌موچێکی سپی و
مه‌ره‌که‌بی خوێنی ڕۆژین
قه‌سیده‌یه‌ک بنووسه‌وه‌و
بیده به‌ده‌ست خاره‌ سێوه‌ی
تاکو بیکات به‌حه‌یرانێکی ئازادی